14:08 28.08.2018
ԱԺ փոխխոսնակ Միքայել Մելքումյանը Սևանից լրացուցիչ ջրառի մասին հարցի քննարկման ժամանակ դիմեց հիմնական զեկուցող, Ջրային կոմիտեի նախագահ Ինեսա Գաբայանին՝ ասելով, որ նա պետք է կարողանա քաղաքական գնահատական հնչեցնել՝ տարիներ շարունակ Սևանա լճից ջրի բացթողնման անհրաժեշտությունն արդյո՞ք կապված է նախորդ տարիներին սխալ մենեջմենթի, բյուջեի անարդյունավետ ծախսման հետ:
«Սևանա լճի էկոլոգիական խնդիրները պետք չէ հակադրել գյուղացիական տնտեսությունների պրոբլեմների հետ, դրա համար կա պետություն, որը պետք է կարգավորի: Վերջին տարվա ընթացքում ներդրումներ կատարվե՞լ են կորուստների իջեցման մեջ, թե՞ նույնն է կամ ավելանում է: Պետական կառավարման համակարգը ինչպե՞ս է արձագանքում իր գործիքներով»,- ասաց նա:
Գաբայանը նշեց, որ կան օբյեկտիվ և սուբյեկտիվ կողմեր. երբ սահմանվում էր լրացուցիչ ջրառի 170 մլն խմ ծավալը, այդ տարի դեռ ունեինք Սևջուր գետը, որը տարեկան տալիս էր 90 մլն խմ ջուր, սակայն այսօր գոյություն չունի, այդտեղ միայն կոյուղաջրեր են հոսում:
«Մենք ունեինք Արփա-Սևան թունելով 250-260 մլն խմ ջրի՝ դեպի Սևան տեղափոխում, այսօր միջինը տեղափոխում ենք 100 – 110 մլն խմ, այս ամենը հանգեցնում է այն պարզ ընդհանրացմանը, որ մոտ 250 մլն խմ՝ այն օրվանից, երբ սահմանվել էր 170 մլն-ը, այսօր համակարգում պակասում է, ես էլ չեմ նշում մնացած կորուստները, օրինակ, Ախուրյանի ջրամբարում, քանի որ Թուրքիայում կառուցվում են ջրամբարներ, և ավազանի ջրերը Թուրքիայից դեպի Ախուրյանի ջրամբար կրճատվել են: Կորուստները ավելացե՞լ են արդյոք. եթե որպես ուղղակի մասնագետի՝ իմ կարծիքը հարցնեք, կարող եմ ասել՝ ավելացել են»,- նշեց նա:
Մելքումյանը կրկին հիշեցրեց՝ իրեն առավելապես հետաքրքրում էր հարցի առաջին մասը՝ Կոմիտեի նախագահի քաղաքական գնահատականը, որովհետև ԱԺ ամբիոնը քաղաքական ամբիոն է: Նա նաև հետաքրքրվեց՝ արդյո՞ք օրենսդրական փոփոխությունների կարիք կա: Գաբայանն արձագանքեց, որ Ջրային օրենսգիրքը վերանայելու կամ թեկուզ նորը մշակելու կարիք կա: Նա նաև նշեց՝ որպեսզի լուծեն Սևանի խնդիրը, բազմաթիվ այլ խնդիրներ կան դեռ լուծելու: Կոմիտեի նախագահի խոսքով՝ իրենք չեն կարող պնդել, որ այսօր կամ վաղը ոռոգման համար չեն դիմելու Սևանին, քանի որ այստեղ մի շարք խնդիրներ կան:
17:40 02.05.2025
Ռոբերտ Աբիսողոմոնյանը հանդիպել է ՄԱԿ բարձր հանձնակատարի՝ գործողությունների հարցերով փոխտեղակալի հետՄայիսի 2-ին Ժնևում՝ ՄԱԿ Համընդհանուր պարբերական դիտարկման 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել Փախստականների հարցերով ՄԱԿ բարձր հանձնակատարի գրասենյակի` գործողությունների հարցերով փոխտեղակալ Ռաուֆ Մազուի հետ: ՀՀ ԱԳ նախարարի տեղակալը բարձր է գնահատել Հայաստանի և Փախստականների հարցերով ՄԱԿ բարձր հանձնակատարի գրասենյակի միջև ձևավորված արդյունավետ համագործացկությունը, մասնավորապես՝ […] ...
17:24 02.05.2025
Ավտոմեքենան ընկել է Դեբեդ գետը. փրկարարները որոնում են ավտոմեքենայում գտնված քաղաքացունՄայիսի 2-ին՝ ժամը 15:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ ավտոմեքենան դուրս է եկել ճանապարհի երթևեկելի հատվածից և ընկել Դեբեդ գետը․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ և չորս օպերատիվ խումբ: Ըստ նախնական տվյալների՝ ավտոմեքենայում գտնվել է երկու […] ...
17:18 02.05.2025
Մ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է. վարչապետՄ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել: ...
17:10 02.05.2025
Կիպրոսում Հայաստանի դեսպանն իր հավատարմագրերն է հանձնել երկրի նախագահինՄայիսի 2-ին Կիպրոսի Հանրապետությունում Հայաստանի Հանրապետության արտակարգ և լիազոր դեսպան Իննա Թորգոմյանն իր հավատարմագրերն է հանձնել Կիպրոսի նախագահ Նիկոս Խրիստոդուլիդեսին։ Ողջունելով և շնորհավորելով նորանշանակ դեսպանին պաշտոնը ստանձնելու կապակցությամբ` նախագահը հաջողություն և արդյունավետ առաքելություն է մաղթել` ընդգծելով Հայաստանում և Կիպրոսում նստավայր դեսպանների նշանակման կարևորությունը` ի նպաստ երկու երկրների միջև սերտ հարաբերությունների առավել զարգացման: Նախագահ Խրիստոդուլիդեսը գոհունակությամբ […] ...
17:00 02.05.2025
38-ամյա տղամարդու մոտ թմրանյութ և դանակ է հայտնաբերվելՀամայնքային ոստիկանության Կենտրոնական բաժնի ծառայողները մայիսի 1-ին, ապօրինի թմրանյութ պահելու և օգտագործելու կասկածանքով, ձերբակալել և բաժին են տեղափոխել Երևանի բնակիչ 38-ամյա տղամարդու: Նրա անձնական խուզարկությամբ հայտնաբերվել են մենտամֆետամին տեսակի թմրամիջոցի նմանվող բյուրեղանման զանգված և դանակ: 38-ամյա տղամարդը և կազմված փաստաթղթերը ներկայացվել են նախաքննական մարմին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
16:53 02.05.2025
Արդարադատության նախարարության գլխավոր քարտուղարն ու Քրեակատարողական ծառայության պետն այցելել են «Սևան» և «Աբովյան» ՔԿՀ-ներԱրդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ «Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից […] ...
