22:28 04.10.2023
Ադրբեջանի նախագահ Իլհամ Ալիևը հրաժարվել է հոկտեմբերի 5-ին մեկնել Իսպանիայի Գրանադա քաղաք, որտեղ պետք է կայանար Հայաստանի վարչապետի հետ հանդիպումը: Այդ մասին է հայտնում ադրբեջանական APA գործակալությունը։
Ո՞րն է Ալիևի հրաժարվելու պատճառը, իրականում ի՞նչ է նշանակում այդ այցի չեղարկումը: Թեմային «Հորիզոնի» տաղավարում անդրադարձել է Արտյոմ Երկանյանը։
«Հիշեցնեմ՝ այդ հանդիպումը պետք է հնգակողմ լիներ, և միջնորդի դերում պետք է հանդես գային ԵՄ, Ֆրանսիայի և Գերմանիայի առաջնորդները: Եվ Բաքվի՝ այս հանդիպումը չեղարկելու պատճառաբանությունը հետևյալն է՝ մեջբերեմ. «Ֆրանսիայի դեստրուկտիվ հայամետ դիրքորոշումը և 2-րդը այն, որ Փարիզն ու Բեռլինը չեն համաձայնել, որ այս հանդիպմանը միջնորդի դերում հանդես գա նաև Թուրքիայի նախագահ Էրդողանը»:
Այս վերջին պատճառաբանությունն էլ ավելի զարմանալի է՝ հաշվի առնելով այն, որ բանակցությունների ոչ մի փուլում, համենային դեպս մեզ հայտնի չէ, որ Թուրքիայի որևէ մասնակցությունը քննարկված լինի:
Հետաքրքիր է, որ Թուրքիայի նախագահ Էրդողանը նույնպես չեղարկել է իր այցը Գրանադա, բայց այս դեպքում պատճառաբանել է, որ վատառողջ է: Ընդ որում՝ չի բացառվում, որ վատառողջ լինելու մասին այս պաշտոնական վարկածը իսկապես համապատասխանում է իրականությանը, քանի որ չեղարկվել են նաև Թուրքիայի մեջլիսում իշխող կուսակցության խորհրդարանական հանձնաժողովի այն հատուկ նիստը, որին պետք է մասնակցեր և ելույթ ունենար նաև Էրդողանը:
Միգուցե չի բացառվում, որ Ալիևը հաշվի է առել այն, որ Գրանադայում չի լինելու իր «ավագ եղբայրը», իսկ առանց վերջինիս, իր դիրքերն ավելի թույլ են լինելու և դա ևս հաշվի է առել որոշումը կայացնելիս:
Այս հարցում մեզ համար կա երկու լուր, և ինչպես ասում են՝ մեկը լավ, մյուսը՝ վատ. լավ լուրը մեզ համար այն է, որ ակնհայտ է դառնում, որ Բաքվի վրա եվրոպացիների կողմից իսկապես լուրջ ճնշում է գործադրվում, այսինքն՝ Ալիևի դուրը չի գալիս այն հունը, որով զարգանում են բանակցությունները: Բեռլինում, Փարիզում, Բրյուսելում գիտակցում են, որ անհրաժեշտ է Ալիևին իր տեղը ցույց տալ և սահմանափակել ու ճնշում գործադրել:
Դե իսկ վատ լուրը մեզ համար այն է, որ Ալիևը դեռևս ունի այդ ճնշմանը դիմանալու ռեսուրս։
Այս հարցում Ալիևը զգում է Անկարայի և Մոսկվայի աջակցությունը, չեմ կասկածում, որ այս հանդիպումը չեղարկելու որոշումը Ալիևը առնվազն համաձայնեցրել է Մոսկվայի հետ, չի բացառվում նաև այն, որ այս որոշում պարտադրված է եղել Մոսկվայի կողմից»,-ասել է Երկանյանը:
Ի՞նչ զարգացումներ սպասել բանակցություններում: Մանրամասները՝ ամբողջական հարցազրույցում:
10:25 01.05.2025
Այնթապ բնակավայրում գործարկվելու է էլեկտրական շչակ
10:17 01.05.2025
Տարադրամի փոխարժեքները մայիսի 1-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387.50 դրամ, վաճառքի նվազագույն արժեքը՝ 390.5 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․7 դրամ, վաճառքի նվազագույն արժեքը՝ 4․85 դրամ: ...
