12:53 04.10.2022
ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը հոկտեմբերի 3-ին ընդունել է ՀՀ-ում Սիրիայի Արաբական Հանրապետության արտակարգ և լիազոր դեսպան Նորա Արիսյանին:
Հանդիպման ընթացքում քննարկվել են սպորտի բնգավառում հայ-սիրիական համագործակցության հեռանկարները:
Կարեն Գիլոյանը ողջունել է դեսպանին` ընդգծելով, որ Հայաստանի և Սիրիայի բարեկամությունն ամրապնդվել է մեր ժողովրդի համար պատմականորեն դժվարին ժամանակահատվածում:
«Սիրիան իր հարկի տակ ընդունել է մեր հարյուր հազարավոր հայրենակիցներին՝ հնարավորություն տալով պահպանելու մեր լեզուն, մշակույթը և արվեստը: Խորին ակնածանք ունեմ սիրիացիների հանդեպ»,- նշել է Կարեն Գիլոյանը:
Արտակարգ և լիազոր դեսպան Նորա Արիսյանը շնորհակալություն է հայտնել հյուրընկալության համար և վստահեցրել, որ Սիրիայի կառավարությունը կարևորում է Հայաստանի հետ շփումները և հետաքրքրված է սպորտի ասպարեզում փորձի փոխանակմանն ուղղված ծրագրերով. «Սիրիայի կառավարությունը, մասնավորապես սպորտը համակարգող կառույցը մեծ ցանկություն ունի զարգացնելու և ամրապնդելու սպորտային ասպարեզում Հայաստանի հետ համագործակցությունը: Գիտենք, որ Հայաստանը պատմականորեն մեծ հաջողություններ է գրանցել սպորտում, ունի տիտղոսակիր և ուժեղ մարզիկներ, որոնք կարող են իրենց փորձառությամբ կիսվել և օգտակար լինել մեր երիտասարդ մարզիկներին»:
Խոսելով սպորտային հնարավոր համագործակցությունների մասին՝ ԿԳՄՍ նախարարի տեղակալը պատրաստակամություն է հայտնել դիտարկելու համագործակցության առաջարկները. «Հնարավորության սահմաններում կարող ենք տրամադրել մարզիչներ, որոնք վարպետության դասեր կանցկացնեն սիրիացի մարզիկների համար հատկապես մենապայքարային մարզաձևերում: Մեր տիտղոսակիր մարզիկները ևս կարող են իրենց փորձով կիսվել ձեր մարզիկների հետ: Կարող ենք նաև համատեղ ուսումնամարզական հավաքներ կազմակերպել:
Համագործակցության լայն հեռանկարներ կան: Պատրաստ ենք կիսվել մեր փորձով և հնարավորինս նպաստել բարեկամ Սիրիայում սպորտի զարգացմանը: Մեր մարզիկների համար ևս օգտակար կլինի նմանօրինակ փորձառությունը»:
Կողմերը քննարկել են նաև Սիրիայի մայրաքաղաք Դամասկոսում հոկտեմբերին 10-ին մեկնարկելիք պարալիմպիկ խաղերում Հայաստանի ներկայացուցիչների հնարավոր մասնակցության հարցը:
20:52 23.06.2025
Վինիսիուսը համաձայնել է նոր պայմանագիր կնքել «Ռեալի» հետ
20:52 23.06.2025
Վինիսիուսը համաձայնել է նոր պայմանագիր կնքել «Ռեալի» հետԲրազիլացի հարձակվող Վինիսիուս Ժունիորը համաձայնել է նոր պայմանագիր ստորագրել Մադրիդի «Ռեալի» հետ, հաղորդում է Marca-ն: Նոր պայմանագրի մասին պաշտոնապես կհայտարարվի աշխարհի ակումբային առաջնության ավարտից հետո։ Ավելի վաղ հաղորդվում էր, որ 24-ամյա ֆուտբոլիստի նոր պայմանագրի ժամկետը նախատեսված կլինի մինչև 2030 թվականի հուլիսի 1-ը: Վինիսիուսը «Ռեալում» է 2018 թվականից։ ...
