13:41 11.01.2023
Կրթական համակարգում կատարված փոփոխությունների համաձայն՝ 2023/2024 թվականի ուսումնական տարվա բուհական ընդունելությունն անցկացվում է նոր ձևաչափով: Դիմորդների համար միասնական քննություն կազմակերպվում է մի քանի անգամ: Առաջին փուլը նախատեսված է հունվար-փետրվարին, երկրորդ փուլը՝ հունիսին: Լրացուցիչ փուլի քննությունները, ինչպես նախորդ տարիներին, այս անգամ ևս պահպանվելու են և անցկացվելու են հուլիսին: Ստացվում է, որ դիմորդները կարող են միասնական քննություն հանձնել հունվարին, և, եթե արդյունքները չեն բավարարում, ապա հանգիստ կարող են նույն առարկայից քննություն հանձնել նաև հունիսին: «Արմենպրես»-ի մամուլի սրահում հրավիրված ասուլիսում ՀՀ ԿԳՄՍ նախարարության գնահատման եւ թեստավորման կենտրոնի փոխտնօրեն Կարո Նասիբյանը նշեց, որ սա շատ լավ հնարավորություն է դիմորդների համար: Իրենց քննական գործընթացը կարող են կազմակերպել հանգիստ պայմաններում՝ առանց ավելորդ սթրեսի: Թերևս, դա է պատճառը, որ առաջին փուլին քննություն հանձնողների թիվը սպասվածից ավելին է:
«Մենք նախնական սպասում էինք, որ այս թիվը կարող է լինել 3-5 հազար, ապա այսօր հայտարարագրվել է 6 հազար 871 դիմորդ: Մինչ այդ ունեցած հարցումները ևս ցույց տվեցին, որ սա սպասված փոփոխություն էր: Դիմորդները քննական գործընթացում ունենում են լավ հնարավորություն»,-ասաց Կարո Նասիբյանը:
Միասնական քննությունները «Քիմիա», «Ռուսաց լեզու» «Օտար լեզուներ» «Հայոց լեզու և հայ գրականություն», «Մաթեմատիկա» «Կենսաբանություն», «Աշխարհագրություն» «Հայոց պատմություն», «Ֆիզիկա» առարկաներից են: Ամենաշատ հայտագրումը «Անգլերեն» առարկայից է՝ 3139, այնուհետև «Մաթեմատիկա»-ն՝ 2950, «Հայոց լեզու և հայ գրականություն»՝ 2018:
Արդեն կազմավորվել է 29 քննական կենտրոն, որից 10-ը մայրաքաղաք Երևանում է: Կարո Նասիբյանը նկատեց, որ որոշակի խնդիրներ կան՝ կապված կազմակերպչական աշխատանքների հետ: Նախ այս անգամ տեսախցիկներ չեն լինելու և ծնողները չեն կարողանալու հետևել քննական պրոցեսին:
«Պատճառը եղանակային պայմաններ են: Չենք կարող այս ցուրտ եղանակին էկրանները դուրս բերել: Դրանից բացի, ծնողները ինչպես են դրսում այս ցրտին երեք ժամ կանգնելու, որ հետևեն: Մյուս խնդիրը կրկին եղանակի հետ է կապված: Ինչպես գիտեք, քննություններն անցկացնում ենք դպրոցների մարզադահլիճներում, համեմատաբար մեծ տարածքներում, իսկ դրանք այս ցուրտ եղանակին շատ դժվար են ջեռուցվում»,-ասաց Կարո Նասիբյանն՝ ավելացնելով, որ արդեն դիմել են ԿԳՄՍ նախարարին, որպեսզի մարզպետարանների միջոցով ջեռուցման հարցը կարգավորվի:
Հունվար-փետրվար ամիսներին կայանալիք քննություններին մասնակցելու համար դիմորդները լրացնում են միայն դիմում հայտը: Չեն նշում բուհ կամ մասնագիտություն: Հունվարի քննություններից հետո որևէ մրցույթ կայանալ չի կարող: Գնահատման և թեստավորման կենտրոնը մրցույթը կազմակերպում է բոլոր քննություներն ավարտվելուց հետո:
10:00 15.05.2025
Իրանը ուրանի հարստացման սահմանափակման համար պայման է դրել
09:50 15.05.2025
Կատարի վարչապետ․ Իսրայելը շահագրգռված չէ Գազայում հրադադարի շուրջ բանակցություններովԻսրայելի հարվածները Գազայի հատվածին ցույց են տալիս հրեական պետության անհետաքրքրությունը հրադադարի հարցում: Այս մասին CNN International-ին տված հարցազրույցում հայտարարել է Կատարի վարչապետ և արտաքին գործերի նախարար Մուհամեդ բեն Աբդուլ Ռահման Ալ Թանին։ «Սա, ըստ էության, խոսում է բանակցություններ վարելու նկատմամբ հետաքրքրության պակասի մասին։ Մենք համագործակցում ենք երկու կողմերի հետ և հույս ունենք առաջընթացի, բայց ես […] ...
