18:14 11.10.2022
Աշխատանքի և սոցիալական հարցերի նախարարության ենթակայությամբ գործող «Խարբերդի մասնագիտացված մանկատան» պայմանների բարելավման նպատակով՝ Աշխատանքի և սոցիալական հարցերի նախարարության ներգրավմամբ՝ Հայաստանում Ճապոնիայի դեսպանության և «Քեզ համար» հասարակական բարեգործական կազմակերպության միջև դրամաշնորհային ծրագրի պայմանագիր է ստորագրվել։
Միջոցառման շրջանակում «Խարբերդի մասնագիտացված մանկատունը» կապահովվի անհրաժեշտ գույքով․ այս նպատակով՝ կտրամադրվի ավելի քան 99,7 հազար դոլար։
Ստորագրման արարողության ընթացքում Աշխատանքի և սոցիալական հարցերի նախարար Նարեկ Մկրտչյանն ընդգծել է Ճապոնիայի դեսպանության հետ սոցիալական պաշտպանության ոլորտում արդյունավետ համագործակցության կարևորությունը՝ վստահություն հայտնելով, որ ծրագիրը մեծապես կօգնի հաստատությունում բնակվող հաշմանդամություն ունեցող երեխաների խնամքի առավել արդյունավետ կազմակերպմանը։
«Աշխատանքի և սոցիալական հարցերի նախարարությունը բարձր է գնահատում Ճապոնիայի կառավարության ջանքերն՝ ուղղված խոցելի խմբերի, մասնավորապես՝ հաշմանդամություն ունեցող անձանց, տարեցների և երեխաների իրավունքների պաշտպանությանը։ Լիահույս ենք, որ «Քեզ համար» հասարակական բարեգործական կազմակերպության հետ համագործակցությունը նույնպես կընթանա հաջողությամբ և դրական արդյունքներ կգրանցի»,- նշել է նախարարը։
Հայաստանում Ճապոնիայի արտակարգ և լիազոր դեսպան Մասանորի Ֆուկուշիման ևս, կարևորելով նախարարության հետ համագործակցությունը, նշել է, որ տվյալ ծրագրի շրջանակում հնարավոր կլինի բարելավել շուրջ 236 երեխայի կարիքների բավարարմանը․
«Երեխաների սոցիալական բարեկեցության ապահովումը հանդիսանում է ցանկացած երկրի հիմք՝ որպես ապագայի բարեկեցության գրավական։ Հուսով եմ, որ այս ծրագրի միջոցով մենք կնպաստենք Խարբերդի մանկատան սաների կյանքի որակի բարելավմանը»։
«Քեզ համար» հասարակական բարեգործական կազմակերպության տնօրեն Գայանե Բալասանյանի խոսքով՝ տարիներ շարունակ «Քեզ համար» հասարակական կազմակերպությունը տարատեսակ ծրագրեր է իրականացրել խոցելի խմբերի սոցիալական կարիքների բավարարման ուղղությամբ՝ նպաստելով վերջիններիս սոցիալական ներդաշնակ ներառմանը։
«Մենք մշտապես համագործակցել ենք Խարբերդի մասնագիտացված մանկատան հետ և տեղյակ ենք առկա հիմնախնդիրների մասին։ Հաստատության խմբասենյակների վնասված և հնացած գույքը կարող է խոչնդոտել նրանց ինքնագործունեությանը։ Ուստի, ծրագրի շրջանակում ձեռք բերվող միջոցները կուղղվեն եղած խնդիրների շտկմանը»։
23:59 14.07.2025
Սևանա լճի հիդրոլոգիական ռեժիմը հուլիսի 7-13-ըՍևանա լճի մակարդակը 2025 թվականի հուլիսի 7-13-ն ընկած ժամանակահատվածում իջել է 2 սմ-ով և կազմել՝ 1900.66 մ (13.07.25թ․), որն անցյալ տարվա նույն օրվա մակարդակից ցածր է 2 սմ-ով, իսկ 2025 թվականի հունվարի 1-ի մակարդակից բարձր է 27 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականի հուլիսի 7-13-ն ընկած ժամանակահատվածում […] ...
