18:30 08.12.2022
Ռուսաստանի Դաշնության մայրաքաղաք Մոսկվայում դեկտեմբերի 4-7-ը կայացել է «Մենք միասին ենք» միջազգային երիտասարդական համաժողովը, որին մասնակցել է նաև Հայաստանի Հանրապետության պատվիրակությունը: Այս մասին տեղեկացնում են ԿԳՄՍ նախարարությունից:
Համաժողովի խորագիրն էր «Համագործակցություն հանուն ընդհանուր նպատակների». այն միավորել էր ավելի քան 10 հազար երիտասարդի շուրջ 45 երկրից, որոնք ներկայացնում են կամավորական կազմակերպություններ, հիմնադրամներ, բիզնես համայնքներ, սոցիալական նախաձեռնություններ, հաղորդակցության գործակալություններ և այլն: Հայաստանի պատվիրակությունից մասնակցել են ՀՀ ԿԳՄՍ նախարարության, Հայաստանի 2023 թ. երիտասարդական մայրաքաղաք Մեծամորի, սոցիալական գործունեություն ծավալող մասնավոր հատվածի ներկայացուցիչներ:
Ամենամյա համաժողովի նպատակն է խթանել կամավորական աշխատանքը երիտասարդների շրջանում, ստեղծել համագործակցության հարթակներ, ձևավորել սոցիալական փոփոխությունների առաջնորդների և հոգատար համայնք, որը պատրաստ է գործել իր միջավայրում կյանքի որակը բարելավելու համար:
Համաժողովի շրջանակում կազմակերպվել են ճանաչողական այցեր, էքսկուրսիաներ, տաղավարներում իրականացվել են կամավորության վերաբերյալ և այն խթանող նախաձեռնություններ, խաղեր, բարեգործական ակցիաներ, թեմատիկ դասընթացներ: Միջոցառման հիմնական բաղադրիչը երկրի առաջատար դեմքերի մասնակցությամբ պանելային քննարկումներն ու բանախոսություններն էին: Թեմաներն առնչվում էին սոցիալական խնդիրների, միջազգային համագործակցությունների, շրջակա միջավայրի բարելավման, տարբեր տարածաշրջաններում մշակութային ինտեգրացիաների, մեդիա հարթակում նորարարությունների և այլ թեմաների:
Համաժողովի գլխավոր միջոցառումը «Մենք միասին ենք» միջազգային մրցույթի հաղթողների պարգևատրման արարողությունն էր, որը կայացել է դեկտեմբերի 5-ին՝ Կամավորների միջազգային օրը: Մրցույթն անցկացվել է երեք անվանակարգերում՝ «Հավասար հնարավորություններ և սոցիալական արդարություն», «Բժշկություն և առողջ ապրելակերպ», «Էկոլոգիա և կայուն զարգացում»:
Մրցույթի մասնակիցներից էր նաև հայաստանցի Անի Գաբրիելյանը: Նա «Էրազմուս+» ծրագրի շրջանակում Ռումինիայում զբաղվում է կամավորությամբ և մրցույթում ռումինական AIDE կազմակերպության անունից ներկայացրել է «From rural to nonformal» («Ոչ ֆորմալ կրթությունը գյուղական համայնքների համար») ծրագիրը՝ «Էկոլոգիա և կայուն զարգացում» անվանակարգում: Շուրջ 400 ծրագրերից Անի Գաբրիելյանի ծրագիրը 75-ի հետ անցել է եզրափակիչ փուլ՝ արժանանալով վկայականի: Նշենք, որ տարածաշրջանային գնահատող փորձագետների կազմում էր նաև հայաստանյան ներկայացուցիչ Արփինե Սարգսյանը:
18:52 15.07.2025
ՃՏՊ Վարդենիս-Մարտունի ավտոճանապարհին․ կա տուժածՀուլիսի 15-ին, ժամը 16։27-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վարդենիս-Լուսակունք ավտոճանապարհի տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Վարդենիս-Մարտունի ավտոճանապարհի մոտ 4-րդ կմ-ին «BMW» մակնիշի ավտոմեքենան դուրս է եկել երթևեկելի հատվածից և հայտնվել […] ...
