15:17 30.08.2022
Այսօր տեղի է ունեցել Շիրակի մարզի հանրակրթական ուսումնական հաստատությունների 2022-2023 ուսումնական տարվա օգոստոսյան խորհրդակցությունը։
Մարզպետը շնորհավորել է խորհրդակցության մասնակիցներին՝ նոր ուսումնական տարվա մեկնարկի առթիվ և ուրախությամբ փաստել, որ տարին կարևոր նախաձեռնությամբ են մեկնարկում։ Շիրակի մարզպետարանը, վարչապետի հանձնարարականով, ներկայացրել է մարզի 21 դպրոցի վերանորոգման հայտ, որոնք փոխվարչապետի մոտ կայացած քննարկման ժամանակ նախնական ընդգրկվել են անհետաձգելի կապիտալ բնույթի ծրագիր։ Նախատեսվում է շուրջ 553 մլն դրամ գումարի շրջանակներում դպրոցներում իրականացնել տանիքների նորոգման, դռների, պատուհանների փոխարինման, սանհանգույցների, աստիճանների վերակառուցման, տարածքների բարեկարգման աշխատանքներ։
«Կառավարությունը հավատարիմ է խոստմանն ու 300 դպրոց, 500 մանկապարտեզ ծրագիրը քայլ-քայլ կյանքի է կոչվում։ Կրթական ոլորտը՝ լինելով առաջնային ոլորտ պետական համակարգում, վերջին տարիներին բազմաթիվ փոփոխությունների է ենթարկվել, այդ թվում՝ օրենսդրական, որոնք բերել են նոր որակ: Ես լիահույս եմ, որ այդ մոտեցումների ընկալումը, ինչպես նաև հստակ չափորոշիչների սահմանումը անմիջականորեն ազդեցություն է ունենալու մեր կրթության որակի վրա՝ դրական առումով: Մեզ համար չափազանց կարևոր է կրթության պատշաճ որակը, կարևոր հանգամանք է, որ աշակերտը դպրոց մուտք գործելիս հասկանա, որ սա կրթական հաստատություն է: Ես կրկին հորդորում եմ Ձեզ դպրոցում աշակերտներին վերաբերվել, որպես նախ և առաջ ՀՀ քաղաքացի, արժանապատիվ քաղաքացի: Մենք ազատ մտածող, իրավագիտակից, պատասխանատու, հայրենասեր քաղաքացի կերտելու մեծ առաքելություն ունենք»,- նշել է մարզպետը։
Մարզպետը հորդորել է ուշադրություն դարձնել դպրոցական միջավայրում անհանդուրժողականության՝ բուլինգի դրսևորումներին, լինել հետևողական, որպեսզի որևէ աշակերտ խտրական վերաբերմունքի չարժանանա։
«Աշակերտը պետք է լինի դպրոցի հոգածության կենտրոնում, եթե անգամ ունի ցածր առաջադիմություն: Դպրոցը, ուսուցիչները առավելապես տնօրենները, պետք է ձեռք մեկնեն, որպեսզի աշակերտը կարողանա մեկ քայլ առաջ գնալ: Եվ ամենակարևորը, դպրոցը պետք է լինի այն վայրը, որտեղ աշակերտները սիրում են գալ: Խնդրում եմ ուշադրություն դարձնել դպրոցում աշակերտների վարքին, պատշաճ աշակերտական տեսքին, միևնույն ժամանակ չբռնանալով աշակերտի, որպես մարդու, հիմնարար իրավունքներին: Կրթության որակի մասին խոսելիս պետք է ընդգծեմ, որ Շիրակի մարզը նախորդ ուսումնական տարվա ընթացքում ունեցել է շատ բարձր արդյունքներ, և՛ օլիմպիադաների արդյունքում, և՛ առաջադիմության»,- փաստել է մարզպետը:
Մարզը 2020-2021 ուստարում ունեցել է 17 մեդալակիր, բուհ է ընդունվել 833 շրջանավարտ, որոնցից 213-ը՝ առաջին անվճար հայտով։ 2021-2022 ուստարում դպրոցականների առարկայական օլիմպիադաների հանրապետական փուլերին մասնակցել են 151 աշակերտներ՝ արժանանալով 27 դիպլոմի, 24 գովասանագրի։
ԿԳՄՍՆ հանրակրթության վարչության պետ Արսեն Բաղդասարյանն անդրադարձել է կրթական համակարգի մի շարք նորությունների` պարզաբանումներ ներկայացնելով կատարված օրենսդրական, վարչարարական փոփոխությունների, փորձարկվող կրթական նոր չափորոշիչների, առաջին անգամ անցկացվող ՆՈՒՀ-երի տնօրենների հավաստագրման գործընթացի, դպրոցների ֆինանսավորման կարգի փոփոխությունների և այլնի վերաբերյալ։
Քննարկվել են ուսուցիչների պարտադիր ու կամավոր վերապատրաստման գործընթացին, ատեստավորմանն առնչվող, ինչպես նաև կազմակերպչական մի շարք այլ հարցեր։
08:38 12.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:30 12.05.2025
ԱՄՆ նախագահը մեկնում է մերձավորարևելյան շրջագայությանԱՄՆ նախագահ Դոնալդ Թրամփը շրջագայության կմեկնի Մերձավոր Արևելք, որի պաշտոնական մասը տեղի կունենա մայիսի 13-16-ը, կայցելի Սաուդյան Արաբիա, Կատար և Արաբական Միացյալ Էմիրություններ (ԱՄԷ): Բացի Հռոմի պապ Ֆրանցիսկոսի հուղարկավորության համար Հռոմ կատարած կարճատև այցից, սա նախագահի առաջին լիիրավ արտասահմանյան շրջագայությունն է հունվարի 20-ին պաշտոնը ստանձնելուց հետո: Նրա առաջին նախագահական ժամկետում (2017-2021) Սաուդյան Արաբիան դարձավ նաև […] ...
08:20 12.05.2025
Տոնգայի ափերի մոտ երկրաշարժ է տեղի ունեցելՏոնգայի ափերի մոտ 5,5 մագնիտուդ ուժգնությամբ երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը (EMSC): Ստորգետնյա ցնցումները գրանցվել են UTC 22:04-ին (Մոսկվայի ժամանակով 01:04-ին) Տոնգայի մայրաքաղաք Նուկուալոֆայից 126 կիլոմետր հյուսիս-արևելք, որի բնակչությունը կազմում է 22,4 հազար մարդ: Աղբյուրը գտնվել է 10 կիլոմետր խորության վրա։ Զոհերի և ավերածությունների մասին տեղեկություններ չկան։ ...
08:10 12.05.2025
Փակ է «Ամբերդ» բարձր լեռնային օդերևութաբանական կայանից Քարի լիճ ավտոճանապարհըՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:00 12.05.2025
ՃՏՊ Նոր Երզնկա-Աշտարակ ավտոճանապարհինՄայիսի 11-ին, ժամը 22:37-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոր Երզնկա գյուղի մոտակայքում տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Նոր Երզնկա-Աշտարակ ավտոճանապարհի 1-ին կմ-ին «Toyota» մակնիշի ավտոմեքենան դուրս է եկել ճանապարհի երթևեկելի հատվածից (մոտ […] ...
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
