16:20 23.08.2022
Օգոստոսի 23-ին ՀՀ քաղաքաշինության, տեխնիկական և հրդեհային անվտանգության տեսչական մարմնում տեղի ունեցավ աշխատանքային հանդիպում-քննարկում՝ Երևանի քաղաքապետարանի ենթակայության տակ գործող մանկապարտեզների տնօրենների և ներկայացուցիչների, ինչպես նաև Երևանի քաղաքապետարանի ներկայացուցիչների հետ` հրդեհային անվտանգության նորմատիվ փաստաթղթերի պահանջների պահպանման թեմայով, տեղեկացնում են տեսչական մարմնից:
Հանդիպմանը մասնակցում էին ՔՏՀԱ տեսչական մարմնի ղեկավարի տեղակալ Արազ Պապիկյանը, Ռիսկի գնահատման և վերլուծությունների վարչության պետ Լիլիթ Ղարիբյանը, Երևանի տարածքային բաժնի տեխնիկական և հրդեհային անվտանգության բաժանմունքի պետ Կարեն Կարապետյանը։
Աշխատանքային հանդիպմանը բացման խոսքով հանդես եկավ ՔՏՀԱ տեսչական մարմնի ղեկավարի տեղակալ Ա․ Պապիկյանը։ Նա նշեց, որ հրդեհային անվտանգության տեսանկյունից Տեսչական մարմինը կարևորում է նախակրթական հաստատություններում հրդեհային անվտանգության նորմերի խստիվ պահպանումը։
Նշվեց, որ ՔՏՀԱ տեսչական մարմինն այս տարի հրդեհատեխնիկական հետազոտություններ էր կատարել մայրաքաղաքի մոտ չորս տասնյակ նախակրթարաններում։ Դրանց արդյունքները ներկայացրեց ՀՀ ՔՏՀԱ տեսչական մարմնի Երևանի տարածքային բաժնի տեխնիկական և հրդեհային անվտանգության բաժանմունքի պետ Կ․ Կարապետյանը։ Նա ընդգծեց, որ Տեսչական մարմնի համար առաջնահերթ է նախակրթարանների շենքերի հրդեհային անվտանգության վիճակի մոնիթորինգը, դրանց անվտանգության բարձրացմանն ուղղված կանխարգելիչ քայլերի ձեռնարկումը։
Երևանի մանկապարտեզների տնօրեններն իրենց հերթին ներկայացրին այն խնդիրները, որոնց լուծման գործում իրենք ակնկալում են Տեսչական մարմնի և Երևանի քաղաքապետարանի համապատասխան մասնագետների աջակցությունը։ Արձանագրված թերությունների մասով ՏՄ կողմից մանկապարտեզների տնօրեններին առաջարկվեց կազմել առաջիկա գործողությունների պլան, այն ներկայացնել Երևանի քաղաքապետարան՝ անվտանգության ապահովման համար անհրաժեշտ միջոցներ ձեռնարկելու նպատակով։
Ռիսկի գնահատման և վերլուծությունների վարչության պետ Լիլիթ Ղարիբյանը Տեսչական մարմին-մանկապարտեզներ համագործակցության համատեքստում խոսեց քարոզչական աշխատանքի կարևորության մասին։ Մանկապարտեզների տնօրեններն այս առումով առաջարկեցին, որ Տեսչական մարմնինը ևս ներգրավվի մանկապարտեզներում ինտերակտիվ քարոզչական միջոցառումներ անցկացման աշխատանքներին։
Աշխատանքային քննարկման արդյունքում կողմերի միջև ձեռք բերվեց պայմանավորվածություն մասնագիտական աջակցություն ցուցաբերելու և նման հանդիպում-քննարկումները շարունակելու վերաբերյալ։
13:02 24.06.2025
Կյանքից հեռացել է ՀԽՍՀ ժողովրդական արտիստ Գուժ Մանուկյանը
13:02 24.06.2025
Կյանքից հեռացել է ՀԽՍՀ ժողովրդական արտիստ Գուժ ՄանուկյանըՀՀ կրթության, գիտության, մշակույթի և սպորտի նախարարությունը խոր վշտով տեղեկացնում է, որ 88 տարեկանում կյանքից հեռացել է ՀԽՍՀ ժողովրդական արտիստ, ՀՀ պետական մրցանակի դափնեկիր, Մովսես Խորենացի մեդալակիր Գուժ Ալեքսանդրի Մանուկյանը: Գուժ Մանուկյանը ծնվել է Լենինականում 1937 թվականի մայիսի 6-ին: Արձակագիր, դրամատուրգ Ալեքսանդր Արաքսմանյանի և դերասանուհի Վալենտինա Արաքսամյանի որդին է։ 1958 թվականին ավարտել է Երևանի գեղարվեստա-թատերական […] ...
