12:19 06.10.2022
Երևանում հոկտեմբերի 5-ին մեկնարկած Գլոբալ ինովացիոն ֆորումը շարունակում է իր աշխատանքը:
«Արմենպրես»-ի հաղորդմամբ` հոկտեմբերի 6-ին ֆորումը շարունակվում է «Արհեստական բանականությունն առօրյա կյանքում» խորագրով պանելային քննարկմամբ:
«Արհեստական բանականությունը հենց հիմա օգտագործվում է տարբեր բժշկական սարքերի մեջ: Ավելի քան 300 հազար բժշկական սարք կա հիմա, բայց դրանք բոլորը չէ, որ պարունակում են արհեստական բանականություն»,-ասաց Denovo Sciences-ի համահիմնադիր Հովակիմ Զաքարյանը՝ հավելելով, որ բժշկական բոլոր սարքերը, անկախ նրանից՝ օգտագործում են արհեստական բանականություն, թե ոչ, պետք է կարգավորման դաշտում լինեն:
Նա նշեց Flo բժշկական հավելվածի մասին, որը միլիոնավոր օգտատերեր ունի: «Սակայն մի քանի տարի առաջ Առևտրային ֆեդերալ հանձնաժողովը բողոք ներկայացրեց դրա դեմ՝ հասկանալով, որ բոլոր տվյալները հասանելի են դառնում երրորդ անձանց՝ այդ թվում Google-ին: Ահա, թե ինչքան կարևոր է տվյալների անվտանգությունը պահպանելը, եթե դրանք հավաքվում են բժշկական հավելվածների միջոցով»,-ասաց Զաքարյանը՝ կարևորելով կանոնակարգումը:
Huawei-ի ռազմավարության և արդյունաբերության զարգացման գծով ավագ տնօրեն Ահմեդ Ռաշադ Ռիադն էլ հարց առաջ քաշեց՝ ֆինանսական տեխնոլոգիաների աշխատանքն ո՞վ պետք է կարգավորի՝ ԿԲ-ն, թե՞ տեխնոլոգիաների համար պատասխանատու մարդիկ: Այս հարցը նա համարեց լուրջ մարտահրավեր:
Հայաստանի գիտության և տեխնոլոգիաների հիմնադրամի (FAST) Գլոբալ նորարարական չորրորդ ֆորումն անցկացվում է Երևանում հոկտեմբերի 5-6-ը: Ֆորումը սկսել է իրականացվել 2017 թվականից: Ֆորումն այս տարի անցկացվում է «Կյանքը վերափոխող տեխնոլոգիաներ» խորագրի ներքո՝ առանցքում ունենալով արհեստական բանականության բազմոլորտ կիրառություններն ու մարդկային գործունեության վրա ունեցած ազդեցությունները։
12:50 24.06.2025
Իրանը մտադիր է վճռականորեն արձագանքել հրադադարի պայմանների ցանկացած խախտմանԻրանը պատրաստ է վճռականորեն արձագանքել ցանկացած հետագա ագրեսիայի՝ Իսրայելի կամ Միացյալ Նահանգների կողմից հրադադարի խախտման դեպքում, ասվում է Իսլամական Հանրապետության Ազգային անվտանգության գերագույն խորհրդի հայտարարության մեջ: «Մենք տեղեկացնում ենք Իրանի Իսլամական Հանրապետության մեծ և քաջարի ժողովրդին, որ Իրանի զինված ուժերը, չվստահելով թշնամու ելույթներին, պատրաստ կլինեն վճռական պատասխան տալ թշնամու ցանկացած ագրեսիվ գործողության», – հայտարարության տեքստը […] ...
12:36 24.06.2025
Հայաստանում նշվել է Օլիմպիական միջազգային օրըԿԳՄՍ նախարարի տեղակալ Հասմիկ Ավագյանը Հանրապետության հրապարակում ներկա է եղել Օլիմպիական միջազգային օրվան նվիրված մարզական միջոցառմանը, որին մասնակցել են տարբեր մարզաձևերով զբաղվող բազմաթիվ մարզիկներ: Օլիմպիական միջազգային օրը նշվում է հունիսի 23-ին՝ ի պատիվ ժամանակակից օլիմպիական շարժման հիմնադրման։ Միջոցառումը կազմակերպվել էր Հայաստանի ֆիզիկական կուլտուրայի և սպորտի պետական ինստիտուտի նախաձեռնությամբ: Շնորհավորելով օրվա կապակցությամբ՝ ԿԳՄՍ նախարարի տեղակալ Հասմիկ […] ...
12:20 24.06.2025
Օդի ջերմաստիճանը կբարձրանա 4-5 աստիճանովԵրևանում հունիսի 24-ի ցերեկը, 25-27-ին սպասվում է առանց տեղումների եղանակ։ Հունիսի 28-29-ին երեկոյան ժամերին` քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 15-18մ/վ։ Մարզերում հունիսի 24-ի ցերեկը, 25-27-ին սպասվում է առանց տեղումների եղանակ։ Հունիսի 28-29-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ […] ...
12:07 24.06.2025
2 արծաթե և 3 բրոնզե մեդալ աշխարհագրության միջազգային բաց օլիմպիադայիցՀՀ դպրոցականները 2 արծաթե և 3 բրոնզե մեդալ են նվաճել աշխարհագրության միջազգային բաց օլիմպիադայում, որն առցանց ձևաչափով առաջին անգամ անցկացրել է ՌԴ Լոմոնոսովի անվան Մոսկվայի պետական համալսարանի աշխարհագրության ֆակուլտետը: Օլիմպիադային անցկացվել է հունիսի 20-23-ը, որին մասնակցել է 23 երկրի 107 աշակերտ: Յուրաքանչյուր երկիր կարող էր ներկայացնել 15-19 տարեկան աշակերտների մեկ թիմ, առավելագույնը՝ 6 հոգի։ Թիմերը ձևավորվել են իրենց […] ...
11:57 24.06.2025
Սարոյանի անվան կարճ պատմվածքի մրցանակԱռաջին անգամ Գրքի երևանյան միջազգային փառատոնի և «Սարոյան» հիմնադրամի բացառիկ համագործակցության շրջանակում հայտարարվում է Սարոյանի անվան կարճ պատմվածքի մրցույթ, որի նպատակն է անգլերեն գրված կամ անգլերեն թարգմանված կարճ պատմվածքների գնահատումը։ Այս մրցանակը ոգեշնչված է Վիլյամ Սարոյանի ժառանգությամբ՝ խրախուսելով պատմվածագրությունը ու գրական վարպետությունը: Հայտադիմումի ուղեցույց Մրցույթը բաց է բոլոր ազգությունների 18 տարեկանից բարձր հեղինակների համար։ Գրքի երևանյան միջազգային փառատոնի նախորդ […] ...
