17:47 20.04.2022
Հուշարձանների և տեսարժան վայրերի միջազգային օրվա շրջանակում Վանաձորում անցկացվել է «Լոռվա պատմամշակութային ժառանգությունը» խորագրով դպրոցական թեմատիկ առաջին օլիմպիադան, որին մասնակցել է մարզի շուրջ չորս տասնյակ դպրոցի 200 աշակերտ, տեղեկացնում են ԿԳՄՍ նախարարությունից:
Օլիմպիադան կազմակերպել էին ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» և «Լոռի-Փամբակի երկրագիտական թանգարան» ՊՈԱԿ-ները, գործընկերն էր «ՓԼԱԹ ԷՅ-ԱՅ» ՍՊԸ-ն։
Մրցույթի նպատակն էր դպրոցահասակների շրջանում ձևավորել գրագետ և հուշարձանների նկատմամբ հոգատար քաղաքացի, նրանց իրազեկել հուշարձանների ճանաչելիության և պահպանության կարևորության մասին:
Մասնակից աշակերտներն օլիմպիադային ներկայացել են բարձր պատրաստվածությամբ: Հավասար պայքարում միավորների աննշան տարբերությամբ առաջին հորիզոնականը զբաղեցրել է Ստեփանավանի թիվ 1 վարժարանը, երկրորդ տեղը կիսել են Դարպասի միջնակարգ և Վանաձորի Պավլո Տիչինայի անվան թիվ 20 հիմնական դպրոցները։ Հավասար միավորներով երրորդ տեղը զբաղեցրել են Վանաձորի Հովհ. Թումանյանի անվան թիվ 3 հիմնական և Պարույր Սևակի անվան թիվ 30 հիմնական դպրոցները։ Լավագույն մասնակցության համար խրախուսական գովասանագրի է արժանացել Վանաձորի թիվ 8 հիմնական դպրոցը։
Օլիմպիադայի կազմակերպիչները երախտագիտության խոսք են ուղղել նաև մասնակից դպրոցների ուսուցիչներին, որոնց դերն անգնահատելի է աշակերտներին հուշարձանների հանդեպ հոգատարությամբ դաստիարակելու գործում: Նրանք արձանագրել են, որ այնուամենայնիվ օրվա գլխավոր հաղթողը հուշարձանաճանաչ քաղաքացին է՝ որպես հուշարձանների պահպանության և հանրահռչակման կարևոր հենարան պետության համար:
Oլիմպիադայի հաղթողներին և առավել ակտիվ աշակերտներին, ինչպես նաև նրանց ուսուցիչներին հնարավորություն կտրվի մասնակցելու «Պատմամշակութային ժառանգության գիտահետազոտական կենտրոնի» 2022 թ․ հնագիտական աշխատանքներին և գիտարշավներին։ Աշակերտները կայցելեն նաև հարցաշարում ընդգրկված հուշարձաններ՝ տեղում և գործնականորեն հաստատելու իրենց ձեռք բերած գիտելիքները։
Նախատեսված է օլիմպիադան դարձնել ամենամյա և առաջիկա տարիներին ընդարձակել դրա աշխարհագրությունը՝ ներառելով ինչպես ՀՀ բոլոր մարզերի, այնպես էլ Արցախի դպրոցները։
Օլիմպիադայի ավարտին ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» և «Լոռի-Փամբակի երկրագիտական թանգարան» ՊՈԱԿ-ների միջև կնքվել է համագործակցության հուշագիր, որի համաձայն՝ տարվա ընթացքում համատեղ կիրականացվեն այլ միջոցառումներ ևս։
17:46 19.06.2025
Չէինք ցանկանում հանդիպել «Նոայի» հետ․ ԲրնովիչՊոդգորիցայի «Բուդուչնոստի» գլխավոր մարզիչ Իվան Բրնովիչը խոսել է Հայաստանի չեմպիոն «Նոայի» դեմ Չեմպիոնների լիգայի որակավորման առաջին փուլում կայանալիք դիմակայության մասին։ «Առաջին տպավորությունն այն է, որ մեր բախտը չբերեց։ Չէինք ցանկանում հանդիպել «Նոայի» ու «Կայրաթի» հետ։ Կուզենայինք խաղալ «Վիրտուսի» ու Մինսկի «Դինամոյի» դեմ։ Այժմ կսկսենք սելեկցիոն աշխատանքն ու կպատրաստվենք «Նոայի» դեմ խաղերին։ Գիտենք, որ նախորդ տարի […] ...