12:50 24.06.2025
Իրանը մտադիր է վճռականորեն արձագանքել հրադադարի պայմանների ցանկացած խախտմանԻրանը պատրաստ է վճռականորեն արձագանքել ցանկացած հետագա ագրեսիայի՝ Իսրայելի կամ Միացյալ Նահանգների կողմից հրադադարի խախտման դեպքում, ասվում է Իսլամական Հանրապետության Ազգային անվտանգության գերագույն խորհրդի հայտարարության մեջ: «Մենք տեղեկացնում ենք Իրանի Իսլամական Հանրապետության մեծ և քաջարի ժողովրդին, որ Իրանի զինված ուժերը, չվստահելով թշնամու ելույթներին, պատրաստ կլինեն վճռական պատասխան տալ թշնամու ցանկացած ագրեսիվ գործողության», – հայտարարության տեքստը […] ...
12:36 24.06.2025
Հայաստանում նշվել է Օլիմպիական միջազգային օրըԿԳՄՍ նախարարի տեղակալ Հասմիկ Ավագյանը Հանրապետության հրապարակում ներկա է եղել Օլիմպիական միջազգային օրվան նվիրված մարզական միջոցառմանը, որին մասնակցել են տարբեր մարզաձևերով զբաղվող բազմաթիվ մարզիկներ: Օլիմպիական միջազգային օրը նշվում է հունիսի 23-ին՝ ի պատիվ ժամանակակից օլիմպիական շարժման հիմնադրման։ Միջոցառումը կազմակերպվել էր Հայաստանի ֆիզիկական կուլտուրայի և սպորտի պետական ինստիտուտի նախաձեռնությամբ: Շնորհավորելով օրվա կապակցությամբ՝ ԿԳՄՍ նախարարի տեղակալ Հասմիկ […] ...
12:20 24.06.2025
Օդի ջերմաստիճանը կբարձրանա 4-5 աստիճանովԵրևանում հունիսի 24-ի ցերեկը, 25-27-ին սպասվում է առանց տեղումների եղանակ։ Հունիսի 28-29-ին երեկոյան ժամերին` քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 15-18մ/վ։ Մարզերում հունիսի 24-ի ցերեկը, 25-27-ին սպասվում է առանց տեղումների եղանակ։ Հունիսի 28-29-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ […] ...
12:07 24.06.2025
2 արծաթե և 3 բրոնզե մեդալ աշխարհագրության միջազգային բաց օլիմպիադայիցՀՀ դպրոցականները 2 արծաթե և 3 բրոնզե մեդալ են նվաճել աշխարհագրության միջազգային բաց օլիմպիադայում, որն առցանց ձևաչափով առաջին անգամ անցկացրել է ՌԴ Լոմոնոսովի անվան Մոսկվայի պետական համալսարանի աշխարհագրության ֆակուլտետը: Օլիմպիադային անցկացվել է հունիսի 20-23-ը, որին մասնակցել է 23 երկրի 107 աշակերտ: Յուրաքանչյուր երկիր կարող էր ներկայացնել 15-19 տարեկան աշակերտների մեկ թիմ, առավելագույնը՝ 6 հոգի։ Թիմերը ձևավորվել են իրենց […] ...
