15:11 26.08.2022
Պրոբացիայի ծառայության բարեփոխումների շրջանակներում Արդարադատության նախարարի տեղակալ Արփինե Սարգսյանի մասնակցությամբ անցկացվել է Պրոբացիայի ծառայության վերափոխման թեմայով հանրային քննարկում, տեղեկացնում են Արդարադատության նախարարությունից։
Փոխնախարար Սարգսյանը բացման խոսքում նշել է, որ Պրոբացիայի ծառայությունն արդարադատության շղթայում կարևոր գործառույթ իրականացնող կառույց է, որը, ապահովելով այլընտրանք ազատազրկմանը, կարողանում է հանցանք կատարած անձի հետ աշխատանք տանել հասարակությունում գտնվելու պայմաններում։ Նա նշել է, որ այսօր Պրոբացիայի ծառայությունից ակնկալիքներն աճել են, առաջիկայում վերջինս իրականացնելու է մի շարք նոր լիազորություններ՝ ապահովելով, օրինակ, տնային կալանք խափանման միջոցի, ազատության սահմանափակում պատժատեսակի կատարումը, և հետևապես վերջինիս պետք է տրամադրվեն այդ ակնկալիքներին համարժեք երաշխիքներ։
Նշվածի համատեքստում Արփինե Սարգսյանն անդրադարձ է կատարել Կառավարության ծրագրից բխող միջոցառումների ցանկի հիման վրա մշակված, Պրոբացիայի ծառայության մասին և հարակից օրենքների փաթեթին, որով առաջարկվում է փոխել Պրոբացիայի ծառայության կարգավիճակը, անցում կատարել պետական ծառայության հատուկ տեսակի, ծառայության կազմակերպման տեսանկյունից ապահովել հակակշիռների և զսպումների մեխանիզմները, բարձրացնել պրոբացիայի ծառայողների սոցիալական երաշխիքները՝ այդպիսով որակյալ նախադրյալներ ստեղծելով հանրապետությունում պրոբացիայի ինստիտուտի զարգացման համար։
Սարգսյանն արձանագրել է, որ Պրոբացիայի ծառայության վերափոխումը չի սահմանափակվում միայն օրենսդրական փաթեթի ներկայացմամբ, մշակվում են լուծումներ, որոնք կօգնեն բարձրացնել Պրոբացիայի ծառայության գործունեության կազմակերպման արդյունավետությունը, կլուծեն հանրապետության բոլոր մարզերում Պրոբացիայի ծառայության կոնսոլիդացված և պատշաճ ներկայացվածության հարցը։
Քննարկմանը բացման խոսքով հանդես է եկել նաև «Քաղաքացիական հասարակության ինստիտուտ» ՀԿ տնօրեն Արտակ Կիրակոսյանը, Պրոբացիայի ծառայության պետ Գևորգ Սիմոնյանը, զեկույցով են հանդես եկել ԱՆ քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության պետ Գարիկ Աբելյանը, միջազգային փորձագետ Լեո Տիխխեսը։
Պրոբացիայի ծառայության վերափոխման տեսլականի և հանրային քննարկման դրված օրենսդրական նախաձեռնության շուրջ ծավալվել է ակտիվ և բովանդակային քննարկում՝ շահագրգիռ գերատեսչությունների, հասարակական կազմակերպությունների և այլ կառույցների մասնակցությամբ։
Հանդիպման ավարտին պայմանավորվածություն է ձեռք բերվել դիտարկել ներկայացված թե’ բանավոր, թե’ գրավոր կարծիքները և դրանց հաշվառմամբ կատարելագործել օրենսդրական առաջարկը։
Հանրային քննարկումը կազմակերպվել է Արդարադատության նախարարության և «Քաղաքացիական հասարակության ինստիտուտ» ՀԿ-ի համատեղ նախաձեռնությամբ՝ Նիդերլանդների Թագավորության ֆինանսավորմամբ։
23:00 08.07.2025
Սալիվանը բացահայտել է Բայդենի վարչակազմի հիմնական նպատակները Ուկրաինայի հակամարտության մեջԱՄՆ ազգային անվտանգության նախկին խորհրդական Ջեյք Սալիվանը հերքել է այն պնդումները, որ Ջո Բայդենի վարչակազմը կենտրոնացած է Ուկրաինայում հակամարտության սրման վերահսկման վրա, և ասել է, որ գլխավոր խնդիրը Կիևին զենք մատակարարելն է։ Նա այս մասին ասել է «Օբշչեստվեննի»-ին տված հարցազրույցում։ Սալիվանը «ամբողջովին մերժեց» այն պնդումները, որ Բայդենի նախագահության ընթացքում Վաշինգտոնի հիմնական ռազմավարությունը «էսկալացիայի կառավարումն» էր։ […] ...
