15:38 13.06.2023
Հունիսի 13-ի հերթական նիստում Ազգային ժողովը քննարկել է ««Եվրասիական վերաապահովագրական ընկերության հիմնադրման մասին» համաձայնագիրը վավերացնելու մասին» օրենքի նախագիծը:
Ըստ հիմնական զեկուցող ՀՀ էկոնոմիկայի նախարար Վահան Քերոբյանի՝ 2022 թվականի հոկտեմբերին Երեւանում ստորագրված համաձայնագիրը մշակվել է բազմակողմ միջազգային պայմանագրի ձեւաչափով եւ նախատեսում է ստեղծել Եվրասիական վերաապահովագրական ընկերություն, որը միջազգային իրավունքի սուբյեկտ հանդիսացող միջազգային ֆինանսական կազմակերպություն է՝ իր իրավասության շրջանակում միջազգային պայմանագրեր կնքելու իրավունքով:
Նշվել է, որ համաձայնագրով սահմանվում են ընկերության խնդիրները, գործառույթները եւ այլն: Ամրագրված է երրորդ երկրների եւ միջազգային ֆինանսական կազմակերպությունների անդամակցության, ինչպես նաեւ անդամակցության դադարեցման կարգը:
Նախարարի հավաստմամբ ընկերության նպատակն է արտահանման վարկերը, արտահանմանն ուղղված ֆինանսավորումը եւ ներդրումները վերաապահովագրել ԵԱՏՄ անդամ պետություններում եւ երրորդ երկրներում:
Էկոնոմիկայի նախարարը նշել է, որ Հայաստանը նորաստեղծ վերաապահովագրական ընկերությանը կմասնակցի երեք տոկոսի չափով՝ ներդնելով 450 մլն ռուբլի: Նա փաստել է, որ հիմնական նպատակներից է աջակցել հայ արտահանողներին:
Ըստ նախարարի՝ միակ միջազգային ընկերությունն է, որն իր գործունեությունը ծավալելու է Երեւանում, ինչը մեծ ձեռքբերում է:
Վահան Քերոբյանը պատասխանել է պատգամավորների հարցերին, որոնք առնչվել են ընկերության գործառույթներին:
ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը հետաքրքրվել է Հայաստանի արտահանման ապահովագրական գործակալության գործունեությամբ, թե վերջին տարիներին գործնականում որքան օգուտ է տվել:
Ի պատասխան՝ Վահան Քերոբյանը տեղեկացրել է, որ գործակալությունը հիմնադրվել է 2013 թվականին՝ 1 մլրդ 950 մլն դրամ սկզբնական կապիտալով: Ներկա դրությամբ կապիտալը շուրջ 2.5 մլրդ դրամ է, որովհետեւ շահույթ է կուտակվել: Ըստ նախարարի՝ 2021 թվականին էական աճ է գրանցվել ապահովագրական գործարքներում: 2020 թվականին շուրջ 20 մլրդ դրամի գործարքներ են ապահովագրվել, իսկ 2021 թվականին՝ 36 մլրդ, գրանցվել է մոտ 80 տոկոս աճ: Նախարարի հավաստմամբ 2022 թվականին, պայմանավորված մի շարք խնդիրներով, գրանցվել է անկում: Գտնվել է միջանկյալ որոշում՝ տեղական ապահովագրական կազմակերպություններից մեկի միջոցով իրականացնել ապահովագրական գործարքները: Սակայն, ըստ նախարարի, լուծումն ազգային վերաապահովագրական ընկերության ստեղծումն է: Նախարարը կարծիք է հայտնել, որ ընկերության ստեղծումով կգերազանցեն 2021 թվականի ծավալները:
Հարակից զեկուցող, ԱԺ տարածաշրջանային եւ եվրասիական ինտեգրման հարցերի մշտական հանձնաժողովի անդամ Միքայել Թումասյանը, ներկայացնելով գլխադասային հանձնաժողովի դրական եզրակացությունը, փաստել է, որ համաձայնագիրը ստորագրվել է Հայաստանի, Բելառուսի, Ղազախստանի, Ղրղըզստանի հանրապետությունների եւ Ռուսաստանի Դաշնության միջեւ:
16:40 09.05.2025
Հրդեհ բեռնատարի բեռնախցիկում17:30 09.05.2025
Պեսկովը Վուչիչի և Ֆիցոյի՝ Մոսկվա այցը հերոսության դրսևորում է անվանելՍերբիայի նախագահ Ալեքսանդր Վուչիչի և Սլովակիայի վարչապետ Ռոբերտ Ֆիցոյի՝ Մոսկվա ժամանումը՝ Հաղթանակի 80-ամյակը նշելու համար, հերոսության ակտ է։ Այս մասին Առաջին ալիքի եթերում հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Մեր ժամանակներում, եթե խոսենք Վուչիչի և Ֆիցոյի մասին, սա պարզապես հերոսության նման մի արարք է։ Հերոսության արարք, իսկապես, որովհետև չնայած այս բացահայտ, անզուսպ ճնշմանը, […] ...
