16:28 13.02.2018
«1988 թվականին ես 24 տարեկան էի, աշխատում էի որպես մեքենագրուհի, քարտուղարուհի, կուսակցական էի, հրաշալի տիրապետում էի ադրբեջաներենին, մասնակցում էի բոլոր ժողովներին, քվեարկում էի: Փետրվարի 27-ի երեկոյան քրոջս հետ գնացի կինոթատրոն և այդ օրվանից ինձ համար սկսվեց Սումգայիթի դժոխքը: Կինոթատրոնը հենց Քաղկոմի մոտ էր: Այնտեղ հավաքվել էին մի խումբ թափթփուկներ, պարզվեց, որ այդտեղ պետք է հանրահավաք լիներ:
Ֆիլմն ընդհատվեց, ներս մտան սարսափելի տեսքով ինչ-որ ստահակներ, թմրամոլներ և սկսեցին պահանջել, որ հայերը բարձրանան բեմ: Ես հասկացա, որ մի բան այն չէ: Քրոջս ասացի՝ դու թխահեր ես, քեզ կարող են ընդհանրապես հայի տեղ չդնել, կասես՝ մենք իրար հետ չենք: Մենք դուրս եկանք, ֆիլմը շարունակվեց, ինչ-որ կերպ հասանք տուն, ամբոխն արդեն կատաղել էր: Բոլորը գոռում էին «Մահ հայերին»: Ես չէի հավատում իմ ականջներին, նախորդ օրը ես աշխատանքի էի, մի՞թե նման բան է հնարավոր:
Եկա տուն, մայրս ասաց այն, ինչ կատարվեց հաջորդ օրը. եթե նրանք այսօր ասում են, թե մահ հայերին, վաղը կսպանեն: Հաջորդ օրը ժամը 17.00-ին ամբոխը մոտեցավ մեր շենքին: Սկսեցին բարձրանալ մեր տուն, ես բոլորին թաքցրի մահճակալների տակ: Դուռը ծեծեցին, ես հանգիստ բացեցի, ասացին, թե Ղափանում մի ադրբեջանցի աղջկա են հայերը բռնաբարել: Ես մաքուր ադրբեջաներենով պատասխանեցի, թե մենք ինչ մեղավոր ենք, ինչ կապ ունենք դրա հետ, մենք Ղափանում չենք ապրում: Այդ տղաները շփոթվեցին ու հեռացան, հետո լսեցի, որ ներքևում կանգնած նրանց ղեկավարն ասաց, թե ինչպես են իջել առանց որևէ բան անելու:
«Գնացեք սպանեք, թալանեք, բռնաբարեք, կոտորեք, ջարդեք»,- ասում էր նրանց:
Ամբոխը հետ եկավ, արդեն չթակեց դուռը, այլ կոտրեց:
Մտան ներս ու սկսեցին բոլորին ծեծել: Մահճակալի տակից դուրս բերեցին մեր ռուս բարեկամին ու քրոջս: Քույրս ասաց, որ ինքը հյուր է այս տանը: Նրան ապտակեցին ու ասացին, որ հայերի տուն էլ չգա: Նրանք հեռացան, փրկվեցին: Ընտանիքիս մյուս անդամները գազանաբար ծեծվեցին: Քանի որ ես էի առջևում, ինձ ամենաշատը ծեծեցին: Ինձ քարշ տվեցին փողոց: Թե ինչ է եղել, չեմ հիշում, ինձ տարել են հիվանդանոց:
Ես սարսափելի ծեծված էի այն աստիճան, որ ինքս ինձ նման չէի: Ուշքի եկա հիվանդանոցում, հետո մի ավտոբուս լիքը զինվորականների ուղեկցությամբ տարան մարզական համալիր: Այնտեղ հավաքված էին բոլոր հայերը, տանկերը և զինվորականները նրանց հսկում էին: Հայերն իրար էին փաթաթվում, ու ես իմացա եղելությունը»,- պատմել է Սումգայիթի սպանդից փրկված Մարինե Մեժլումյանը:
17:08 03.05.2025
Եմենի վարչապետը հրաժարական է տվելԵմենի վարչապետ Ահմեդ Ավադ բեն Մուբարաքը հայտարարել է, որ հրաժարական է տվել իր պաշտոնից։ Բեն Մուբարաքը Եմենի վարչապետ է նշանակվել 2024 թվականի փետրվարի սկզբին: Նա նախկինում զբաղեցրել է արտաքին գործերի նախարարի պաշտոնը: «Ես ավարտել եմ իմ հանդիպումը նախագահական խորհրդի ղեկավար Ռաշադ ալ-Ալիմիի հետ և նրան հանձնել եմ վարչապետի պաշտոնից իմ հրաժարականը»,-ասվում է X սոցիալական ցանցում […] ...