22:50 08.07.2025
The Times of Israel. Նեթանյահուն և Թրամփը երկրորդ հանդիպումը կունենան երեկոյանԱՄՆ այցելած Իսրայելի վարչապետ Բենիամին Նեթանյահուն և ԱՄՆ նախագահ Դոնալդ Թրամփը օրվա ընթացքում ևս մեկ հանդիպում կանցկացնեն, հաղորդում է The Times of Israel-ը։ Նեթանյահուի գրասենյակի նրա աղբյուրի խոսքով՝ հանդիպումը նախատեսված է հուլիսի 8-ի երեկոյան։ Նեթանյահուն Վաշինգտոն է ժամանել հուլիսի 7-ին։ Այդ երեկոյան նա իր առաջին հանդիպումն է ունեցել Թրամփի հետ։ Ինչպես նշում է The Times […] ...
22:40 08.07.2025
«Գաֆեսճեան» քանդակների պուրակում նախատեսվում է բացօթյա համերգ՝ կիթառահարների մասնակցությամբԿենտրոն վարչական շրջանի ղեկավարի աշխատակազմի և Play2festival-ի գործակցությամբ հուլիսի 11-ին՝ ժամը 19:00-ին, «Գաֆեսճեան» քանդակների պուրակում («Կասկադ») նախատեսվում է բացօթյա համերգ՝ 8-22 տարեկան շուրջ 70 կիթառահարների մասնակցությամբ, այս մասին տեղեկացնում են Երևանի քաղաքապետարանից։ «Հայաստանում երրորդ տարին անցկացվող Երիտասարդական Կիթառի փառատոնի մասնակիցները՝ Երևանի տարբեր արվեստի դպրոցների սաներ են: Այս տարի երևանցի կիթառահարները հանդես կգան աշխարհահռչակ դասական կիթառահար, […] ...
22:33 08.07.2025
Մակրոնը Պաղեստինի ճանաչումը համարել է Մերձավոր Արևելքում խաղաղության հասնելու միակ ուղինՖրանսիայի նախագահ Էմանուել Մակրոնը կարծում է, որ Պաղեստինի պետության ճանաչումը Մերձավոր Արևելքում խաղաղության հասնելու միակ միջոցն է։ «Մենք համատեղ աշխատում ենք Պաղեստինի պետությունը ճանաչելու ուղղությամբ։ Այս քաղաքական լուծման ընդունումը խաղաղության միակ ճանապարհն է», – ասել է Մակրոնը բրիտանական խորհրդարանում ունեցած ելույթում։ Նրա խոսքով՝ անհրաժեշտ է նաև հրադադարի հասնել Գազայի հատվածում։ «Անվերջ պատերազմը՝ առանց ռազմավարական նպատակի, […] ...
22:26 08.07.2025
Ավտոմեքենան դուրս է եկել երթևեկելի հատվածից և բախվել կամրջի հենասյուներին․ կա երկու տուժածՀուլիսի 8-ին, ժամը 18:16-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգավան գյուղի կամրջի մոտակայքում տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «lexus» մակնիշի ավտոմեքենան դուրս է եկել ճանապարհի երթևեկելի հատվածից և բախվել կամրջի հենասյուներին։ […] ...
22:22 08.07.2025
Brent նավթի գինը գերազանցել է մեկ բարելի համար 70 դոլարըԼոնդոնի միջմայրցամաքային բորսայում (ICE) այս տարվա սեպտեմբերին Brent նավթի ֆյուչերսների գինը հունիսի 24-ից ի վեր առաջին անգամ գերազանցել է մեկ բարելի համար 70 դոլարը, հաղորդում է «ՌԻԱ Նովոստի»-ն։ Մոսկվայի ժամանակով 18:27-ի դրությամբ նավթի գինը արագացրել է իր աճը 0.56%-ով՝ հասնելով մեկ բարելի համար 69.97 դոլարի: Նշվում է նաև, որ WTI-ում նավթի ֆյուչերսների գինը այս տարվա […] ...
