17:21 26.05.2022
ՀՀ կրթության, գիտության, մշակույթի և սպորտի նախարարի տեղակալներ Կարեն Թռչունյանը և Արթուր Մարտիրոսյանը մեկնել են Ղրղզստանի Հանրապետություն: Այս մասին տեղեկացնում են ԿԳՄՍ նախարարությունից:
Նրանք մասնակցել են Եվրասիական տնտեսական համաժողովին, որը տեղի է ունեցել 2022 թվականի մայիսի 26-ին Ղրղզստանի Հանրապետության մայրաքաղաք Բիշքեկում:
Միջոցառմանը մասնակցել են Եվրասիական տնտեսական միության անդամ երկրների ղեկավարների, պետական գերատեսչությունների, միջազգային, գիտակրթական, տնտեսական կառույցների, ինչպես նաև երրորդ երկրների ներկայացուցիչներ:
Համաժողովի շրջանակում տեղի են ունեցել պլենար-քննարկումներ, որտեղ ելույթներով հանդես են եկել նաև ՀՀ ԿԳՄՍ նախարարի տեղակալներ Կարեն Թռչունյանը և Արթուր Մարտիրոսյանը:
Նախարարի տեղակալ Կարեն Թռչունյանը ելույթ է ունեցել «Ցանցային ձևերի զարգացման փոխազդեցությունը բարձրագույն կրթության ծրագրերի իրականացման գործընթացում» քննարկման ժամանակ: Նա անդրադարձել է ՀՀ-ում ընթացող բարձրագույն կրթության համակարգի բարեփոխումներին, որոնց հիմքում թվային ժամանակաշրջանի նորարարական պահանջներն են դրված:
«Հայաստանի` մինչև 2030 թվականի զարգացման տեսլականում երկրի կայուն առաջընթացի համար մարդկային կապիտալի զարգացման տեսանկյունից բարձրագույն կրթությունն առաջնահերթություն է դիտվում: Ոլորտում առկա խնդիրների լուծման համար անհրաժեշտ է համակարգի ամբողջական և էական փոփոխություն, որի հիմքում օրենսդրական նոր չափանիշների ներդրումն ու լիարժեք իրագործումն են դրվելու»,- նշել է Կարեն Թռչունյանը:
Բարձրագույն կրթության ոլորտի արդյունավետ զարգացման տեսանկյունից նախարարի տեղակալը կարևորել է «Բարձրագույն կրթության և գիտության մասին» նոր օրենքի և «Հայաստանի Հանրապետության մինչև 2030 թվականը կրթության պետական ծրագրի» նախագծերը, որոնցով սահմանվում են բարձրագույն կրթության ոլորտի պետական քաղաքականության սկզբունքները, կազմակերպական, իրավական, ֆինանսական և տնտեսական հիմքերը։
«Օրենքների նախագծերը հնարավորություն են ընձեռում բուհերին մշակել համատեղ կրթական ծրագրեր (այդ թվում՝ օտարերկրյա բուհերի հետ)` շնորհելով բարձրագույն կրթության միասնական որակավորում»,- փաստել է Կ. Թռչունյանը:
Նա նաև ընդգծել է, որ բարեփոխումների համատեքստում նպատակային են համարվում բարձրագույն ուսումնական հաստատությունների հավատարմագրման և լիցենզավորման չափանիշների վերանայումը, նոր պահանջների սահմանումը, բարձրագույն կրթության ոլորտում հետազոտական բաղադրիչի ավելացումը, բարձրագույն կրթական ծրագրերի հավատարմագրումը, սովորողների շարժունության խթանումը, աշխատաշուկայի պահանջներին համապատասխան կրթական ծրագրերի բովանդակության և կառուցվածքի վերանայումը, համատեղ կրթական ծրագրերի մշակմամբ կրկնակի դիպլոմների շնորհումը և այլն:
Հիշեցնենք, որ ԿԳՄՍ նախարարի տեղակալ Արթուր Մարտիրոսյանը ելույթ է ունեցել «Ռազմավարություն – 2025. Երիտասարդության հայացքը ԵԱՏՄ-ի զարգացման վերաբերյալ» խորագրով քննարկմանը։
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
23:36 20.06.2025
Պետդեպ. Միայն Թրամփը կկայացնի որոշումներ Ռուսաստանի և Ուկրաինայի վերաբերյալ ԱՄՆ-ումՄիացյալ Նահանգներում Ռուսաստանի և Ուկրաինայի միջև հակամարտության վերաբերյալ որոշումներ կկայացնի միայն նախագահ Դոնալդ Թրամփը։ Այս մասին ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։ «Միայն նախագահը (Թրամփը) կարող է որոշել, թե ինչպես շարունակել (Ռուսաստանի և Ուկրաինայի միջև հակամարտության վերաբերյալ)», – ասել է Պետդեպարտամենտի ներկայացուցիչը։ Նրա խոսքով՝ Միացյալ Նահանգներն ուշադիր հետևում է Մոսկվայի և […] ...
23:24 20.06.2025
Իրանը մտադիր չէ բանակցություններ վարել, քանի դեռ Իսրայելը շարունակում է հարձակումներըԻրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և այլ եվրոպական երկրների հետ։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ժնևում կայացած բանակցություններից հետո։ «Մենք աջակցում ենք «եվրոպական եռյակի»-ի և Եվրամիության մյուս երկրների հետ խորհրդակցությունների շարունակմանը և պատրաստ ենք նաև մոտ ապագայում ևս մեկ հանդիպում անցկացնել», – նրա խոսքերն է […] ...
23:16 20.06.2025
Մեսսին տուգանայինից խփած գոլերի քանակով մոտեցել է Պելեին«Ինտեր Մայամիի» հարձակվող Լիոնել Մեսսին կարիերայում 68-րդ գոլն է խփել տուգանայինից, հայտնում է Onefootball-ը: «Ոսկե գնդակի» 8-ակի դափնեկիրն այժմ 2 գոլով է հետ «Ֆուտբոլի արքա» Պելեից: Իսկ առաջատարն այս հաշվարկում Բրազիլիայի հավաքականի և ֆրանսիական «Լիոնի» նախկին, լեգենդար կիսապաշտպան Ժունինյո Պեռնամբուկանոն է: Նա կարիերայի ընթացքում տուգանայինից խփել է 77 գոլ: ...
