18:39 24.05.2023
Այսօր անցկացվել է Շիրակի մարզի դպրոցների տնօրենների տարեվերջյան խորհրդակցությունը։ Ամփոփվել են 2022-2023 ուսումնական տարվա աշխատանքները, քննարկվել են առաջիկա ավարտական քննությունների կազմակերպչական հարցերը։
Մարզի դպրոցները ուսումնական տարին ամփոփում են օլիմպիադաներում գրանցած բարձր արդյունքներով։ Հանրապետական և միջազգային առարկայական օլիմպիադաների մասնակցած աշակերտներից 4-ն արժանացել է առաջին, 5-ը՝ երկրորդ և 18-ը՝ երրորդ կարգի դիպլոմների։ Այս ցուցանիշով Շիրակի մարզը Հանրապետությունում երկրորդն է։
Հանրապետական առարկայական օլիմպիադաներն անցկացվել են 16 առարկայից: Շիրակցի դպրոցականներն աչքի են ընկել «Հայոց լեզու և գրականություն» առարկայից, անգլերենից, գերմաներենից, ռուսերենից, ինֆորմատիկայից, պատմությունից, հայոց եկեղեցու պատմությունից, քիմիայից, աշխարհագրությունից։ Այսպիսի արդյունքներ գրանցելու ֆոնին մարզի որոշ դպրոցներ ունեն օտար լեզվի և բնագիտական առարկաների դասավանդող ուսուցիչների պակաս, և թափուր հաստիքների համար հայտարարվող մրցույթներին մասնակիցներ չեն լինում։
«Մարզում ունենք դպրոցներ, որտեղ որ բնագիտական առարկաներ, «Մաթեմատիկա» և օտար լեզուներ առարկաները բավականին երկար ժամանակ չի համալրվում։ Մենք մարզում ունենք նաև դպրոց, որտեղ «Ֆիզիկա» և «Աշխարհագրություն» առարկաների դասավանդումը կազմակերպվում է հեռավար եղանակով՝ մենթոր դպրոցի միջոցով։ Հիմա դուք պետք է ոգևորեք ձեր շրջանավարտներին, որ որքան հնարավոր է ընտրեն մանկավարժի մասնագիտությունն ու հենց այս առարկաները»,- իր խոսքում նշել է Շիրակի մարզպետի աշխատակազմի կրթության բաժնի պետ Գևորգ Ղումաշյանը։
Հանրակրթության ոլորտում, նոր կարգի համաձայն, միջին մասնագիտական կրթությամբ մանկավարժները հաջորդ ուսումնական տարվանից այլևս դպրոցներում դասավանդելու իրավունք չեն ունենա։ Կրթության բաժնի պետը դպրոցների տնօրեններին հորդորեց առաջարկել այդ մանկավարժներին մասնակցել կամավոր ատեստավորմանը։
Ուսուցիչներից շատերը նաև մարզի դպրոցներում աշխատում են համատեղությամբ, այս կերպ փորձում են լրացնել մասնագետների պահանջարկը։ Խնդիրն ավելի ակներև է գյուղական դպրոցներում։ Խորհրդակցությանը անդրադարձ կատարվեց նաև հեռավոր գյուղեր երթևեկող ուսուցիչներին և աշակերտներին ուղեվարձի տրամադրմանը։ Հայտարարվեց, որ ամառային արձակուրդների ժամանակ այդ ուսուցիչները ուղեվարձի փոխհատուցում չեն ստանա։ Պարզվում է մարզում 697 ուսուցիչ օգտվում է ուղեվարձի փոխհատուցումից։
Խորհրդակցության վերջում անդրադարձ եղավ այս օրերին ակտուալ համարվող թեմային՝ վերջին զանգի կամ վերջին դասի անցկացմանը։ Ամեն տարվա պես տնօրենները հանձնարարականներ ստացան մեծ ու ճոխ միջոցառումներից հեռու պահել շրջանավարտներին։ Թեև այս ամենին դպրոցները պատրաստվում են ամիսներ առաջ, բայց դրամահավաքության մասին ստացվող ահազանգերի ուսումնասիրություն հիմա են կատարում։
«Մեկ-երկու դիմում նաև մենք ենք ստացել մեր ենթակայության դպրոցներում նման դեպքերի առթիվ։ Մենք հանձնաժողով ենք ձևավորել, ուղարկել ենք ուսումնասիրման ,փորձել ենք մեր լիազորությունների շրջանակներում ճշտել ու պարզել, հանդիպումներ ենք ունեցել նաև ծնողական խորհուրդների հետ, սակայն որպես կանոն չի փաստվել։ Եթե ունեք նման տեղեկատվություն, խնդրում եմ փոխանցեք մեզ, համապատասխան մարմինների հետ կուսումնասիրենք։ Ես մշտապես կոչ եմ անում, որ դպրոցներում բացառեն մնան դրսևորումները»,-լրագրողների հետ ունեցած ճեպազրույցում նշել է Շիրակի մարզպետ Մուշեղ Մուրադյանը։
