10:50 11.07.2023
Հայաստանի պետական սիմֆոնիկ նվագախմբի և AMAA-ի Ավետիսյան դպրոցի միջև ստորագրվել է համագործակցության հուշագիր։ Ըստ հուշագրի` «ԴասA» ծրագրի շրջանակում Հայաստանի պետական սիմֆոնիկ նվագախումբն Ավետիսյան դպրոցում կիրականացնի երաժշտական դասընթացներ չորս փուլով, կկազմակերպվեն նաև աշակերտների այցելություններ դասական երաժշտության համերգների։
Երաժիշտները կրթօջախի սաների հետ հանդիպումների ընթացքում կներկայացնեն սիմֆոնիկ նվագախմբի կառուցվածքը, երաժշտական կազմը, գործիքակազմը, դիրիժորի աշխատանքը, համաշխարհային և հայ կոմպոզիտորների կյանքի մասին հետաքրքիր դրվագներ, դասական երաժշտության համերգների ժամանակ ընդունելի վարքականոնը: Աշակերտները հնարավորություն կստանան ինտերակտիվ խաղերի միջոցով ծանոթանալ երաժշտական գործիքների հետ, ինչպես նաև նվագել: Իսկ համերգների ընթացքում կենդանի կատարմամբ կունկնդրեն Հայաստանի պետական սիմֆոնիկ նվագախմբի համերգային ելույթները:
«ԴասA» կրթամշակութային ծրագիրը Հայաստանի պետական սիմֆոնիկ նվագախումբն իրականացնում է ՀՀ կրթության, գիտության, մշակույթի և սպորտի նախարարության աջակցությամբ 2018 թվականից։ Այն մեծ արձագանք է ստացել աշակերտների, նրանց ծնողների և ուսուցիչների շրջանում։ Ծրագրի շրջանակում 2023թ. նախատեսվում է այցելել 36 դպրոց. 30-ը՝ Երևանում, 6-ը՝ մարզերում։ Կազմակերպիչներն արդեն իսկ այցելել են Երևանի 16, մարզերի (Լոռու, Արմավիրի, Կոտայքի) 3 դպրոց: 7724 աշակերտ ներգրավված է եղել ծրագրում:
Ամերիկայի Հայ Ավետարանչական ընկերակցության (AMAA) Խորեն և Շուշանիկ Ավետիսյան դպրոց և համայնքային կենտրոնը կրթական հաստատություն է, որը տրամադրում է 12-ամյա բարձրորակ, համակողմանի և անվճար կրթություն։
Դպրոցի շենքի ժամանակակից ճարտարապետությունը դյուրացնում և բարելավում է
ուսումնական գործընթացը։ Կրթահամալիրն արժանացել է «LEED Արծաթ» հավաստագրի՝ որպես բնապահպանական պահանջներին համապատասխանող նախագիծ և տարածաշրջանում նման եզակի կառույցներից մեկը։
Նորագույն տեխնոլոգիաներով հագեցած այս դպրոցն աջակցում է Երևանի Հարավարևմտյան թաղամասի՝ գլխավորապես ցածր եկամուտ ունեցող համայնքին։
AMAA-ի առաքելությունը հասարակության խոցելի խմբերին անհրաժեշտ գործիքակազմով զինելն է՝ դառնալու բազմակողմանի զարգացած քաղաքացիներ և իրացնելու սեփական ներուժը։ Վերջին չորս տարիների ընթացքում կրթահամալիրի ավագ դպրոցն ունեցել է 111 շրջանավարտ, որոնց 100%-ը կրթությունը շարունակել է երկրի առաջատար բուհերում։
14:17 01.05.2025
Ինչպիսի եղանակ է սպասվում առաջիկա օրերին
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