17:00 03.05.2025
Քննչական կոմիտեի աշխատակազմը ևս մասնակցել է համապետական շաբաթօրյակինԱյսօր Քննչական կոմիտեի անձնակազմը Արթուր Պողոսյանի հետ միասին համապետական շաբաթօրյակի շրջանակում մասնակցել է վարչական շենքի բակային հատվածի մաքրման աշխատանքներին: Արթուր Պողոսյանը Քննչական կոմիտեի այգում տնկել է խորհրդանշական եղևնի: Համապետական շաբաթօրյակին մասնակցել են նաև Քննչական կոմիտեի տարածքային ստորաբաժանումների աշխատակիցները: ...
16:52 03.05.2025
ՆԳՆ ստորաբաժանումները մասնակցել են համապետական շաբաթօրյակինՄայիսի 3-ին ՀՀ ներքին գործերի նախարարության ու ենթակա ծառայությունների՝ Ոստիկանության, Փրկարար ծառայության ու Միգրացիայի և քաղաքացիության ծառայության աշխատակիցները միացել են համապետական շաբաթօրյակին։ Նրանք Երևանում ու մարզերում իրականացրել են մաքրման, արձանների և հուշարձանների լվացման աշխատանքներ: Խնամվել և բարեկարգվել են կանաչապատ տարածքները։ ՆԳ նախարարությունը կարևորում է նման նախաձեռնությունները, որոնք նպաստում են մաքուր և առողջ միջավայրի ապահովմանը։ ...
16:42 03.05.2025
Վարչապետ Նիկոլ Փաշինյանն այցելել է Ախթալա, Քարկոփ և Բերդավան բնակավայրերՎարչապետ Նիկոլ Փաշինյանը Լոռու մարզ այցի երկրորդ օրը եղել է Ախթալայում՝ ծանոթացել կամրջի վերականգնման ուղղությամբ իրականացված աշխատանքներին: Նախորդ տարի տեղի ունեցած հեղեղումների հետևանքով ավտոմոբիլային նշանակության կամրջի առանձին էլեմենտները մասնակի կամ ամբողջական քայքայված են եղել և պիտանի չի եղել շահագործման: Փոխարենը կառուցվել է Մ-6-ն Ախթալայի հետ կապող պողպատե ֆերմաներով ժամանակավոր նոր 2-րդ կամուրը։ Ժամանակավոր կամրջի կառուցման […] ...
16:34 03.05.2025
Մարսելն աջակցում է հայ ժողովրդին և խաղաղությանը. քաղաքապետ Բենուա Պայանն այցելել է ՀայաստանՄարսելի քաղաքապետ Բենուա Պայանը պաշտոնական այցով ժամանել է Հայաստան: «Արմենպրես»-ի փոխանցմամբ՝ Պայանը «Ֆեյսբուք»-ի իր էջում այցից տեսանյութ է հրապարակել: «Մեծ հուզմունք էր տիրում Հայաստանի և Ադրբեջանի սահմանին, Խաչիկի առողջապահական կենտրոնում և Պարույր Սևակի՝ արցախցի փախստականների ընդունման կենտրոնում։ Մարսելը աջակցում է հայ ժողովրդին և խաղաղությանը»,-նշել է Պայանը: ...
16:30 03.05.2025
Նորաշեն արգելոցում և հարակից տարածքներում իրականացվել են մաքրման լայնածավալ աշխատանքներ. ՇՄՆՀամապետական շաբաթօրյակի շրջանակում «Սևան» ազգային պարկ» ՊՈԱԿ-ի և Շրջակա միջավայրի նախարարության էկոպարեկային ծառայության Գեղարքունիքի և Կոտայքի մարզային վարչության Սևանի տեղամասի աշխատակիցները համատեղ կերպով իրականացրել են մաքրման լայնածավալ աշխատանքներ Նորաշեն արգելոցում և հարակից տարածքներում։ Ինչպես տեղեկացնում են Շրջակա միջավայրի նախարարությունից, մաքրվել է շուրջ 36 հեկտար տարածք, որտեղից հավաքվել են կենցաղային թափոններ, ինչպես նաև իրականացվել է բնության […] ...
