19:54 18.04.2022
Ուկրաինայի նախագահ Վոլոդիմիր Զելենսկին Ուկրաինայում Եվրամիության ներկայացուցչության ղեկավար Մատտի Մաասիկասին է փոխանցել ԵՄ անդամակցության լրացված հարցաթերթիկը՝ ԵՄ-ին անդամակցելու թեկնածու երկրի կարգավիճակ ստանալու համար, փոխանցում է Корреспондент պարբերականը։
Ուկրաինայի ղեկավարը նշել է, որ այսօր իր երկրի՝ Եվրամիություն մտնելու փուլերից մեկն է, և դրան ձգտում է ուկրաինացի ժողովուրդը։
Եվրահանձնաժողովի նախագահ Ուրսուլա ֆոն դեր Լայենը հարցաշարը Վոլոդիմիր Զելենսկիին էր փոխանցել ապրիլի 8-ին Կիև կատարած այցի ժամանակ։
Ուկրաինայի նախագահը շնորհակալություն է հայտնել ԵՄ ղեկավարությանը՝ հարցաթերթի տրամադրման հարցում օպերատիվ աշխատանքի համար։
«Սա կարևոր ազդանշան է։ Մենք հավատում ենք, որ կստանանք աջակցություն և կդառնանք անդամակցելու թեկնածու։ Դրանից հետո կսկսվի հաջորդ՝ եզրափակիչ փուլը։ Մենք շատ ենք հավատում, որ այս ընթացակարգը տեղի կունենա մոտակա շաբաթների ընթացքում, և դա դրական կլինի մեր ժողովրդի պատմության համար՝ հաշվի առնելով այն գինը, որը նա վճարեց անկախության և ժողովրդավարության ճանապարհին»,- ասել է Ուկրաինայի նախագահը։
Մաասիկասը նշել է, որ իրեն զգում է մի թիմի անդամ, որն աշխատում է Ուկրաինայի կողմից ԵՄ անդամակցության թեկնածուի կարգավիճակ ձեռք բերելու ուղղությամբ։ Նա նշել է, որ այս գործընթացն ընթանում է Ուկրաինայի համար շատ ծանր իրավիճակում, սակայն բոլորն են զգում այս պահի կարևորությունն ու նշանակությունը։
Մաասիկասի խոսքերով՝ հարցաթերթիկում Ուկրաինայի պատասխանները շատ արագ կվերլուծվեն։
Ուկրաինան ակնկալում է ԵՄ-ին անդամակցելու թեկնածու երկրի կարգավիճակ ձեռք բերել հունիսին՝ Եվրոպական խորհրդի նիստի հանդիպման ժամանակ։
Ինչպես ավելի վաղ հայտնել էր ShantNews-ը՝ Ուկրաինան լրացրել է Եվրամիությանն անդամակցելու հայտը։ Ըստ Ուկրաինայի նախագահի գրասենյակի ղեկավարի տեղակալ Իգոր Ժովկվայի՝ դա ելակետ կդառնա Եվրամիության համար՝ Ուկրաինային միության կազմում ընդունելու մասին որոշում կայացնելիս։
23:59 05.08.2025
Հայտնի է, թե ովքեր Հայաստանից կմասնակցեն Եվրոպայի պատանիների արագ և կայծակնային շախմատի առաջնությանըՕգոստոսի 5-ից 7-ը Հունաստանի Սալոնիկ քաղաքում կանցկացվի 2025 թվականի Եվրոպայի պատանիների արագ և կայծակնային շախմատի առաջնությունը: Այս մասին հայտնել են Հայաստանի շախմատի ֆեդերացիայից: Հայաստանից մասնակցում են 26 շախմատիստներ. Դավիթ Ալեքսանյան՝ մինչև 18 տարեկան Ալլեն Հակոբյան՝ մինչև 18 տարեկան Վաչե Հովակիմյան՝ մինչև 16 տարեկան Վալտեր Գյուրջինյան՝ մինչև 16 տարեկան Մանվել Առաքելյան՝ մինչև 14 տարեկան Ալեքսանդր Ավանեսյան՝ […] ...
