18:02 22.01.2022
Նոր փոփոխություններով սուբվենցիոն հայտերի ընդունման ավարտի ժամկետը փետրվարի 2-ն է։ Նոր վարչատարածքային կազմավորումներից հետո, խոսքը Շիրակի մարզում համայնքների խոշորացման մասին է, առաջին անգամ մարզպետարանը սուբվենցիոն առաջարկներ է ընդունելու ըստ տարածաշրջանների։ Սա էլ իր հերթին նշանակում է, որ Շիրակի մարզի համայնքներն այսուհետ օգտվելու են մեծ ծրագրերից․ որքան մեծ է համայնքի բյուջեն, այնքան մեծ կլինի նրա և պետության համաֆինանսավորման չափը:
«Աշոցք և Ամասիա համայնքներում ֆոնդային բյուջեն կազմելու է արդեն ընդհանուր 50-ից մինչև 500 մլն դրամի չափով։ Այսինքն, իրենք արդեն պետք է մասնակցեն առնվազն 5 մլն դրամանոց ծրագրերին՝ իրենց համամասնության չափով։ Իսկ Գյումրին, Արթիկը, Ախուրյանն արդեն 1 մլրդ դրամից ավելի բյուջե ունեցող համայնքներ են և յուրաքանչյուրի համամասնության տոկոսը կկազմի 50 մլն դրամ»,- ShantNews.am-ի հետ զրույցում պարզաբանումներ է ներկայացրել Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը։
Վերջին տարիներին համայնքներում այս ծրագրով կատարված աշխատանքներում ակնհայտ է, որ մարզի գրեթե բոլոր տարածաշրջաններում առաջնային լուծում պահանջող խնդիրների ցանկում են համայնքային ճանապարհների նորոգումը, լուսավորությունն ու մանկապարտեզների կառուցումը։ Բոլոր բաղադրիչներով պետության համաֆինանսավորման չափն այս տարի ավելանում է։
Բարձր լեռնային համայնքներից առանձնացվել և 5 տոկոսով ավելացել է սահմանամերձ բնակավայրերին տրամադրվող սուբվենցիայի չափը: Մանկապարտեզների կառուցման ծրագրերում պետական համաֆինանսավորումը կկազմի 70%: Համաֆինանսավորման չափի փոփոխությունը հնարավորություն է տալու ավելի շատ բնակավայրերում ենթակառուցվածքների նորոգումներ կատարել, իսկ փոփոխությունները վերաբերում են նաև նոր ոլորտներին:
«Ավելացել է հեռագնա արոտների ճանապարհների բարեկարգման ծրագիրը, օպտիկամանրաթելային ցանցի անցկացման ծրագիրը, ավելացել են քաղաքաշինության, պաշտպանության ենթակառուցվածքների, ինչպես նաև ապաստարանների կառուցման և նորոգման ծրագրեր», -նշել է Կարեն Բադիշյանը։
Նոր և նախկին ուղղություններով սուբվենցիոն ծրագրերի ուսումնասիրության ժամկետներն հայտնի են, բայց մարզի տարածաշրջաններից հայտերի փաթեթավորված առաջարկներ առայժմ չունեն։ Անցած տարվա սուբվենցիոն ծրագրերով Շիրակ մարզի համայնքներում դեռ անավարտ աշխատանքներ կան, այդ թվում են ճանապարհաշինությունն ու մանկապարտեզների կառուցումը։
2021 թվականի սուբվենցիոն ծրագրերից Շիրակի մարզում անավարտ են 14-ը, պատճառները տարբեր են, դրանցից կարևորն էլ համայնքի համաֆինանսավորման խնդիրն է։ Ծրագրերի ընթացքում փոփոխության են ենթարկվում և՛ նախագծերը, և՛ նախահաշիվները, ինչի արդյունքում էլ լրացուցիչ միջոցների անհրաժեշտություն է առաջանում։
«Համայնքներ ունեցանք, որ տարվա վերջում ամբողջ շինարարական աշխատանքներն ավարտված էին, բայց համայնքը չկարողացավ իր, էսպես ասած, համաֆինանսավորման տոկոսադրույթը ապահովել: Այսինքն կատարել էին 80 տոկոսը, 20 տոկոսը չկարողացան, էդ 20 տոկոսի պատճառով տեղափոխվեց 2022 թվական: Որովհետև մինչև համայնքն իր պարտավորություններն ամբողջությամբ չկատարի, պետությունը որևէ որոշում չի կայացնի և իր փոխհատուցումը չի իրականացնի»։
2021-ի կիսատ մնացած ծրագրերը 2022-ին ավարտելու համար համայնքներին ներկայացվել է հստակ ժամանակացույց։ Իսկ համայնքի բաժին կամ ավելի տոկոս համաֆինանսավորման խնդիրներն արդեն լուծելու են նոր ձևավորվող խոշորացված համայնքները։
09:13 01.05.2025
Կարևոր է աշխատանքային իրավունքների ապահովման նկատմամբ պետության պատշաճ վերահսկողության միջոցների ձեռնարկումը․ ՀՀ ՄԻՊՀՀ մարդու իրավունքների պաշտպան Անահիտ Մանասյանը շնորհավորական ուղերձ է հղել Աշխատանքի օրվա առթիվ․ «Սիրելի՛ հայրենակիցներ, Շնորհավորում եմ Մայիսի 1-ի` Աշխատանքի միջազգային օրվա առթիվ: Այս օրը ևս մեկ առիթ է ընդգծելու յուրաքանչյուրի աշխատանքային իրավունքները պաշտպանելու կարևորությունը: Մեր երկրում աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ: ՄԻՊ աշխատակազմի ուսումնասիրությունները, ստացված բողոքների […] ...
09:10 01.05.2025
Աշխատանքը պետք է լինի արդյունք ստեղծելու և այդ արդյունքը վայելելու միջոց․ Նիկոլ ՓաշինյանՎարչապետ Նիկոլ Փաշինյանի շնորհավորական ուղերձն Աշխատանքի և աշխատավորների համերաշխության միջազգային օրվա առթիվ. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Մայիսի 1–ին նշում ենք Աշխատանքի և աշխատավորների համերաշխության միջազգային օրը, և ուզում եմ բոլորիս շնորհավորել օրվա առիթով։ Քաղաքակրթությունը ձևավորվել ու զարգանում է աշխատանքի արդյունքում, և աշխատանքն է այն գործիքը, որով հնարավոր է անհատի և հանրության կյանքն ավելի […] ...
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
