Օլիմպիական չեմպիոնուհի Եվգենյա Մեդվեդևայի հայկական գաղտնիքները

Նրան բաժին հասան ոչ միայն երկու օլիմպիական արծաթը, այլև հանդիսատեսի, ժյուրիի ու բազմաթիվ անվանի գեղասահորդների անսահման սերն ու համակրանքը: Եվգենյա  Մեվեդևան փայլեց Փհենչհանի օլիմպիադիայում: Նրա  ելույթները գնահատվեցին վառ և հիշարժան, բայց հիմա ցանկանում ենք պատմել Մեդվեդևայի ոչ միայն օլիմպիական հաջողությունների, այլև հայկական արմատների մասին: 

 Այդ «գաղտնիքները», ի  դեպ, բացահայտել է  նրա  հայրը՝ Արման Բաբասյանը: Ստորև ներկայացնենք հատվածներ Արման Բաբասյանի հետ հարցազրույցից:

 

  Կարիերան

 Ընդամենը 18 տարեկան ժենյան հասցրել է ունենալ լուրջ հաջողություններ.

1. Աշխարհի կրկնակի չեմպիոն-  2016 և 2017 թվականներին

2. Եվրոպայի կրկնակի չեմպիոն – 2016 և 2017 թվականներին

Լոզանում ՄՕԿ-ի գործադիր նիստին մասնակցելուց հետո մասնագետները համոզված  են, որ Ժենյային սպասվում է մարզական փայլուն չինովնիկի կարիերա:

 Հայկական արմատները

ժենյայով հատկապես հպարտանում են Հայաստանում: Այստեղ անմիջապես գրեցին, որ Մեդվեդևայի հայրական ազգանունը Բաբասյան է: Հայրը՝ Արմանը, երկար ժամանակ ստվերում էր և միայն վերջերս է  հարցազրույց  տվել «Մոսկովսկի կոմսոմոլեց» թերթին ու պատմել ոչ միայն հետաքրքիր մանրամասներ օլիմպիական չեմպիոնուհու մասին, այլև, ի վերջո, ինչո՞ւ է փոխված աղջկա ազգանունը: 

Աղջկա մայրը՝ Ժաննա Դևյատովան, գեղասահքի Մոսկվայի չեմպիոն է եղել, հետո լուրջ վնասվածքի պատճառով թողել է մեծ սպորտը: Փոխարենը, աղջկան 3 տարեկանից սեր է ներշնչել գեղասահքի նկատմամբ: 

Հոր մասին հայտնի էր միայն, որ գործարար է, անունը՝ Արման: Երբ ժենյան դեռ պարապում էր մարզիչ Լյուբով Յակովլևայի մոտ, նրա ազգանունը Բաբասյան էր: Հետո վերցրեց տատիկի աղջկական ազգանունը՝ Մեդվեդևա:  Ահա, թե ինչ է պատմում Արման Բաբասյանը իր ընտանիքի մասին: 

«Ծնվել եմ Երևանում, հաճախել եմ գեղարվեստի դպրոց, նկարել եմ: Տանը միշտ լավ երաժշտություն էր հնչում: 16 տարեկանից տեղափոխվել եմ ընտանիքիս հետ Մոսկվա: Հայրս պետական ծառայող էր, մայրս՝ մանկապարտեզի դաստիարակչուհի: Ժաննայի հետ ծանոթացել եմ Союзмультфильм կինոստուդիայի տաղավարում: Այնտեղ նա աշխատում էր որպես ռեժիսորի օգնական»: 

Ի դեպ, ժաննայի բարեկամներից մեկը՝ Ալեքսանդր Մազաևը, հայտնի մուլտիպլիկատոր է, աշխատել է մի քանի հայտնի մուլտֆիլմերի ստեղծման վրա՝ «Դե, սպասի՛ր», «Թռչող նավակ», «Անգետիկը Լուսնի վրա», «Ինչպես առյուծիկն ու կրիան երգ երգեցին»:

«Մեր աղջկան անվանեցինք Եվգենյա՝ ի պատիվ իմ սիրելի տատիկի: ժենյայի համար ամբողջ տունը խաղալիք էր, նրան հետաքրքիր էին բոլոր պահարաններն ու դարակները, բացի այդ, մի տարօրինակ տիկնիկ  ուներ … Թեև կարող է՝ սխալվում եմ: 3 տարեկանից ժենյայի կյանքում կար միայն գեղասահքը: Ես ու ժաննան բաժանված ենք, բայց ջերմ հարաբերություններ ունենք, միշտ շփվում ենք, Ժաննան հրաշալի մայր է ու հրաշալի մարդ: Ժենյան հմայքն ու համառությունը, կարծում եմ, մորից է  ժառանգել»:

«Օլիմպիադայից  առաջ անձամբ չեմ շփվել հետը, չէի ուզում անհարկի ավելացնել լարվածությունը, փոքրիկ հաղորդագրություն ուղարկեցի ջերմ խոսքերով ու մաղթանքներով:  ժենյան պետք է կենտրոնանար ու հավաքվեր»,- պատմել է օլիմպիական չեմպիոնուհու հայրը:

– Մենք նրան մկրտել ենք: Կնքահայրը իմ եղբայրն էր, կնքամայրը՝ Ժաննայի ընկերուհին ու մեր ընդհանուր ընկերը: Կարծում եմ, որ Ժենյայի խաչը պահել-պահպանել ու հաջողություն է բերել նրան, այդպես էլ կլինի հետագայում: