20:31 13.02.2018
8 ու կես տարի է, ինչ մենք ուսումնասիրում ենք Սումգայիթի ողբերգությունը «Սովորական ցեղասպանություն» ծրագրի շրջանակում: Դա այն դեպքն է Արցախյան հակամարտության պատմության մեջ, որն ամենից շատ փաստագրված է: Ունենք շատ փաստաթղթեր, որոնք ոչ միայն ականատեսների պատմություններն են, այլև պաշտոնական փաստաթղթեր են՝ քննչական և դատական նյութեր, տեսագրություններ, այդ թվում՝ ջարդերի ժամանակ արված տեսագրություններ: Այս մասին լրագրողների հետ հանդիպման ժամանակ ասել է «Սովորական ցեղասպանություն» նախագծի հեղինակ Մարինե Գրիգորյանը:
«Մենք եկել ենք պարզ եզրակացությունների՝ Սումգայիթում առաջին անգամ դրսևորվեցին մի շարք օրինաչափություններ, որոնք ի հայտ եկան անցած 30 տարվա ընթացքում և ապացուցեցին, որ Ադրբեջանն իրականացրել է ցեղասպան քաղաքականություն, ընդ որում, խաղաղ բնակչության դեմ: Ամենակարևորն այն է, որ հանցագործությունը կազմակերպված էր Ադրբեջանի իշխանության կողմից և համակարգված հատուկ ծառայությունների կողմից, սովետական իշխանության լուռ աջակցության պայմաններում:
Սումգայիթի գործադիր մարմնի ղեկավար Էմին Բայլին խոստովանում է, որ ամսի 28-ի առավոտյան Սումգայիթում անցկացրել են միտինգներ, որին մասնակցել է քաղաքի ղեկավարությունը, որում հնչել են «Մա՛հ հայերին» կոչեր, որից հետո ջարդերը շարունակվել են: Մենք ունենք տեսագրություններ, թե ինչպես են Ադրբեջանի ղեկավարները ղեկավարում ջարդերը:
Այդ տեսագրությւնները տեղ են գտել մեր «Սովորական ցեղասպանություն. Սումգայիթ, փետրվար 88» ֆիլմում, որում պարզ երևում է, թե ինչպես են ղեկավարները, մեքենաների մեջ նստած, ռացիաներով ցուցումներ տալիս ու տեսանկարահանում ջարդերը: Մյուս ապացույցն այն է, որ ադրբեջանական գործադիր մարմնի աշխատակիցները խոստովանել են, որ ջարդերից հետո Բաքվից ցուցումներ են եղել, որ ջարդերի հետևանքներն անմիջապես վերացվեն»,- ասել է «Սովորական ցեղասպանություն» ծրագրի հեղինակը:
12:47 09.07.2025
Ի՞նչ անել, եթե անշարժ գույք եք հանձնել վարձակալության
19:54 09.07.2025
Համայնքային ոստիկանության Վարդենիսի բաժնում արձանագրվել են ապօրինի զենք-զինամթերքի կամավոր հանձնման դեպքերՀամայնքային ոստիկանության Վարդենիսի բաժնի ծառայողների բնակչության շրջանում ակտիվ բացատրական աշխատանքի արդյունքում օրերս բաժնում արձանագրվել են ապօրինի պահվող զենք-զինամթերքի կամավոր հանձնման դեպքեր։ Մասնավորապես, ոստիկանություն զանգահարած քաղաքացին հայտնել էր, որ Վարդենիս-Սոթք ճանապարհին՝ կամրջի տակ, զենք-զենամթերք է թողել։ Մեկնած ոստիկանները նշված վայրում հայտնաբերել են ակոսափող հրացան, ինքնաշեն ատրճանակ, 7,62 մմ տրամաչափի գնդացրի 87 փամփուշտ, պայթուցիկ, բեկորային նռնակ եւ […] ...
19:49 09.07.2025
Դեսպան Աշոտ Սմբատյանը հանդիպել է Վրաստանի ներքին գործերի նորանշանակ նախարարի հետՀուլիսի 9-ին ՀՀ դեսպան Աշոտ Սմբատյանը հանդիպել է Վրաստանի ներքին գործերի նորանշանակ նախարար Գելա Գելաձեի հետ։ Դեսպանը շնորհավորել է նախարարին՝ պատասխանատու պաշտոնը ստանձնելու կապակցությամբ։ Ինչպես տեղեկացնում են Վրաստանում ՀՀ դեսպանությունից, զրուցակիցները քննարկել են ՀՀ և Վրաստանի համապատասխան իրավապահ գերատեսչությունների միջև համագործակցության ընդլայնմանն առնչվող հարցեր։ ...
19:44 09.07.2025
«Փյունիկի» հայտացուցակը․ Կոնֆերենցիաների լիգա«Փյունիկի» մամուլի ծառայությունը հրապարակել է Կոնֆերենցիաների լիգայի որակավորման առաջին փուլի համար նախատեսված հայտացուցակը։ Դարպասապահներ. Ստանիսլավ Բուչնև, Հենրի Ավագյան։ Պաշտպաններ. Ժոել Բոպեսու, Ալեմաո, Ալեքսանդր Միլկովիչ, Սերգեյ Վակուլենկո, Միխայիլ Կովալենկո, Ֆիլիպե Ալմեյդա, Նիկոլաոս Կայնուրգիոս։ Կիսապաշտպաններ. Սեադ Իսլամովիչ, Դանիլ Կուլիկով, Սոլոմոն Ուդո, Դանիել Աղբալյան, Կառլեն Հովհաննիսյան։ Հարձակվողներ. Էդգար Մալաքյան, Խավի Մորենո, Յուսուֆ Օտուբանջո, Մատաս Վարեյկա, Վագներ Գոնսալվես, Սերոբ […] ...
19:34 09.07.2025
49-ամյա տղամարդու տան բակում կանեփի բույսեր են հայտնաբերվելՀամայնքային ոստիկանության Վաղարշապատի բաժնի ծառայողներն օպերատիվ տեղեկություն էին ստացել, որ Վաղարշապատ քաղաքի Դավիթ Բեկի փողոցի բնակիչ 49-ամյա տղամարդը կանեփ է աճեցնում: Նախաձեռնվել է քրեական վարույթ, որի շրջանակում կատարված զննությամբ 49-ամյա տղամարդու տան բակում հայտնաբերվել է կանեփի 12 բույս: Կատարվում է նախաքննություն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն […] ...
19:24 09.07.2025
ՀՀ քաղաքների մթնոլորտային օդում փոշու պարունակությունըՀիդրոօդերևութաբանության և մոնիթորինգի կենտրոնը ներկայացրել էՀՀ քաղաքների մթնոլորտային օդում փոշու պարունակությունը հունիսի 29-ից հուլիսի 5-ը: Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. ◾️ Վանաձոր քաղաքում՝ Ծատուրյան փողոցի հարակից տարածք՝ հունիսի 29-ին և հուլիսի 4-ին, Վարդանանց փողոցի հարակից տարածք՝ հուլիսի 3-ին և 5-ին, Հերացի փողոցի հարակից տարածք՝ հուլիսի 5-ին։ ◾️ Ալավերդի քաղաքում՝ Սանահին սարահարթ, […] ...
