13:53 08.02.2022
Ուկրաինայի նախագահ Վլադիմիր Զելենսկին չեղարկել է Կիևում գտնվող Գերմանիայի արտաքին գործերի նախարար Անալենա Բերբոկի հետ հանդիպումը՝ Կիևին ռազմական օգնություն տրամադրելուց հրաժարվելու պատճառով։ Այս մասին հայտնում է CNN-ը՝ հղում անելով իրազեկ աղբյուրին։
Ուկրաինայի կառավարությանը մոտ կանգնած աղբյուրի խոսքերով՝ հանդիպումը «չի կայացել, քանի որ Գերմանիայի արտգործնախարարը հրաժարվել է` հստակ հայտարարելով, որ Գերմանիան կհրաժարվի «Հյուսիսային հոսք 2» գազատարից, նույնիսկ եթե Ռուսաստանը ներխուժի Ուկրաինա։
Բացի դրանից` նա հավելել է, որ հանդիպումը չեղարկվել է «Գերմանիայի կողմից Կիևին ուղղակի կամ անուղղակի ռազմական օգնություն տրամադրելուց հրաժարվելու պատճառով»։
«Արևելյան Եվրոպայում և Կիևում շատերն ավելի ու ավելի են դիտարկում Գերմանիան որպես Ռուսաստանի դաշնակից, այլ ոչ թե Արևմուտքի դաշնակից: Եվ նրանք իրենց այսպես են պահում. տեսեք նախկին կանցլեր Շրյոդերին»,- ասել է հեռուստաալիքի զրուցակիցը:
Մինչդեռ Գերմանիայի կանցլեր Օլաֆ Շոլցը CNN-ին տված հարցազրույցում ասել է, որ ոչինչ չգիտի Զելենսկու՝ Բերբոկի հետ հանդիպելուց հրաժարվելու մասին։
Շոլցը նաև ասել է, որ Գերմանիան աշխատում է ԱՄՆ-ի, ՆԱՏՕ-ի և ԵՄ դաշնակիցների հետ՝ ամրապնդելու կոնկրետ քայլերը, որոնք նրանք միասին կձեռնարկեն ռուսական ներխուժման դեպքում։
«Մենք բացարձակապես ակտիվորեն աշխատում ենք միասին, հատկապես ԱՄՆ-ի և ՆԱՏՕ-ի և Եվրամիության մեր դաշնակիցների հետ՝ պարզելու կոնկրետ միջոցներ, կոնկրետ քայլեր, որոնք մենք կձեռնարկենք, եթե ռազմական ներխուժում լինի Ուկրաինա: Եվ այս դեպքում մենք գործելու ենք բացարձակապես միասին։ Մենք պատրաստվում ենք դրան, և կլինեն շատ պատժամիջոցներ»,- ասել է Շոլցը՝ հավելելով, որ այդ պատժամիջոցները մեծ վնաս կհասցնեն Ռուսաստանին։
Հիշեցնենք, որ նախօրեին Կիևում այցով գտնվող Աննլենա Բերբոկն ասել էր, որ երկու կողմերի գրաֆիկում փոփոխություններ են եղել, ուստի Զելենսկու հետ հանդիպում չի լինի։ Փոխարենը նա հանդիպել է վարչապետ Դենիս Շմիգալի հետ։
Ինչպես հաղորդվում է, Բերբոկը նախատեսում էր այցելել նաև Դոնբասի շփման գիծ։ Բայց նրա գրաֆիկում փոփոխություններ են եղել:
Արտաքին գործերի նախարար Դմիտրի Կուլեբան ասել է, որ կշարունակի քննարկումները Գերմանիայից Ուկրաինա զենքի մատակարարման հարցի շուրջ իր գերմանացի գործընկեր Անալենա Բերբոկի հետ։
11:49 24.06.2025
Ֆիլիպինների մոտակայքում ուժեղ երկրաշարժ է գրանցվել
11:40 24.06.2025
«Հայաստանի էլեկտրական ցանցեր» ՓԲԸ պետականացման պլանը պատրաստ է. Փաշինյան«Հայաստանի էլեկտրական ցանցեր» ՓԲԸ պետականացման պլանը պատրաստ է։ Շատ շուտով կմտնենք գործնական փուլ։ Այս մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը: Պրոցեսները տեղի կունենան Հայաստանի Հանրապետության օրենսդրությանը համապատասխան։ ...
11:30 24.06.2025
Հրդեհ անասնագոմումՀունիսի 24-ին, ժամը 01:12-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հերհեր գյուղի դպրոցի մոտակայքում գտնվող անասնագոմի տանիքում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Հրդեհը մեկուսացվել է ժամը 02։45-ին, մարվել՝ 09։15-ին։ Այրվել է անասնագոմը (մոտ 64 քմ)։ ...
11:18 24.06.2025
Տարադրամի փոխարժեքները հունիսի 24-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 387․5 դրամ: Եվրոյի առքի առավելագույն արժեքն է 443 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4.87 դրամ, վաճառքի նվազագույն արժեքը՝ 4.98 դրամ: ...
11:07 24.06.2025
Իսրայելի կողմից իրականացված հարձակման հետևանքով զոհվել է իրանցի միջուկային գիտնական․ ԶԼՄԻսրայելի կողմից իրականացված հարձակման հետևանքով զոհվել է իրանցի միջուկային գիտնական Մոհամմադ Ռեզա Սադիղին: Այս մասին հաղորդում է NourNews գործակալությունը։ Լրատվամիջոցի հաղորդմամբ՝ Իսրայելը հարձակումը սկսել է առավոտյան, նախքան հրադադարի պայմանավորվածության ուժի մեջ մտնելը։ ...
10:55 24.06.2025
Իսրայելը կարձագանքի հրադադարի ցանկացած խախտման․ Նեթանյահուի գրասենյակԻսրայելը մտադիր է վճռականորեն արձագանքել Իրանի կողմից հրադադարի ցանկացած խախտման, հայտարարել է այդ երկրի վարչապետ Բենիամին Նեթանյահուի գրասենյակը։ «Իսրայելը վճռականորեն կարձագանքի հրադադարի ցանկացած խախտման: Իսրայելի քաղաքացիները պետք է շարունակեն հետևել հրամանատարության հրահանգներին մինչև հրադադարի լիարժեք պահպանումը», – ասվում է պաշտոնական հայտարարության մեջ: ...
10:43 24.06.2025
Արտերկրի գիտնականների ղեկավարությամբ կստեղծվի 12 հեռավար լաբորատորիա. մրցույթի արդյունքները հայտնի ենՀՀ ԿԳՄՍ նախարարի հրամանով հաստատվել է «Հեռավար լաբորատորիաների հիմնադրման ծրագիր-2025» մրցույթի արդյունքում ֆինանսավորման երաշխավորված գիտական նախագծերի ցանկը։ Մրցույթի արդյունքում ընտրվել է արտերկրի գիտնականների ղեկավարությամբ ՀՀ պետական գիտական կազմակերպությունում հեռանկարային, ժամանակակից գիտական ուղղություններով նոր ստորաբաժանումների ստեղծմանն ուղղված 12 հնգամյա նախագիծ՝ 5 տարվա կտրվածքով մինչև 130 միլիոն ՀՀ դրամ բյուջեով: Մրցույթի մանրամասները ...