Շիրակի մարզպետը պատասխանեց նաև դպրոցներում թմրաշրջանառության դեպքերի մասին շրջանառվող լուրերին վերաբերող հարցին։ Վստահեցրեց, որ այս ուղղությամբ համագործակցում են ոստիկանության հետ, և մարզի դպրոցներում արձանագրված փաստացի դեպքեր չկան։
Տարեվերջյան խորհրդակցությունն ավարտվեց ևս մեկ նորամուծության ներկայացմամբ։ Փոխվել է դպրոցների կառավարման մոդելը։ Այսուհետ դպրոցները կունենան երկու տնօրեն, մեկը կստանձնի ուսումնական, մյուսը՝ վարչատնտեսական մասերի ղեկավարումը։ Շիրակի մարզում այս մոդելով աշխատում է արդեն 9 դպրոց։
08:43 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:33 30.04.2025
«Ռեալը» մեծ հարգանքով հրաժեշտ կտա ԱնչելոտիինԿառլո Անչելոտին այս ամռանը կհեռանա «Ռեալից», մադրիդյան ակումբը ցանկանում է նրան հրաժեշտ տալ մեծ հարգանքով, հաղորդում է Relevo-ն: Իտալացուն կվճարվի նրա պայմանագրով սահմանված ամբողջ աշխատավարձը, և նա կստանա ակումբի ցմահ դեսպանի դեր մարզչական կարիերան ավարտելուց հետո։ «Ռեալը» հստակեցրել է, որ չի խանգարի 65-ամյա մասնագետի` Բրազիլիայի հավաքականը գլխավորելուն։ Ֆլորենտինո Պերեսը ցանկանում է, որ մարզիչը հեռանա լիակատար […] ...
08:25 30.04.2025
Սիրիան աջակցում է պաղեստինցիներին և պահանջում է հրադադար Գազայում․ ԱԳՆՍիրիայի իշխանություններն աջակցում են պաղեստինցիներին եւ պահանջում են Գազայի հատվածում անհապաղ հրադադար հաստատել։ Այս մասին երեքշաբթի օրը հայտարարել է Սիրիայի անցումային կառավարության արտաքին գործերի նախարար Ասադ ալ-Շիբանին՝ ելույթ ունենալով Նյու Յորքում՝ ՄԱԿ-ի Գլխավոր ասամբլեայի անդամների առջև։ «Մենք աջակցում ենք Պաղեստինի ժողովրդին Գազայի հատվածում: Մենք պահանջում ենք Գազայի հատվածում կրակի անհապաղ դադարեցում և մարդասիրական օգնության անխոչընդոտ […] ...
08:16 30.04.2025
ՄԱԿ-ի դատարանը մայիսի 5-ին որոշում կկայացնի ԱՄԷ-ի դեմ Սուդանի ցեղասպանության գործովԱրդարադատության միջազգային դատարանը մայիսի 5-ին որոշում կկայացնի ԱՄԷ-ի դեմ միջանկյալ միջոցների մասին՝ Սուդանի հայցով, որը Աբու Դաբիին մեղադրում է Ցեղասպանության հանցագործությունը կանխելու և պատժելու մասին կոնվենցիան խախտելու մեջ։ Այս մասին ասված է իշխանության հայտարարության մեջ։ Սուդանը մարտին հայց է ներկայացրել ՄԱԿ-ի դատարան՝ մեղադրելով ԱՄԷ-ին Սուդանում, մասնավորապես Արևմտյան Դարֆուր նահանգում բնակվող մասալիթ էթնիկ խմբի նկատմամբ կոնվենցիայի […] ...
08:06 30.04.2025
Թյուրամը ապաքինվել է, Պավարը վնասվածք ստացել․ «Ինտերը»՝ «Բարսելոնայի» հետ խաղից առաջՉեմպիոնների լիգայի կիսաեզրափակչում «Բարսելոնայի» դեմ արտագնա խաղից առաջ «Ինտերի» մեկ ֆուտբոլիստ ապաքինվել է վնասվածքից, իսկ մյուսը՝ վնասվածք ստացել, գրում է La Gazzetta dello Sport-ը: Հարձակվող Մարկուս Թյուրամն ազդրի վնասվածքից հետո ապաքինվել է և ընդհանուր խումբ վերադարձել: Նա բաց էր թողել թիմի նախորդ 3 խաղերը: Հանդիպմանը չի մասնակցի պաշտպան Բենժամեն Պավարը: Ֆրանսիացին վնասվածք է ստացել Ա […] ...
08:00 30.04.2025
Սյունիքի մարզի բարձրադիր գոտիներում մառախուղ էՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ Սյունիքի մարզի բարձրադիր գոտիներում մառախուղ է։ ...