09:45 15.05.2025
ԿԳՄՍ նախարար Ժաննա Անդրեասյանը եթերում կպատասխանի քաղաքացիների տեսահարցերինԿԳՄՍ նախարար Ժաննա Անդրեասյանը, ԱԺ պատգամավորներ Սիսակ Գաբրիելյանը և Թագուհի Ղազարյանը մայիսի 26-ին՝ ժամը 18։00-ից, եթերում կպատասխանեն ՀՀ քաղաքացիների և սփյուռքի մեր հայրենակիցների տեսահարցերին: Այս մասին հայտնում են ԿԳՄՍՆ-ից։ «Հարցերը տեսագրված հաղորդագրությունների տեսքով նախապես ուղարկել WhatsApp հավելվածի +374 44 900-800 հեռախոսահամարին՝ մինչև մայիսի 17-ը։ Հարցուպատասխանը եթեր կհեռարձակվի Կառավարության և Ազգային ժողովի ֆեյսբուքյան և յութուբյան էջերով, […] ...
09:40 15.05.2025
Al Jazeera. 22 մարդ է զոհվել Գազայի վրա իսրայելական օդուժի հարձակման հետևանքովԳազայի հատվածի հարավում իսրայելական ավիահարվածների հետևանքով ավելի քան 20 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը։ Հինգշաբթի գիշերը իսրայելական ռազմական ինքնաթիռները մի շարք հարվածներ են հասցրել Խան Յունիս քաղաքի բնակելի թաղամասերին, որոնք գտնվում են պաղեստինյան անկլավի հարավում։ Արդյունքում, զոհվել է առնվազն 22 մարդ, վիրավորվել՝ ավելի քան 100-ը։ Մարտի 18-ին իսրայելական բանակը […] ...
09:31 15.05.2025
Լիբիայի ազգային համաձայնության կառավարության դեմ բողոքի ցույցեր են եղել ՏրիպոլիումՏրիպոլիում Աբդել Համիդ Դբեյբայի գլխավորած Ազգային համաձայնության կառավարության (GNA) դեմ բողոքի ցույց է տեղի ունեցել Լիբիայի մայրաքաղաքի թաղամասերում։ Այս մասին հայտնում է Libya Press գործակալությունը։ Տրիպոլիի ամենամեծ շրջաններից մեկում՝ Սուք ալ-Ջումաայում, տեղի է ունեցել խոշոր ցույց, որին մասնակցել են չորեքշաբթի գիշերը բռնկված զինված բախումները։ Տասնյակ ցուցարարներ դուրս են եկել փողոց՝ պահանջելով Դբեյբայի կառավարության հրաժարականը։ Հերթական […] ...
09:26 15.05.2025
Գազամատակարարման վթարային դադարեցում՝ Գեղարքունիքի մարզի մի շարք բնակավայրերումԳագարին ԳԲԿ-ն սնող DN100 տրամագծով կողմնատար-գազատարի 0,562 կմ հատվածում նախավթարային վիճակի կանխարգելիչ միջոցառումներ իրականացնելու նպատակով մայիսի 15-ին ժամը 09։00-ից մինչև մայիսի 16-ը ժամը 21։00-ն դադարեցվել է Գեղարքունիքի մարզի Գագարին ավանի, Չկալովկա, Լճաշեն, Նորաշեն բնակավայրերի գազասպառողների, «Կար-ապ» ՍՊԸ-ի ԱԳԼՃԿ-ի, «Սեդամի» ՓԲԸ-ի ԱԳԼՃԿ-ի, նշված բնակավայրերում գործող այլ ԱԳԼՃԿ-ների և տարբեր նշանակության հանրային կազմակերպությունների գազամատակարարումը։ Այս մասին հայտնում […] ...
09:20 15.05.2025
Իրաքի գեներալ. Բաղդադի արաբական գագաթնաժողովը կանցկացվի առանց պարետային ժամիԲաղդադում պարետային ժամ չի սահմանվի ոչ Արաբական լիգայի 34-րդ գագաթնաժողովից առաջ, ոչ էլ մայիսի 17-ին կայանալիք գագաթնաժողովի ընթացքում։ Այս մասին հայտարարել է կազմակերպության գագաթնաժողովի անվտանգության գերագույն կոմիտեի ներկայացուցիչ, գեներալ Միկդադ Միրին։ «Մենք հաստատում ենք, որ պարետային ժամ չի լինի ոչ Բաղդադում արաբական գագաթնաժողովից առաջ, ոչ էլ դրա ընթացքում»,- նրա խոսքերն է մեջբերում Իրաքյան լրատվական գործակալությունը։ […] ...
