19:58 08.05.2023
Առաջին անգամ աճեմյանական բեմում էր Կապանի Ա․ Շիրվանզադեի անվան պետական դրամատիկական թատրոնը։ Հյուրախաղը Գյումրիում ընթացող թատերական միջազգային փառատոնի շրջանակներում էր։ Հարավային անհանգիստ սահմանից՝ Սյունիքից, մեկ օրով իրենց մշակույթն էին բերել։ Կապանի թատրոնը գյումրեցի հանդիսատեսին է ներկայացել Վրթանես Փափազյանի «Ժայռը» դրամայով, որը թատրոնի խաղացանկում նոր է։
Առաջնախաղը հայրենի քաղաքում եղել է երկու ամիս առաջ՝ լեփ-լեցուն դահլիճում։ Ստեղծագործական կյանքին չի խանգարում անգամ սահմանային իրավիճակի փոփոխությունն ու լարվածությունը: Լեռնահայաստանում ապրող մարդիկ ամուր կառչած են իրենց հողին:
«Մենք ստեղծագործում ենք, ամեն մարդ իր տեղում է, զինվորը սահմանին է, մենք՝ թատրոնում, ուսուցիչը իր սերունդն է կրթում, մենք էլ որպես ստեղծագործական խումբ սկսել ենք ավելի պատասխանատվորեն վերաբերվել հանդիսատեսին, որովհետև ցանկացած քայլ, ցանկացած գաղափար, որ հնչեցնում ենք, կարևոր է։ Ժողովրդին հիմա ավելի շատ պետք է քաջալերական ինչ -որ խոսք, ժողովրդին պետք է հիշեցնել, որ պետք է ապրել, սիրել ու արարել»,- ShantNews. am-ի հետ զրույցում նշեց Կապանի դրամատիկական թատրոնի ռեժիսոր Քրիստինե Սլոյանը։
Սյունեցիները հերոսական ուղի անցած, պայքարի պատրաստ հայի տեսակն են: Դերասանը, ստեղածագործող մարդու տեսակը անհրաժեշտության դեպքում պատրաստ է հայրենիքը պաշտպանել։
«Սյունեցիք հերոս ժողովուրդ են, ապրել են դարերով և դեռ շարունակելու են ապրել դարերով մեր հողի վրա։ Նրանք և՛ զինվոր են, և՛ մշակույթի ծառաներ Ի դեպ,Կապանի թատրոնում էլ զինվոր տղաներ կան, որ երբ կարիքը կա զենքը ձեռքը վերցնելու, սահմանում կանգնած են, երբ որ խաղաղ է, զբաղվում են մշակույթով»,- շեշտում է ՀՀ վաստակավոր արտիստ Արթուր Կարապետյանը։
Կապանի թատրոնը, Գյումրիի Միջազգային փառատոնը վերջին տարիների ընթացքում հյուրախաղով ներկայանալու լավագույն հնարավորությունն է համարում: Թատերական փառատոնը մշակութային երկխոսության հարթակ է դարձել մարզային, մայրաքաղաքային ու արտերկրի թատրոնների միջև:
Կապանի դրամատիկական թատրոնին գյումրեցի հանդիսատեսն ընդունեց առանձնակի ջերմությամբ, ծափահարում էին Հայաստանի հարավային դարպասն ամուր պահող Սյունյաց երկրի դերասաններին ու ստեղծագործական խմբին։ Սահմնանին ստեղծագործող թատրոնում այս տարի նոր առաջնախաղեր են սպասվում, ծրագրում են ներկայացումներով շրջագայել մարզի սահմանամերձ բնակավայրերում ու քաղաքներում:
08:33 30.04.2025
«Ռեալը» մեծ հարգանքով հրաժեշտ կտա Անչելոտիին
08:25 30.04.2025
Սիրիան աջակցում է պաղեստինցիներին և պահանջում է հրադադար Գազայում․ ԱԳՆՍիրիայի իշխանություններն աջակցում են պաղեստինցիներին եւ պահանջում են Գազայի հատվածում անհապաղ հրադադար հաստատել։ Այս մասին երեքշաբթի օրը հայտարարել է Սիրիայի անցումային կառավարության արտաքին գործերի նախարար Ասադ ալ-Շիբանին՝ ելույթ ունենալով Նյու Յորքում՝ ՄԱԿ-ի Գլխավոր ասամբլեայի անդամների առջև։ «Մենք աջակցում ենք Պաղեստինի ժողովրդին Գազայի հատվածում: Մենք պահանջում ենք Գազայի հատվածում կրակի անհապաղ դադարեցում և մարդասիրական օգնության անխոչընդոտ […] ...
08:16 30.04.2025
ՄԱԿ-ի դատարանը մայիսի 5-ին որոշում կկայացնի ԱՄԷ-ի դեմ Սուդանի ցեղասպանության գործովԱրդարադատության միջազգային դատարանը մայիսի 5-ին որոշում կկայացնի ԱՄԷ-ի դեմ միջանկյալ միջոցների մասին՝ Սուդանի հայցով, որը Աբու Դաբիին մեղադրում է Ցեղասպանության հանցագործությունը կանխելու և պատժելու մասին կոնվենցիան խախտելու մեջ։ Այս մասին ասված է իշխանության հայտարարության մեջ։ Սուդանը մարտին հայց է ներկայացրել ՄԱԿ-ի դատարան՝ մեղադրելով ԱՄԷ-ին Սուդանում, մասնավորապես Արևմտյան Դարֆուր նահանգում բնակվող մասալիթ էթնիկ խմբի նկատմամբ կոնվենցիայի […] ...
08:06 30.04.2025
Թյուրամը ապաքինվել է, Պավարը վնասվածք ստացել․ «Ինտերը»՝ «Բարսելոնայի» հետ խաղից առաջՉեմպիոնների լիգայի կիսաեզրափակչում «Բարսելոնայի» դեմ արտագնա խաղից առաջ «Ինտերի» մեկ ֆուտբոլիստ ապաքինվել է վնասվածքից, իսկ մյուսը՝ վնասվածք ստացել, գրում է La Gazzetta dello Sport-ը: Հարձակվող Մարկուս Թյուրամն ազդրի վնասվածքից հետո ապաքինվել է և ընդհանուր խումբ վերադարձել: Նա բաց էր թողել թիմի նախորդ 3 խաղերը: Հանդիպմանը չի մասնակցի պաշտպան Բենժամեն Պավարը: Ֆրանսիացին վնասվածք է ստացել Ա […] ...
08:00 30.04.2025
Սյունիքի մարզի բարձրադիր գոտիներում մառախուղ էՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ Սյունիքի մարզի բարձրադիր գոտիներում մառախուղ է։ ...
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