20:46 23.06.2025
ՀՀ դեսպանը հանդիպել է Ֆրանսիա-Հայաստան բարեկամության խմբի նախագահի հետՀունիսի 23-ին Ֆրանսիայում Հայաստանի դեսպան Արման Խաչատրյանը հանդիպել է Ֆրանսիայի Ազգային ժողովի Ֆրանսիա-Հայաստան բարեկամության խմբի նախագահ, ԱԺ «Հանրապետական Աջ» խմբակցության ղեկավար Լորան Վոքիեի հետ։ Դեսպան Խաչատրյանը բարձր է գնահատել Լորան Վոքիեի շարունակական հանձնառությունը Հայաստանի և Ֆրանսիայի միջև բարեկամության խորացման ու երկու երկրների առանձնահատուկ հարաբերությունների ամրապնդման հարցում։ Հանդիպման ընթացքում կողմերը քննարկել են Հայաստան-Ֆրանսիա հարաբերությունների ընդգրկուն օրակարգին, […] ...
20:43 23.06.2025
Միայն դիվանագիտությունը կարող է երաշխավորել, որ Իրանը միջուկային զենք չի ունենա. ԳրոսսիԻրանի կողմից ապագայում միջուկային զենք ստեղծելը կանխելու միակ միջոցը բոլոր շահագրգիռ կողմերի միջև բանակցություններն են, ռազմական էսկալացիան խոչընդոտում է դիվանագիտությանը և շատ վտանգավոր է. այս մասին հայտարարել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին Գործակալության Կառավարիչների խորհրդի արտակարգ նիստի բացման ժամանակ։ «Ես ևս մեկ անգամ կոչ եմ անում առավելագույն զսպվածություն ցուցաբերել: Ռազմական […] ...
20:38 23.06.2025
ԵՄ-ն Ուկրաինային 25 միլիարդ եվրո է հատկացրել, բայց նա ավելին է պահանջում․ ՍիարտոԵվրամիությունը 2025 թվականին Ուկրաինային արդեն հատկացրել է գրեթե 25 միլիարդ եվրո, բայց նա ավելին է պահանջում, Հունգարիան մտադիր չէ իր գումարները ուղարկել Կիև, ասել է Հունգարիայի արտաքին գործերի և արտաքին տնտեսական կապերի նախարար Պետեր Սիարտոն։ «Միայն այս տարի Եվրամիությունը մոտ 24,8 միլիարդ եվրո հատկացրեց Ուկրաինային աջակցելու համար: Իսկ այսօր ասվեց, որ դա բավարար չէ, շատ […] ...
20:33 23.06.2025
Մինչև օրս Համընդհանուր հայտարարագիր լրացրած 30520 քաղաքացի հետ է ստացել 2 միլիարդ 708 միլիոն դրամ սոցիալական կրեդիտՀունվարի 1-ից մինչև օրս Համընդհանուր հայտարարագիր լրացրած 30 հազար 520 քաղաքացի (նախորդ երկուշաբթի օրվա համեմատ + 1604 քաղաքացի) հետ է ստացել 2 միլիարդ 708 միլիոն դրամ սոցիալական կրեդիտ (նախորդ երկուշաբթի օրվա համեմատ +139 միլիոն դրամ): Մեկ մարդու կողմից ետ ստացած կրեդիտի միջին չափը 89 հազար դրամ է: Այս մասին Ֆեյսբուքի իր էջում գրել է ՀՀ […] ...
20:26 23.06.2025
Ռոնալդուն մերժել է «Ռիվեր Փլեյթի» առաջարկը«Ռիվեր Փլեյթի» գլխավոր մարզիչ Մարսելո Գալյարդոն պատմել է, որ մինչև աշխարհի ակումբային առաջնության մեկնարկը կապ է հաստատել Կրիշտիանու Ռոնալդուի հետ` նրան հրավիրելով արգենտինական ակումբ, հաղորդում է ESPN-ը: 40-ամյա Ռոնալդուն 49-ամյա մասնագետի առաջարկին պատասխանել է` «Ես պետք է պատրաստվեմ հաջորդ մրցաշրջանին»: Աշխարհի ակումբային առաջնությանը մասնակցող ակումբներից բրազիլական «Ֆլումինենսեն» և Ռիադի «Ալ Հիլալը» ևս տրանսֆերային առաջարկներով դիմել […] ...