23:53 05.08.2025
JPost. Իսրայելը օգոստոսի 7-ին կքննարկի ամբողջ Գազայի «զինվորական գրավման» հարցըԻսրայելի անվտանգության կաբինետը օգոստոսի 7-ին կհավաքվի՝ քննարկելու ամբողջ Գազայի հատվածի «լիակատար ռազմական գրավումը», այդ թվում՝ այն տարածքների, որտեղ կարող են պատանդներ պահվել, հաղորդում է The Jerusalem Post-ը՝ առանց աղբյուրներին հղում անելու։ Ըստ թերթի՝ անվտանգության կաբինետը հրավիրելու որոշումը կայացվել է վարչապետ Բենիամին Նեթանյահուի և պաշտպանության նախարար Իսրայել Կացի և շտաբի պետ Էյալ Զամիրի միջև անցկացված փակ […] ...
23:43 05.08.2025
Պետդեպարտամենտը հաստատում է, որ Ուիտկոֆն այս շաբաթ կմեկնի ՌուսաստանԱՄՆ Պետդեպարտամենտը հաստատել է, որ ԱՄՆ նախագահի հատուկ բանագնաց Սթիվ Ուիտկոֆը այս շաբաթ կայցելի Ռուսաստան, սակայն հրաժարվել է բացահայտել օրակարգը։ «Նախևառաջ, նախագահն (խմբ. ԱՄՆ Դոնալդ Թրամփը) անկասկած նշել է, որ հատուկ բանագնաց Ուիտկոֆը այս շաբաթ կմեկնի Ռուսաստան։ Մենք կարող ենք դա հաստատել։ Ես ձեզ համար որևէ մանրամասներ չունեմ այն մասին, թե ինչ է դա ներառելու», […] ...
23:35 05.08.2025
Երևանում շարունակվում է զավթված հողերը քաղաքին և երևանցիներին վերադարձնելու գործընթացըՀանրային տարածքը պետք է ծառայի հանրությանը: Երևանի բոլոր վարչական շրջաններում շարունակվում է զավթված հողերը քաղաքին և երևանցիներին վերադարձնելու գործընթացը: Այս մասին հայտնել են Երևանի քաղաքապետարանից: Աջափնյակ վարչական շրջանում ապամոնտաժվել է Ֆուչիկի փողոց 1-ին նրբ. հ 5/5 հասցեին կից ինքնակամ շինությունը, Դավթաշեն վարչական շրջանում ապամոնտաժվել է 1-ին թաղամասի հ. 32 շենքին կից ինքնակամ շինությունը, Նոր Նորք […] ...
23:22 05.08.2025
Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ․ ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում տեսանյութ է հրապարակել, որի կից գրել է․ «Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ»։ Մանրամասները՝ տեսանյութում: ...
23:13 05.08.2025
Տավուշի մարզում բախվել են «Opel»-ը և «ՎԱԶ 21-07»-ը․ ընտանիքի 7 անդամներ, որոնցից 4 երեխաներ են, տեղափոխվել են հիվանդանոցՕգոստոսի 5-ին, ավտովթար է տեղի ունեցել Տավուշի մարզում։ Ժամը 14:30-ի սահմաններում Նոյեմբերյան–Բագրատաշեն ավտոճանապարհի Բերդավան բնակավայրի վարչական տարածքում բախվել են «Opel» և «ՎԱԶ 21-07» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 7 հոգի, որոնցից 4-ը անչափահասներ են, մարմնական վնասվածքներով տեղափոխվել են Նոյեմբերյանի բժշկական կենտրոն։ Վիրավորներին առաջին օգնության են հասել քաղաքացիները, և ըստ քաղաքացիների հայտնածի՝ օպերատիվ […] ...
