19:19 21.03.2022
Վրաստանի շրջակա միջավայրի պահպանության և գյուղատնտեսության նախարար Օթար Շամուգիան կառավարության այսօրվա նիստից հետո ճեպազրույցում հաստատել է, որ Վրաստանից որոշակի ապրանքներ են արտահանվում Ռուսաստան՝ չհստակեցնով, թե ինչ ապրանքների մասին է խոսքը։ Հայտնում է aliq. ge-ն։
«Այսօր մենք առևտրային հարաբերություններ ունենք Ռուսաստանի հետ, ներմուծում ենք որոշ ապրանքներ՝ ցորեն, ալյուր, որոշ ապրանքներ արտահանվում են»,-ասել է նախարարը։
Ըստ նախարարի՝ կառավարության քաղաքականությանը սատարում է բնակչության մեծ մասը.
«Մեր քաղաքականությունն է լիակատար աջակցությունն ու համերաշխությունը հայտնել Ուկրաինային՝ ստեղծված իրավիճակում, սակայն կարևոր է, որ մենք մտածենք մեր ժողովրդի շահերի մասին և փորձենք հնարավորինս խուսափել վնաս պատճառելուց։ Համապատասխան հետազոտությունները ցույց են տվել, որ վարչապետի կողմից այս հարցերի վերաբերյալ ընդունված քաղաքականությունն ու որոշումներն աջակցվում են բնակչության մեծամասնության կողմից»։
Միաժամանակ, ըստ նախարարի, տարեցտարի ավելանում է այն երկրների թիվը, որտեղ արտահանվում է վրացական արտադրանք.
«Մենք տեսել ենք գինու արտահանման զգալի աճ՝ առաջին երկու ամսում ավելի քան 40 տոկոս։ Գյուղատնտեսական արտադրանքի ընդհանուր արտահանման տվյալներն աճում են տարբեր ուղղություններով։ Սա շատ լավ է և իրականում արտացոլում է այն փաստը, որ մեր նպատակային քաղաքականությունը, որը տարիներ շարունակ իրականացվել է գյուղատնտեսական արտադրանքի ավելացման և շուկայի դիվերսիֆիկացմանն աջակցելու նպատակով, ունի կոնկրետ արդյունքներ և արտացոլվում է վերջին շրջանում գյուղատնտեսական արտադրանքի ոլորտում ունեցած արտահանման աճի վրա»։
Ըստ Շամուգիայի՝ գյուղատնտեսական ապրանքների արտահանման ավելի քան 200 մլն դոլարի աճ է գրանցվել:
Շամուգիայի խոսքերով՝ այս ամենը վկայում է այն մասին, որ դիվերսիֆիկացման քաղաքականությունն արդյունավետ է, և կառավարությունը հնարավորինս օգնում է ֆերմերներին։
Նշենք, որ, ըստ Վրաստանի ազգային վիճակագրական ծառայության (Geostat)՝ 2022 թվականի հունվար-փետրվարին Վրաստանից ապրանքների արտահանման ծավալը (առանց չհայտարարագրված արտահանման) կազմել է 760,4 մլն դոլար, ինչը 54,5%-ով գերազանցում է նախորդ տարվա նույն ժամանակահատվածի ցուցանիշը։
Geostat-ի տվյալներով՝ տեղական արտահանումը (առանց վերաարտահանման) կազմում է ընդհանուր արտահանման 73,1%-ը։ Այս ցուցանիշը նախորդ տարվա նույն ժամանակահատվածի համեմատ աճել է 51,7%-ով և կազմել 555,8 մլն դոլար։
15:45 22.05.2025
ՀՀ-ում մի շարք ապրանքների՝ նույնականացման միջոցներով դրոշմավորման ներդրման ժամկետները կհետաձգվենԳործադիրն ընդունել է որոշում՝ ՀՀ-ում մի շարք ապրանքների՝ նույնականացման միջոցներով դրոշմավորման ներդրման ժամկետները հետաձգելու նպատակով: Հաշվի առնելով դրոշմավորման նոր համակարգի ներդրման հետ կապված աշխատանքների ծավալը և տնտեսվարողների կողմից բիզնես գործընթացների համապատասխանեցման համար անհրաժեշտ ռեսուրսներն ու ժամկետները՝ որոշմամբ առաջարկվում է դրոշմավորման ենթակա այն ապրանքների համար, որոնց դեպքում սահմանված էր 2025 թ. մարտի 1-ից տարբերվող ժամկետ, նույնականացման […] ...
