17:00 14.09.2023
Արդարադատության նախարարի տեղակալ Կարեն Կարապետյանն ընդունել է Եվրոպայի խորհրդի «Ժողովրդավարություն՝ իրավունքի միջոցով» եվրոպական հանձնաժողովի և ԵԱՀԿ-ԺՀՄԻԳ ներկայացուցիչների պատվիրակությանը՝ ԵԽ Երևանի գրասենյակի ղեկավար Մարտինա Շմիդտի գլխավորությամբ։
Կարեն Կարապետյանը կարևորել է ԵԽ-ի հետ ռազմավարական համագործակցությունը, մասնավորապես ընդգծվել է Վենետիկի հանձնաժողովի աջակցությունը ՀՀ օրենսդրության բարելավմանն ուղղված աշխատանքների շրջանակներում՝ նախկինում ԵԱՀԿ-ԺՀՄԻԳ-ի իրականացրած մի շարք ուսումնասիրությունների և տրամադրված եզրակացությունների համար, որոնք հանդիսացել են պետական իրավական կառուցակարգի ուղենիշ։
ԵԱՀԿ-ԺՀՄԻԳ ներկայացուցիչների հետ քննարկվել Է ՀՀ ընտրական օրենսգրքում և հարակից օրենքներում փոփոխություններ և լրացումներ նախատեսող օրենսդրական նախագծերի փաթեթը։
2023թ. հուլիսի 12-ին Արդարադատության նախարարությունը Վենետիկի հանձնաժողով է ներկայացրել «Հայաստանի Հանրապետության ընտրական օրենսգրքում լրացումներ և փոփոխություններ կատարելու մասին» և հարակից օրենքներում փոփոխություններ և լրացումներ կատարելու մասին օրենքների նախագծերը՝ խնդրելով Հանձնաժողովից խորհրդատվական կարծիք տրամադրել փաթեթի վերաբերյալ:
Հանդիպման ընթացքում առանձնակի քննարկվել են վերոնշյալ փաթեթի վերաբերյալ որոշ հարցեր՝ ընտրական իրավունքի սկզբունքների, ինչպես նաև ընտրողների ցուցակներին ներկայացվող պահանջների և անձնական տվյալների հրապարակայնության օրինականության տեսանկյունից։ Անդրադարձ է կատարվել նաև ընտրությունների նշանակման և անցկացման դրույթներին՝ արտակարգ և ռազմական դրության դեպքում։
Վենետիկի հանձնաժողովի ներկայացուցիչները բարձր են գնահատել Արդարադատության նախարարության հետ ունեցած համագործակցությունը և ընդգծել նախարարության կողմից ցուցաբերած ուշադրությունը Հանձնաժողովի կողմից ներկայացված կարծիքների նկատմամբ։
Կողմերը երկուստեք հույս են հայտնել, որ համագործակցության արդյունքում շարունակվելու են Հայաստանում դատական իշխանության անկախության ամրապնդման և ժողովրդավարական ինստիտուտների զարգացման գործընթացները։
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