17:30 19.06.2025
Ընդունելության գործընթացի թվայնացումն ընթացքի մեջ է. Արաքսիա ՍվաջյանՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը Կրթական տեխնոլոգիաների ազգային կենտրոնում ներկա է եղել Հայաստանի տեղեկատվական համակարգերի գործակալության՝ թվայնացման նպատակով իրականացրած հետազոտությունների արդյունքների քննարկմանը: «Ստանալ կրթություն» ծրագրի շրջանակում կյանքի իրադարձությունների թվայնացման նպատակով իրականացվել է համապարփակ հետազոտություն՝ ներկայացնելով նախադպրոցական, հանրակրթական, մասնագիտական և բարձրագույն ուսումնական հաստատությունների ընդունելության հետազոտության արդյունքները։ Կրթական տեխնոլոգիաների ազգային կենտրոնում կազմակերպվել […] ...
17:21 19.06.2025
«Բարսելոնան» դժգոհ է Դիասի սպասողական դիրքորոշումից«Բարսելոնային» դուր չի գալիս «Լիվերպուլի» հարձակվող Լուիս Դիասի վարքագիծը, գրում է Mundo Deportivo-ն։ «Բարսելոնան» հուսով է եղել, որ Դիասն ու նրա գործակալը ճնշում կգործադրեն «Լիվերպուլի» ղեկավարության վրա` ստիպվելով վաճառել տրանսֆերը։ Այդուհանդերձ, կոլումբացին սպասողական դիրքորոշում ունի և առաջացրել է «Բարսելոնայի» դժգոհությունը։ ...
17:16 19.06.2025
Արսեն Թորոսյանը հանդիպել է Վրաստանի խորհրդարանի առողջապահության հանձնաժողովի նախագահի հետՀՀ ԱԺ առողջապահության հարցերի մշտական հանձնաժողովի նախագահ Արսեն Թորոսյանը հունիսի 19-ին հանդիպել է Վրաստանի խորհրդարանի առողջապահության հանձնաժողովի նախագահ Զազա Լոմինաձեի հետ: Հանդիպման ընթացքում կողմերն անդրադարձել են երկու երկրների առողջապահական ոլորտում իրականացվող ծրագրերին, մասնավորապես, գրիպի պատվաստումներին, բժշկական ապահովագրությանը վերաբերող հարցերին: Այս համատեքստում կարեւորվել են առողջապահական ոլորտում փորձի փոխանակումն ու համապատասխան հանձնաժողովների միջեւ համագործակցության խորացումը: Հանդիպման ընթացքում […] ...
17:11 19.06.2025
Ապօրինի պահվող զենք-զինամթերքի կամավոր հանձնում Համայնքային ոստիկանության Ախուրյանի բաժնումԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Հունիսի 17-ին Մայիսյան գյուղի 54-ամյա մի բնակիչ Համայնքային ոստիկանության Ախուրյանի բաժին է ներկայացրել «ՏՕԶ» տիպի մեկփողանի ակոսափող որսորդական հրացան և փամփուշտներ։ Նա հայտնել է, որ զենք-զինամթերքը պատկանել է իր հանգուցյալ պապին։ ՆԳՆ ոստիկանությունը հորդորում է ապօրինի պահվող զենք-զինամթերքը կամավոր հանձնել ոստիկանություն՝ […] ...
17:00 19.06.2025
Լուծարված ռուսական ակումբում 9 հայ ֆուտբոլիստ է խաղացելՌուսական «Խիմկի» ակումբը հայտարարել է գործունեությունը դադարեցնելու մասին: Մերձմոսկովյան ակումբը այս քայլին է գնացել լուծարման պատճառով: Ակումբը դեռ պարտքերը չի մարել, այդ թվում` նախորդ մրցաշրջանում թիմի կազմում ելույթ ունեցող ֆուտբոլիստների հանդեպ: Տարբեր տարիներին «Խիմկիում» է խաղացել 9 հայ ֆուտբոլիստ՝ Ռոման Բերեզովսկին, Ռոբերտ Զեբելյանը, Բարսեղ Կիրակոսյանը, Հովհաննես Հարությունյանցը, Արտակ Ալեքսանյանը, Արթուր Եդիգարյանը, Արշակ Կորյանը, Դավիթ Դավիդյանը […] ...