15:37 22.05.2025
Կառավարությունը խրախուսում է ուսանողների առաջադիմությունըԿառավարությունը փոփոխություններ է կատարել նախկինում ընդունած որոշման մեջ. կարգավորումներն ուղղված են ուսանողների առաջադիմության խրախուսմանը: Ըստ հիմնավորման, անհրաժեշտություն է առաջացել կրթաթոշակային քաղաքականության վերանայման՝ մեծացնելով յուրաքանչյուր ուսանողին տրվող կրթաթոշակի չափը և հստակեցնելով կրթաթոշակի տրամադրման պայմաններն ու պահանջները: Բարձրագույն կրթության և գիտության կոմիտեն իրականացրել է ուսանողների առաջադիմության վերլուծություններ՝ Խ.Աբովյանի անվան հայկական պետական մանկավարժական, Հայաստանի ազգային ագրարային, Շիրակի, Գորիսի […] ...
15:33 22.05.2025
Կառավարության և Ազգային ժողովի վարչական շենքերում զանգվածային անկարգությունների մասնակիցներից 9 անձ ձերբակալվել էՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում շարունակվում է 2020 թվականի նոյեմբերի 10-ին Կառավարության և Ազգային ժողովի վարչական շենքերում և այլ վայրերում զանգվածային անկարգություններ կազմակերպելու, դրանց մասնակցելու, զանգվածային անկարգությունների ժամանակ մասնակիցների կողմից իշխանության ներկայացուցիչների օրինական պահանջներին ակտիվորեն չենթարկվելու կամ անձանց նկատմամբ բռնություն կիրառելու կոչերի, իշխանությունը զավթելուն, […] ...
15:30 22.05.2025
Կապահովվի «ՀՀ Սյունիքի մարզի Տաթև համայնքի Սվարանց գյուղի զարգացում» ծրագրի իրականացումըԿառավարությունը տվել է համաձայնություն Սյունիքի մարզի Տաթև համայնքի վարչական սահմաններում գտնվող, համայնքային սեփականություն հանդիսացող, բնակավայրերի նպատակային նշանակության 3.41009 հեկտար մակերեսով բնակելի կառուցապատման հողամասը Թուֆենկյան բարեգործական հիմնադրամին նվիրաբերությամբ տրամադրելուն: Հիմնավորման համաձայն, կարևորելով սահմանամերձ բնակավայրերի համաչափ զարգացումն ապահովելու և ԼՂ-ից տեղահանված ընտանիքների բնակարանային ճգնաժամը մեղմելու անհրաժեշտությունը, Թուֆենկյան բարեգործական հիմնադրամը համագործակցելով Տաթև համայնքի տեղական ինքնակառավարման մարմինների հետ, նախատեսում […] ...
15:22 22.05.2025
«Տոտենհեմը»՝ Եվրոպա լիգայի հաղթողԵվրոպա լիգայի եզրափակչում անգլիական դիմակայությունում «Տոտենհեմը» 1-0 հաշվով հաղթել է «Մանչեսթեր Յունայթեդին»։ Բիլբաոյի «Սան Մամես» ստադիոնում կայացած խաղում վճռորոշ է եղել 42-րդ րոպեին Բրենան Ջոնսոնի խփած գոլը։ Լոնդոնյան ակումբը Եվրոպա լիգայի տիտղոսը նախորդ անգամ նվաճել էր 1984 թվականին, երբ մրցաշարը դեռ կոչվում էր ՈՒԵՖԱ-ի գավաթ։ «Տոտեմհեմը», առհասարակ, նախորդ տիտղոսը նվաճել էր 2008 թվականին` դառնալով Անգլիայի […] ...
15:17 22.05.2025
Բահրեյնի, Սաուդյան Արաբիայի և Օմանի քաղաքացիները կարող են գալ Հայաստան առանց վիզայիԿառավարությունն ընդունել է «Բահրեյնի Թագավորության, Սաուդյան Արաբիայի Թագավորության և Օմանի Սուլթանության քաղաքացիների, ինչպես նաև Ամերիկայի Միացյալ Նահանգների, Եվրոպական միության երկրների, Շենգենյան համաձայնագրի երկրների, Արաբական Միացյալ Էմիրությունների, Բահրեյնի Թագավորության, Կատարի Պետության, Սաուդյան Արաբիայի Թագավորության, Քուվեյթի Պետության կամ Օմանի Սուլթանության տարածքում կացության կարգավիճակ ունեցող օտարերկրացիների համար Հայաստանի Հանրապետություն առանց մուտքի վիզայի այցելությունների ռեժիմ սահմանելու մասին» որոշում: Որոշման […] ...