18:40 15.07.2025
Սրբուհի Գալյանն ընդունել է Սլովակիայի Հանրապետության իրավունքների հանրային պաշտպանինԱրդարադատության նախարար Սրբուհի Գալյանն ընդունել է Սլովակիայի Հանրապետության իրավունքների հանրային պաշտպան Ռոբերտ Դոբրովոդսկիին հայտնում են նախարարությունից։ «Ողջունելով հանրային պաշտպանին՝ նախարար Սրբուհի Գալյանը նշել է, որ մարդու իրավունքների պաշտպանությունը ՀՀ կառավարության գերակա ուղղություններից է, ինչի վկայությունն է մարդու իրավունքների պաշտպանության ազգային ռազմավարության առկայությունը: Խոսելով մարդու իրավունքների պաշտպանության կառուցակարգերի կատարելագործման ուղղությամբ կատարված քայլերի մասին՝ նախարարը նշել է, […] ...
18:30 15.07.2025
ԵՄ-ն պատժամիջոցներ է սահմանել Իրանի ութ քաղաքացիների նկատմամբ՝ մարդու իրավունքների խախտումների համարԵՄ արտաքին գործերի նախարարները պատժամիջոցներ են սահմանել Իրանի ութ քաղաքացիների նկատմամբ՝ ընդդիմությանը հետապնդելու և մարդու իրավունքները խախտելու համար։ Այս մասին ասվում է ԵՄ խորհրդի հայտարարության մեջ, որն ընդունվել է Բրյուսելում ԵՄ արտաքին գործերի նախարարների նիստից հետո։ «ԵՄ խորհուրդը պատժամիջոցներ է կիրառել իրանցի ութ անհատների և մեկ կազմակերպության նկատմամբ՝ մարդու իրավունքների խախտումների և սահմանային ճնշումների համար», […] ...
18:02 15.07.2025
Քրեական ոստիկանները բացահայտել են համակարգչային հափշտակություններ կատարող հանցավոր կազմակերպությունԱյս տարվա փետրվարին Քրեական ոստիկանության կիբեռհանցագործությունների դեմ պայքարի վարչությունում ստացվել էին հանցավոր կազմակերպության գործունեության վերաբերյալ հերթական հավաստի օպերատիվ տեղեկությունները, ըստ որոնց՝ Երևանի Գարեգին Նժդեհի փողոցի գրասենյակային նշանակության տարածքում Հայաստանի և օտարերկրյա մի խումբ քաղաքացիներ ստեղծել են հանցավոր կազմակերպություն և զբաղվում են համակարգչային հափշտակություններով: Ամիսներ տևած օպերատիվ-հետախուզական ծավալուն միջոցառումների արդյունքում հնարավոր եղավ պարզել հանցագործությունների կատարման եղանակը, […] ...
17:54 15.07.2025
62-ամյա տղամարդուն դանակահարած երիտասարդը ձերբակալվել էՀուլիսի 11-ին՝ ժամը 20:54-ին, «Էրեբունի» բժշկական կենտրոնից ՆԳՆ ոստիկանության օպերատիվ կառավարման կենտրոն հաղորդում է ստացվել, որ «գոտկային շրջանի կտրած-ծակած վերք» ախտորոշմամբ բուժօգնության է դիմել 62-ամյա տղամարդ: Համայնքային ոստիկանության Կենտրոնական բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ Վարդանանց-Հանրապետության փողոցների խաչմերուկում տեղի ունեցած վիճաբանության ժամանակ 62-ամյա տղամարդուն կտրող-ծակող գործիքով հարվածել է Երևանի բնակիչ 36-ամյա երիտասարդը: […] ...