23:57 14.07.2025
Թբիլիսյան խճուղում խոշոր հրդեհ է բռնկվել․ կրակն ու ծուխը տեսանելի են անգամ 1 կմ-իցՀուլիսի 14-ին, խոշոր հրդեհ է տեղի ունեցել Երևանում։ Ժամը 23։00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Թբիլիսյան խճուղուն հարակից մոտ 2000 մետր քառակուսի խոտածածկ տարածքում։ Ինչպես հայտնում է shamshyan.com-ը, օպերատիվորեն ժամանել են Երևանի թիվ 5-րդ հրշեջ-փրկարարական ջոկատից 2 մարտական հաշվարկ։ Կրակի դեմ […] ...
23:50 14.07.2025
Մեկնարկեց «Ոսկե ծիրան 2025» կինոփառատոնըՀուլիսի 13-ին մեկնարկեց «Ոսկե ծիրան» կինոփառատոնի հանդիսավոր բացումը: Ուղիղ մեկ շաբաթ մինչև հուլիսի 20-ը երևանյան հանդիսատեսը հնարավորություն կունենա դիտելու ավելի քան 100 ֆիլմ, այդ թվում այնպիսիք, որոնք արժանացել են Կաննի միջազգային կինոփառատոնի մրցանակների: Կինոփառատոնի շրջանակում Հայաստան են ժամանել աշխարհահռչակ կինոաստղեր: Պատվավոր հյուրերի շարքում են կինոյի միջազգային մեծություններ՝ Ամիր Նադերին, Աբդերահման Սիսակոն, Աթինա Ցանգարին, Ֆեդոն Պապամայքլը, […] ...
23:38 14.07.2025
ՌԴ 21-ամյա քաղաքացին ՆԳՆ կրթահամալիրի մոտ «Toyota Camry»-ով բախվել է բազալտե եզրաքարին, հաստաբուն ծառին և տապալել այնՀուլիսի 14-ին, ավտովթար է տեղի ունեցել Երևանում։ Ժամը 18։00-ի սահմաններում Ծովակալ Իսակովի պողոտայում, ՀՀ Ներքին գործերի նախարարության կրթահամլիրի մոտ ՌԴ քաղաքացի 21-ամյա Ռոբերտ Մ․-ն իր վարած «Toyota Camry» մակնիշի ավտոմեքենայով դեռև անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, ապա հաստաբուն ծառին և տապալել այն։ Ինչպես հայտնում է shamshyan.com-ը, վթարի հետևանքով, ըստ նախնական […] ...
23:25 14.07.2025
«Իմ քայլը» հիմնադրամի հոգաբարձուների խորհրդի նիստում ամփոփվել են կիսամյակի արդյունքներն ու իրականացված ծրագրերըՏեղի ունեցավ «Իմ քայլը» հիմնադրամի հոգաբարձուների խորհրդի նիստը, որտեղ ամփոփվեցին կիսամյակի արդյունքներն ու իրականացված ծրագրերը։ Այս մասին նշվում է հիմնադրամի տարածած հաղորդագրության մեջ: «Հաստատվեց «Կրթվելը նորաձև է» շարժման աջակից նոր ծրագիրը` իր բազմաճյուղ նախագծերով, որոնք միտված են անհատի ինքնակրթության խթանմանը: Շուտով կկիսվենք մանրամասներով. սպասեք հայտարարությունների»,- նշվում է հայտարարության մեջ: Մանրամասները՝ տեսանյութում։ ...
23:06 14.07.2025
Մակրոն. Հայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների համարՀայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների, երկրների և դրա սահմաններից դուրս գտնվողների համար։ Այս մասին X-ի իր միկրոբլոգում գրել է Ֆրանսիայի նախագահը: «Ուրախ եմ Փարիզում ողջունել Հայաստանի վարչապետ Նիկոլ Փաշինյանին։ Վերահաստատեցի Ֆրանսիայի աջակցությունը նրա քաջ ջանքերին՝ ուղղված Ադրբեջանի հետ խաղաղության հաստատմանը։ Հայաստանի և Ադրբեջանի […] ...
