13:42 22.08.2018
Մեդիափորձագետ Սամվել Մարտիրոսյանն այսօր հրավիրված ասուլիսի ընթացքում անդրադարձել է հասարակական-քաղաքական նոր իրողությունների պայմաններում համացանցի դերին: Փորձագետի դիտարկումներով՝ հայ հասարակությունն այս պահին քաղաքականացված է, ինչն էլ պարարտ հող է ստեղծում մանիպուլյատիվ տեխնոլոգիաների կիրառման համար: Մարտիրոսյանը նկատել է, որ հատկապես «Ֆեյսբուք» սոցիալական կայքը քաղաքական գործընթացների ժամանակ Հայաստանում արդիական է դառնում:
«Եթե հիշեք 2017 թվականի ընտրությունները, ապա արդեն այն ժամանակ «Քաղաքացիական պայմանագիր» կուսակցությունը լայվերը սկսեց շատ ակտիվ օգտագործել, պարզապես այն ժամանակ հետևորդները շատ չէին: Երբ քարոզարշավը սկսվեց, նույն օրը՝ կեսգիշերին, կուսակցության հիմնական դեմքերը լայվ մտան, իհարկե, ոչ ոք այն ժամանակ չէր սպասում, որ այդքան մեծ ազդեցություն կունենա այս ամենը: Սա աննախադեպ բան է մարդկության պատմության մեջ: Ով այս գործիքներից լավ օգտվում է, ավելի առաջ է գնում, քան նրանք, ովքեր համացանցը համարում են մի հերթական գործիք»,- ասաց Մարտիրոսյանը:
Նրա խոսքով՝ տեղեկատվական շուկան վերաձևակերպվում է: Մարտիրոսյանը կարծում է, որ հատկապես գալիք ընտրություններին ընդառաջ համացանցի դերն ավելի կամրապնդվի հայ հասարակության կյանքում:
«Այն ժամանակ նորությունների տարածման պրոցեսում մարդիկ պասիվ ընկալող էին: Հիմա մենք, լինելով համացանցի մի մաս, ակտիվ մասնակցում ենք ամենին՝ թեկուզ տարածելով: Այս ամենը վտանգավոր է: Միայն «Ֆեյսբուք»-ում 1 միլիոն 200 հազար օգտատեր կա Հայաստանից, փաստացի կարող ենք ասել, որ դա ամբողջ հասարակությունն է: Նույնիսկ այն մարդը, որ չկա «Ֆեյսբուք»-ում, ներառված է տեղեկատվական հոսքերի մեջ: Բայց մենք պետք է ավելի զգուշավոր հասարակություն լինենք, պետք է հաշվի առնենք, որ տեղեկատվական ներազդեցությունները կարող են ունենալ բացասական էֆեկտ»,- ասաց նա:
16:00 22.05.2025
Նախատեսվում է դադարեցնել ընտանի տեսակի կենդանի խոզերի՝ Հայաստանի տարածք ներմուծման ժամանակավոր քանակական սահմանափակումըԳործադիրի որոշմամբ նախատեսվում է դադարեցնել ընտանի տեսակի կենդանի խոզերի՝ Հայաստանի տարածք ներմուծման ժամանակավոր քանակական սահմանափակումը։ Դա թույլ կտա կարգավորել հանրապետության ներքին շուկայում խոզի մսի առաջարկ-պահանջարկ համամասնությունը։ ...
15:52 22.05.2025
2025թ. 1-ին եռամսյակում տրամադրվել է օտարերկրյա պետություններում վավերական ՀՀ քաղաքացու 448 անձնագիրԳործադիրն ընդունել է համապատասխան որոշում՝ առանց պետտուրք գանձելու օտարերկրյա պետություններում ՀՀ քաղաքացու անձնագրեր տրամադրելու վերաբերյալ: Ըստ հիմնավորման՝ օտարերկրյա պետություններում վավերական ՀՀ քաղաքացու անձնագիր տալու կամ փոխանակելու համար պետական տուրքի վճարումից ազատվում են ազգությամբ հայ այն օտարերկրյա քաղաքացիները կամ ՀՀ քաղաքացիները, որոնց մշտական բնակության վայրում (օտարերկրյա պետությունում) ստեղծվել է այնպիսի արտակարգ իրավիճակ, որը սպառնում է քաղաքացիների […] ...
