16:41 21.03.2022
Մոսկվայի պետական լեզվաբանական համալսարանում տեղի է ունեցել «Հայագիտությունը՝ լեզուների և մշակույթների համատեքստում» խորագրով գիտաժողովը, որը նվիրված էր բուհի՝ ԱՊՀ մասնակից-պետությունների լեզուների և մշակույթների բազային կազմակերպության «Հայերենի և հայ մշակույթի կենտրոնի» հիմնադրման 20-ամյակին, տեղեկացնում են ՀՀ ԿԳՄՍ նախարարությունից:
Հիբրիդ ձևաչափով կայացած հայագիտական գիտաժողովն առաջին անգամ էր անցկացվում Մոսկվայի պետական լեզվաբանական համալսարանում: Միջազգային կազմկոմիտեի կազմում էին ՀՀ ԿԳՄՍ նախարարի տեղակալ Արթուր Մարտիրոսյանը, ՄՊԼ համալսարանի ռեկտոր Իրինա Կրաևան, Երևանի Վ. Բրյուսովի անվան պետական համալսարանի ռեկտոր Կարինե Հարությունյանը, ՀՀ ԿԳՄՍ նախարարության արտաքին կապերի և սփյուռքի վարչության սփյուռքի հետ կապերի բաժնի գլխավոր մասնագետ Թամարա Զալինյանը և ՄՊԼ համալսարանի միջազգային համագործակցության նախագծային գրասենյակի տնօրեն Օ. Եգորովան:
Գիտաժողովի բացմանը ներկա էին ՀՀ ԿԳՄՍ նախարարության արտաքին կապերի և սփյուռքի վարչության սփյուռքի հետ կապերի բաժնի գլխավոր մասնագետ Թ. Զալինյանը, ՄՊԼ համալսարանի միջազգային համագործակցության նախագծային գրասենյակի տնօրեն Օ. Եգորովան, ՌԴ-ում ՀՀ դեսպանորդ Արսեն Առաքելյանը և Համահայկական համաշխարհային կոնգրեսի նախագահ, Ռուսաստանի հայերի միության նախագահ Արա Աբրահամյանը:
Համաժողովի բացմանը Թամարա Զալինյանը ներկաներին է փոխանցել ՀՀ ԿԳՄՍ նախարարի շնորհավորական խոսքը, ինչպես նաև ներկայացրել «Լեզուների դասավանդումը՝ արդի արտաքին քաղաքականության համատեքստում» զեկույցը: Գիտաժողովին ելույթ են ունեցել 20-ից ավելի զեկուցողներ Ռուսաստանից, Հայաստանից, Նիդեռլանդներից, Իտալիայից, ինչպես նաև կենտրոնի թարգմանչական բաժնի ուսանողներ և ասպիրանտներ:
Թամարա Զալինյանը ԿԳՄՍ նախարարության շնորհակալագիր է հանձնել կենտրոնի ղեկավար, բանասիրական գիտությունների թեկնածու Արմինե Մարտիրոսյանին, որը գործուղվել էր Երևանի Վ. Բրյուսովի անվան պետական համալսարանից: Գիտաժողովի ընթացքում համալսարանի ղեկավարությունը քննարկել է հայագիտական գիտաժողովներն ամենամյա դարձնելու հնարավորությունը:
Նշենք, որ 2001 թվականին բացված կենտրոնը լուրջ դեր է կատարում Ռուսաստանի Դաշնությունում հայերենի դասավանդման և հայ մշակույթի հանրահռչակման գործում: Համալսարանի կողմից տրվող դիպլոմի հավելվածում նշվում է հայերենը՝ որպես ուսումնասիրած առարկա, իսկ մասնագիտական շփման պրակտիկում (ՄՇՊ) անցածներին տրվում է երկրորդ դիպլոմ, որում, որպես որակավորում, նշված է՝ «լրագրող՝ հայերենի իմացությամբ»: Կենտրոնին և գործող մասնագետին իրավունք է վերապահված ղեկավարելու մագիստրոսական և թեկնածուական թեզեր, ինչպես նաև իրականացնելու վերապատրաստումներ, որոնք շատ կարևոր են Ռուսաստանի Դաշնության պետական ուսումնական հաստատություններում հայերենի կարգավիճակն ամրագրելու տեսակետից:
15:37 22.05.2025
Կառավարությունը խրախուսում է ուսանողների առաջադիմությունը
15:30 22.05.2025
Կապահովվի «ՀՀ Սյունիքի մարզի Տաթև համայնքի Սվարանց գյուղի զարգացում» ծրագրի իրականացումըԿառավարությունը տվել է համաձայնություն Սյունիքի մարզի Տաթև համայնքի վարչական սահմաններում գտնվող, համայնքային սեփականություն հանդիսացող, բնակավայրերի նպատակային նշանակության 3.41009 հեկտար մակերեսով բնակելի կառուցապատման հողամասը Թուֆենկյան բարեգործական հիմնադրամին նվիրաբերությամբ տրամադրելուն: Հիմնավորման համաձայն, կարևորելով սահմանամերձ բնակավայրերի համաչափ զարգացումն ապահովելու և ԼՂ-ից տեղահանված ընտանիքների բնակարանային ճգնաժամը մեղմելու անհրաժեշտությունը, Թուֆենկյան բարեգործական հիմնադրամը համագործակցելով Տաթև համայնքի տեղական ինքնակառավարման մարմինների հետ, նախատեսում […] ...