17:20 09.05.2025
Մակրոնը պատմել է Թրամփի հետ իր երեկվա զրույցի մասինՖրանսիայի նախագահ Էմանուել Մակրոնը հայտարարել է, որ նախորդ երեկոյան «մի քանի անգամ» զրուցել է ԱՄՆ առաջնորդ Դոնալդ Թրամփի հետ, և կողմերը քննարկել են ուկրաինական հակամարտության կարգավորումը։ Ավելի վաղ Թրամփն առաջարկել էր հակամարտության կողմերին 30 օր փոխադարձաբար ձեռնպահ մնալ էներգետիկ ենթակառուցվածքների օբյեկտներին հարվածելուց։ Ռուսաստանի նախագահ Վլադիմիր Պուտինը հավանություն էր տվել այս նախաձեռնությանը։ Վլադիմիր Զելենսկին հայտարարել էր, […] ...
17:10 09.05.2025
«Ինտերի» դարպասապահը՝ Չեմպիոնների լիգայի շաբաթվա լավագույն ֆուտբոլիստ«Ինտերի» դարպասապահ Յան Զոմերը ճանաչվել է Չեմպիոնների լիգայի շաբաթվա լավագույն ֆուտբոլիստ։ Այս մասին հայտնում է ՈՒԵՖԱ-ի մամուլի ծառայությունը: Շաբաթվա լավագույնի կոչման համար պայքարում միլանցիների դարպասապահը առաջ է անցել ֆրանսիական ՊՍԺ-ի մարոկացի պաշտպան Աշրաֆ Հակիմիից: ...
16:55 09.05.2025
Հրդեհ առևտրաժամանցային կենտրոնի տանիքումՄայիսի 9-ին, ժամը 16։03-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի «Ռիո Մոլ» առևտրաժամանցային կենտրոնի տանիքից ծուխ է նկատվում։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ, Հրդեհաշիջման և փրկարարական աշխատանքների կազմակերպման բաժնի հերթապահ խմբերը։ Ըստ նախնական տվյալների՝ […] ...
16:48 09.05.2025
Վարչապետը հանդիպել է վետերաններին և շնորհավորել տոնական օրվա առիթովՎարչապետ Նիկոլ Փաշինյանը Մոսկվայում հանդիպել է վետերաններ Խաչիկ Հովակիմյանին և Վոլոդյա Գսպոյանին: Նրանք այստեղ են ժամանել Երևանից և ներկա գտնվել Կարմիր հրապարակում հաղթանակի 80-րդ տարեդարձին նվիրված զորահանդեսին: Վարչապետը շնորհավորել է վետերաններին տոնական օրվա առիթով, զրուցել նրանց հետ և մաղթել քաջառողջություն: ...
16:40 09.05.2025
Հրդեհ բեռնատարի բեռնախցիկումՄայիսի 9-ին, ժամը 12:34-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Շիրակի խճուղու 21 հասցեի մոտակայքում այրվում է բեռնատար ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է «Renault» մակնիշի բեռնատարի բեռնախցիկում։ Հրդեհը մեկուսացվել է ժամը 13։13-ին, մարվել՝ 13։25-ին։ Բեռնախցիկում մասամբ այրվել է խոհանոցային պարագաներով մոտ 100 արկղ։ ...