15:45 22.05.2025
ՀՀ-ում մի շարք ապրանքների՝ նույնականացման միջոցներով դրոշմավորման ներդրման ժամկետները կհետաձգվենԳործադիրն ընդունել է որոշում՝ ՀՀ-ում մի շարք ապրանքների՝ նույնականացման միջոցներով դրոշմավորման ներդրման ժամկետները հետաձգելու նպատակով: Հաշվի առնելով դրոշմավորման նոր համակարգի ներդրման հետ կապված աշխատանքների ծավալը և տնտեսվարողների կողմից բիզնես գործընթացների համապատասխանեցման համար անհրաժեշտ ռեսուրսներն ու ժամկետները՝ որոշմամբ առաջարկվում է դրոշմավորման ենթակա այն ապրանքների համար, որոնց դեպքում սահմանված էր 2025 թ. մարտի 1-ից տարբերվող ժամկետ, նույնականացման […] ...
15:37 22.05.2025
Կառավարությունը խրախուսում է ուսանողների առաջադիմությունըԿառավարությունը փոփոխություններ է կատարել նախկինում ընդունած որոշման մեջ. կարգավորումներն ուղղված են ուսանողների առաջադիմության խրախուսմանը: Ըստ հիմնավորման, անհրաժեշտություն է առաջացել կրթաթոշակային քաղաքականության վերանայման՝ մեծացնելով յուրաքանչյուր ուսանողին տրվող կրթաթոշակի չափը և հստակեցնելով կրթաթոշակի տրամադրման պայմաններն ու պահանջները: Բարձրագույն կրթության և գիտության կոմիտեն իրականացրել է ուսանողների առաջադիմության վերլուծություններ՝ Խ.Աբովյանի անվան հայկական պետական մանկավարժական, Հայաստանի ազգային ագրարային, Շիրակի, Գորիսի […] ...
15:33 22.05.2025
Կառավարության և Ազգային ժողովի վարչական շենքերում զանգվածային անկարգությունների մասնակիցներից 9 անձ ձերբակալվել էՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում շարունակվում է 2020 թվականի նոյեմբերի 10-ին Կառավարության և Ազգային ժողովի վարչական շենքերում և այլ վայրերում զանգվածային անկարգություններ կազմակերպելու, դրանց մասնակցելու, զանգվածային անկարգությունների ժամանակ մասնակիցների կողմից իշխանության ներկայացուցիչների օրինական պահանջներին ակտիվորեն չենթարկվելու կամ անձանց նկատմամբ բռնություն կիրառելու կոչերի, իշխանությունը զավթելուն, […] ...
15:30 22.05.2025
Կապահովվի «ՀՀ Սյունիքի մարզի Տաթև համայնքի Սվարանց գյուղի զարգացում» ծրագրի իրականացումըԿառավարությունը տվել է համաձայնություն Սյունիքի մարզի Տաթև համայնքի վարչական սահմաններում գտնվող, համայնքային սեփականություն հանդիսացող, բնակավայրերի նպատակային նշանակության 3.41009 հեկտար մակերեսով բնակելի կառուցապատման հողամասը Թուֆենկյան բարեգործական հիմնադրամին նվիրաբերությամբ տրամադրելուն: Հիմնավորման համաձայն, կարևորելով սահմանամերձ բնակավայրերի համաչափ զարգացումն ապահովելու և ԼՂ-ից տեղահանված ընտանիքների բնակարանային ճգնաժամը մեղմելու անհրաժեշտությունը, Թուֆենկյան բարեգործական հիմնադրամը համագործակցելով Տաթև համայնքի տեղական ինքնակառավարման մարմինների հետ, նախատեսում […] ...