10:00 01.05.2025
Հնդկաստանի ԱԳՆ-ը հայտարարել է, որ Պահալգամի վրա հարձակման կասկածյալները պետք է պատժվենՀնդկաստանի արտաքին գործերի նախարար Սուբրահմանյամ Ջայշանքարը ԱՄՆ պետքարտուղար Մարկո Ռուբիոյի հետ զրույցում ասել է, որ Պահալգամում (Հնդկական Ջամու և Քաշմիր արհմիության տարածք) ահաբեկչության հեղինակները պետք է պատժվեն։ «Երեկ ԱՄՆ պետքարտուղար Մարկո Ռուբիոյի հետ քննարկել ենք Պահալգամի հարձակումը։ Դրա մեղավորներն ու կազմակերպիչները պետք է պատասխանատվության ենթարկվեն», -գրել է Ջայշանքարը X-ում։ Չորեքշաբթի օրը Պետդեպարտամենտը հայտնել է, որ […] ...
09:50 01.05.2025
ՄԱԿ-ը հայտնել է, որ Գազայում երեխաների 92%-ը չունի հիմնական սնունդԳազայի հատվածում 6 ամսականից մինչև 2 տարեկան նորածինների ավելի քան 90%-ին հասանելի չէ հիմնական սնունդը: Այս մասին, ինչպես հաղորդում է WAFA պաղեստինյան լրատվական գործակալությունը, հայտարարել է պաղեստինյան տարածքներում ՄԱԿ-ի հումանիտար հարցերի համակարգման գրասենյակը։ Ըստ այդմ՝ Իսրայելի շարունակվող շրջափակման և անցակետերի փակման հետևանքով Գազայի հատվածում թերսնվածության պատճառով բուժվող երեխաների թիվը 2025 թվականի մարտի համեմատ աճել է […] ...
09:40 01.05.2025
ԱՄՆ-ը և Ուկրաինան համաձայնագիր են ստորագրել Վերակառուցման ներդրումային հիմնադրամ ստեղծելու մասինԱՄՆ-ի և Ուկրաինայի միջև օգտակար հանածոների վերաբերյալ գործարքի կնքումը նպատակ ունի ցույց տալ Վաշինգտոնի հավատարմությունը ուկրաինական ճգնաժամի կարգավորման խաղաղ գործընթացին։ Այս մասին ասված է ԱՄՆ ֆինանսների նախարար Սքոթ Բեսենտի հայտարարության մեջ։ «Այս համաձայնագիրը հստակ ուղերձ է ուղարկում Ռուսաստանին, որ Թրամփի վարչակազմը հավատարիմ է խաղաղ գործընթացին, որը կենտրոնացած է ազատ, ինքնիշխան և երկարաժամկետ բարգավաճ Ուկրաինայի վրա։ […] ...
09:35 01.05.2025
Թրամփը հայտնել է, որ ավելի քան 100 երկրներ բանակցում են ԱՄՆ-ի հետ առևտրային գործարքների շուրջԱՄՆ նախագահ Դոնալդ Թրամփը հայտարարել է, որ ավելի քան 100 երկրներ, այդ թվում՝ Հնդկաստանը, Ճապոնիան և Կորեայի Հանրապետությունը, քննարկում են Միացյալ Նահանգների հետ առևտրային գործարքները։ Այս թվերը նա հայտնել է չորեքշաբթի NewsNation հեռուստաալիքի եթերում։ «Մենք արդեն ունենք հարյուրից ավելի երկրներ, որոնք մեզ զանգահարում են առավոտյան, կեսօրին և գիշերը՝ հույս ունենալով գործարք կնքել»,-ասել է ամերիկացի առաջնորդը։ […] ...
09:33 01.05.2025
Աշխատանքն այն հիմնաքարն է, որի վրա կառուցվում է ինչպես մեր անձնական, ընտանեկան բարեկեցությունը, այնպես էլ պետության առաջընթացն ու բարգավաճումը․ ՀՀ նախագահՆախագահ Վահագն Խաչատուրյանը շնորհավորական ուղերձ է հղել Աշխատանքի օրվա կապակցությամբ, որում ասված է․ «Սիրելի հայրենակիցներ, Հարգելի աշխատավորներ, Ջերմորեն շնորհավորում եմ բոլորիդ Մայիսի 1-ի՝ Աշխատանքի և աշխատավորի միջազգային օրվա կապակցությամբ: Այս օրը մեզ հնարավորություն է տալիս գնահատելու և արժևորելու աշխատանքի դերը մեր կյանքում, հասարակության զարգացման մեջ և պետականության ամրապնդման գործում: Աշխատանքն այն հիմնաքարն է, որի վրա […] ...