15:22 22.05.2025
«Տոտենհեմը»՝ Եվրոպա լիգայի հաղթողԵվրոպա լիգայի եզրափակչում անգլիական դիմակայությունում «Տոտենհեմը» 1-0 հաշվով հաղթել է «Մանչեսթեր Յունայթեդին»։ Բիլբաոյի «Սան Մամես» ստադիոնում կայացած խաղում վճռորոշ է եղել 42-րդ րոպեին Բրենան Ջոնսոնի խփած գոլը։ Լոնդոնյան ակումբը Եվրոպա լիգայի տիտղոսը նախորդ անգամ նվաճել էր 1984 թվականին, երբ մրցաշարը դեռ կոչվում էր ՈՒԵՖԱ-ի գավաթ։ «Տոտեմհեմը», առհասարակ, նախորդ տիտղոսը նվաճել էր 2008 թվականին` դառնալով Անգլիայի […] ...
15:17 22.05.2025
Բահրեյնի, Սաուդյան Արաբիայի և Օմանի քաղաքացիները կարող են գալ Հայաստան առանց վիզայիԿառավարությունն ընդունել է «Բահրեյնի Թագավորության, Սաուդյան Արաբիայի Թագավորության և Օմանի Սուլթանության քաղաքացիների, ինչպես նաև Ամերիկայի Միացյալ Նահանգների, Եվրոպական միության երկրների, Շենգենյան համաձայնագրի երկրների, Արաբական Միացյալ Էմիրությունների, Բահրեյնի Թագավորության, Կատարի Պետության, Սաուդյան Արաբիայի Թագավորության, Քուվեյթի Պետության կամ Օմանի Սուլթանության տարածքում կացության կարգավիճակ ունեցող օտարերկրացիների համար Հայաստանի Հանրապետություն առանց մուտքի վիզայի այցելությունների ռեժիմ սահմանելու մասին» որոշում: Որոշման […] ...
15:11 22.05.2025
Կարդիականացվի մթնոլորտային օդի որակի մոնիթորինգի համակարգըԿառավարությունը հաստատել է Մթնոլորտային օդի պահպանության բնագավառում 2025-2030 թթ. համալիր միջոցառումների ծրագիրը, որի նպատակը մթնոլորտային օդի որակի մոնիթորինգի համակարգի արդիականացումն է և միջազգային չափանիշներին համապատասխանեցումը: Շրջակա միջավայրի նախարար Հակոբ Սիմիդյանը ներկայացրել է, որ նախատեսվում է արդիականացնել մթնոլորտային օդի որակի մոնիթորինգի համակարգը և այն համապատասխանեցնել միջազգային չափանիշներին, Առողջապահության համաշխարհային կազմակերպության կողմից առաջարկվող օդի որակի գնահատման ստանդարտներին: […] ...
15:08 22.05.2025
Շարունակվում է համայնքներին սուբվենցիաների տրամադրման գործընթացը. Կառավարությունն ավելի քան 713 մլն դրամ է հատկացրելԱյսօր տեղի է ունեցել ՀՀ Կառավարության հերթական նիստը, որը վարել է ՀՀ փոխվարչապետ Տիգրան Խաչատրյանը: Կառավարության որոշմամբ առաջարկվում է 2025 թ. բյուջեից ՀՀ մարզպետների աշխատակազմերին հատկացնել 713,909.6 հազար դրամ՝ համապատասխան շինարարական կազմակերպությունների նկատմամբ ֆինանսական պարտավորությունները կատարելու համար: Ադյունքում կապահովվի համայնքներին սուբվենցիաների տրամադրման գործընթացը: Ինչպես նշել է Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը, որոշմամբ […] ...
