14:06 17.02.2022
Փետրվարի 16-ին կյանքից հեռացել է Բյուրականի աստղադիտարանի (ԲԱ) առաջատար գիտաշխատող, ֆմգթ Նորայր Մելիքյանը։
Նորայր Մելիքյանը ծնվել է 1948թ-ի դեկտեմբերի 27-ին Արտաշատում։ 1968-1974թթ․ սովորել է Երևանի պետական համալսարանի (ԵՊՀ) ֆիզիկայի ֆակուլտետում։ 1973թ-ից սկսել է զբաղվել գիտական հետազոտություններով՝ ընդունվելով ԲԱ աշխատանքի։
1974թ-ին ավարտելով ԵՊՀ-ն, նա՝ որպես ավագ լաբորանտ, սկսել է զբաղվել հետազոտական նոր թեմայով պրոֆ. Լյուդվիգ Միրզոյանի ղեկավարությամբ «Աստղերի և միգամածությունների ֆիզիկայի» գիտահետազոտական բաժնում։ 1977թ-ին դարձել է կրտսեր գիտաշխատող, 1986թ-ին՝ գիտաշխատող, 1990թ-ին՝ ավագ գիտաշխատող, իսկ 2012-ից՝ առաջատար գիտաշխատող: Մելիքյանը 2006-2012թթ եղել է ԲԱ տնօրենի տեղակալ։ 1994թ-ից եղել է ԲԱ գիտական խորհրդի անդամ:
Սկզբնական շրջանում նրա գիտական հետազոտության հիմնական ոլորտը վերաբերում էր աստղակույտերում և ընդհանուր աստղային դաշտում հայտնաբերված բռնկվող աստղերին։ Ն․ Մելիքյանը 1984թ-ին ստացել է ֆիզմաթ գիտությունների թեկնածուի աստիճան՝ պաշտպանելով «Բռնկվող աստղերը աստղային ագրեգատներում և Արեգակի շրջակայքում» թեմայով թեկնածուական թեզը։ Թեզի պաշտպանությունից հետո նրա գիտական հետաքրքրությունների ոլորտն ավելի է լայնացել՝ ներառելով փոփոխական կամ անկայուն աստղային օբյեկտների բազմաթիվ նոր տեսակներ՝ T Tau տիպի աստղեր, պայթյունային փոփոխականներ, Հերբիգ-Հարո օբյեկտներ, Միրա տիպի փոփոխականներ, կարմիր հսկաներ և գերհսկաներ: Մասնակցել է միջազգային ծրագրերի, համագործակցել է տարբեր երկրների գիտնականների հետ։
Մելիքյանն ավելի քան 100 գիտական աշխատության հեղինակ է, որոնք տպագրվել են «Աստղաֆիզիկա», Astronomical Journal, Astrophysical Journal, Astronomy & Astrophysics, IBVS և այլ ամսագրերում։
Ն․ Մելիքյանը հանդիսացել է Միջազգային աստղագիտական միության, Եվրոպական աստղագիտական ընկերության և Հայկական աստղագիտական ընկերության անդամ:
Նորայր Մելիքյանի հոգեհանգիստը տեղի կունենա փետրվարի 18-ին Արտաշատում, իսկ հուղարկավորությունը՝ փետրվարի 19-ին նույնպես Արտաշատում։
10:00 06.07.2025
Այրվել է վագոն-տնակՀուլիսի 6-ին, ժամը 01:42-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծամոր քաղաքի 5-րդ փողոցում այրվում է չշահագործվող վագոն-տնակ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 02:09-ին, մարվել՝ 04:01-ին: Այրվել է վագոն-տնակը (մոտ 20 քմ)՝ գույքով: ...
09:00 06.07.2025
Երկրաշարժ Մարտունի քաղաքից 6 կմ հյուսիս-արևմուտքՀուլիսի 6-ին, տեղական ժամանակով ժամը 07:48-ին (Գրինվիչի ժամանակով` ժամը 03։48-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.18⁰ և արևելյան երկայնության 45․25⁰ աշխարհագրական կոորդինատներով Հայաստան՝ Մարտունի քաղաքից 6 կմ հյուսիս-արևմուտք, օջախի 10 կմ խորությամբ 1․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է […] ...
22:59 05.07.2025
Նեթանյահուն կաբինետի նիստ կանցկացնի՝ պատանդների գործարքը քննարկելու համարԻսրայելի վարչապետ Բենիամին Նեթանյահուն կհավաքի կառավարության (այսպես կոչված՝ փոքր կաբինետի) հիմնական անդամներին՝ Գազայի հատվածում պատանդների վերաբերյալ ՀԱՄԱՍ-ի հետ համաձայնագիրը քննարկելու համար, հայտարարել է Իսրայելի կառավարության ղեկավարի գրասենյակի խորհրդական Դմիտրի Գենդելմանը։ Նա մանրամասնել է, որ հանդիպմանը կքննարկվի նաև Կատարում կայանալիք բանակցություններին իսրայելական պատվիրակություն ուղարկելու հարցը։ Ավելի վաղ Ynet պորտալը հայտնել էր, որ Իսրայելի իշխանությունները ՀԱՄԱՍ-ից պատասխան […] ...
22:45 05.07.2025
Բրազիլիայի նախագահը հայտարարել է, որ BRICS-ը խթանում է ինտեգրացիան և համերաշխությունըBRICS երկրները զարգացնում են ինտեգրացիան և խրախուսում համերաշխությունը՝ որպես պատերազմների և անտարբերության հակակշիռ, իսկ Ռիո դե Ժանեյրոյում կայանալիք գագաթնաժողովը կօգնի գտնել գլոբալ ճգնաժամերի լուծումներ, հայտարարել է Բրազիլիայի նախագահ Լուիս Ինասիո Լուլա դա Սիլվան։ «Պատերազմներից քայքայված աշխարհում բարգավաճում չի լինի: Պատնեշների փոխարեն մենք խթանում ենք ինտեգրացիան։ Անտարբերության փոխարեն մենք կառուցում ենք համերաշխություն», – ասել է Լուլան՝ […] ...
22:29 05.07.2025
Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին. ՊապիկյանՀՀ պաշտպանության նախարար Սուրեն Պապիկյանը ֆեյսբուքյան իր էջում գրել է․ «Այսօր վարչապետ Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին: Բանակային խաղերն անցկացվում են երրորդ տարին անընդմեջ։ Այս տարի մեկնարկել են հունիսի 29-ին և կավարտվեն հուլիսի 6-ին»: ...
22:15 05.07.2025
Ցուկերբերգը արծվի կոստյում է հագել Անկախության օրվա առթիվԱմերիկացի միլիարդատեր Մարկ Ցուկերբերգը ԱՄՆ Անկախության օրվա պատվին արծվի հագուստով սյորֆինգ է արել։ Նա միջոցառման տեսանյութը հրապարակել է Instagram-ում։ «Սա՞ է իմ արած ամենահիմար բանը», – գրել է նա։ Մեկ օր առաջ Ցուկերբերգին ցույց էին տվել Սպիտակ տան Օվալաձև աշխատասենյակի դուռը։ Պատճառը նրա հանկարծակի հայտնվելն էր նոր F-47 կործանիչի մշակմանը նվիրված փակ հանդիպմանը։ Ըստ NYP-ի՝ […] ...
