16:54 23.10.2023
ԱԺ աշխատանքի եւ սոցիալական հարցերի մշտական հանձնաժողովի նախագահ Հերիքնազ Տիգրանյանը հոկտեմբերի 23-ին հանդիպել է Ազգային ժողովրդավարության ինստիտուտի (NDI) կանանց հզորացման ծրագրերի ղեկավար Լաուրա Սիմոնյանի, Ազգային ժողովրդավարության ինստիտուտի «Կատարինե» կանանց քաղաքական առաջնորդության ծրագրի շրջանավարտ, «Հանուն իրավահավասարության» իրավապաշտպան հասարակական կազմակերպության նախագահ Մանուշ Մարալչյանի եւ Գենդերային հարցերով իրավաբան-փորձագետ Ստելլա Չանդիրյանի հետ:
Հյուրերը ներկայացրել են «Հայաստանում երեխայի նկատմամբ ալիմենտային պարտավորությունների կատարման իրավական կարգավորումների եւ գործնական հիմնախնդիրների վերաբերյալ» հայեցակարգը: Նշվել է, որ ներպետական օրենսդրությամբ ամրագրված են երեխայի ապրուստը հոգալու ծնողների պարտականությունները, ալիմենտ վճարելու, բռնագանձելու կարգն ու պայմանները: Գործնականում բազմաթիվ են դեպքերը, երբ առկա է ալիմենտի վճարման մասին դատական ակտը, սակայն կա այդ դատական ակտի կատարման անհնարինություն: Նշվել է, որ հարցի առնչությամբ պետական պաշտոնական վիճակագրություն առկա չէ: Ալիմենտային պարտավորությունների չարամտորեն չկատարումը ենթակա է քրեական պատասխանատվության, սակայն այդ լուծմամբ, ըստ բանախոսների, չի վերանում այն խնդիրը, որ երեխան զրկվում է ալիմենտից: Հայեցակարգով առաջարկվում է ստեղծել ալիմենտային ֆոնդ: Պետությունն այդ ֆոնդից ալիմենտ է վճարելու այն ծնողին, ում հետ բնակվում է երեխան` հետագայում մյուս ծնողից բռնագանձելու պայմանով:
Հերիքնազ Տիգրանյանը որոշումների ընդունման հիմքում կարեւորել է հստակ վերլուծության եւ վիճակագրության առկայությունը, որն օրենսդրին կներկայացնի անաչառ գնահատված իրավիճակը եւ կհիմնավորի օրենսդրական կարգավորման նպատակահարմարությունն ու անհրաժեշտությունը: Հանձնաժողովի նախագահն անհրաժեշտ է համարել ՀԿ-ների փորձագիտական ներուժի արդյունավետ օգտագործումը՝ նշելով, որ վերջիններիս հետազոտությունները կարող են օրենսդրական նախաձեռնության հիմք հանդիսանալ: «Բոլոր ձեւակերպումների հիմքում երեխայի լավագույն շահը պետք է լինի»,- արձանագրել է նա:
Հերիքնազ Տիգրանյանը հայեցակարգն իր գլխավորած հանձնաժողովի անդամների, իրավասու մյուս հանձնաժողովների ու Կառավարության գործընկերների հետ քննարկելու պատրաստակամություն է հայտնել:
Մտքեր են փոխանակվել նաեւ ալիմենտային ֆոնդի ձեւավորման մեխանիզմների, ընտանեկան բռնության գործերի քննության ընթացակարգերի, դրանց օրենսդրական բացերի, ամուսնալուծված, բռնության ենթարկված կանանց, երեխաների իրավունքների պաշտպանությանն առնչվող եւ ոլորտային մի շարք հարցերի շուրջ:
23:59 14.07.2025
Սևանա լճի հիդրոլոգիական ռեժիմը հուլիսի 7-13-ըՍևանա լճի մակարդակը 2025 թվականի հուլիսի 7-13-ն ընկած ժամանակահատվածում իջել է 2 սմ-ով և կազմել՝ 1900.66 մ (13.07.25թ․), որն անցյալ տարվա նույն օրվա մակարդակից ցածր է 2 սմ-ով, իսկ 2025 թվականի հունվարի 1-ի մակարդակից բարձր է 27 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականի հուլիսի 7-13-ն ընկած ժամանակահատվածում […] ...
23:57 14.07.2025
Թբիլիսյան խճուղում խոշոր հրդեհ է բռնկվել․ կրակն ու ծուխը տեսանելի են անգամ 1 կմ-իցՀուլիսի 14-ին, խոշոր հրդեհ է տեղի ունեցել Երևանում։ Ժամը 23։00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Թբիլիսյան խճուղուն հարակից մոտ 2000 մետր քառակուսի խոտածածկ տարածքում։ Ինչպես հայտնում է shamshyan.com-ը, օպերատիվորեն ժամանել են Երևանի թիվ 5-րդ հրշեջ-փրկարարական ջոկատից 2 մարտական հաշվարկ։ Կրակի դեմ […] ...
23:50 14.07.2025
Մեկնարկեց «Ոսկե ծիրան 2025» կինոփառատոնըՀուլիսի 13-ին մեկնարկեց «Ոսկե ծիրան» կինոփառատոնի հանդիսավոր բացումը: Ուղիղ մեկ շաբաթ մինչև հուլիսի 20-ը երևանյան հանդիսատեսը հնարավորություն կունենա դիտելու ավելի քան 100 ֆիլմ, այդ թվում այնպիսիք, որոնք արժանացել են Կաննի միջազգային կինոփառատոնի մրցանակների: Կինոփառատոնի շրջանակում Հայաստան են ժամանել աշխարհահռչակ կինոաստղեր: Պատվավոր հյուրերի շարքում են կինոյի միջազգային մեծություններ՝ Ամիր Նադերին, Աբդերահման Սիսակոն, Աթինա Ցանգարին, Ֆեդոն Պապամայքլը, […] ...
23:38 14.07.2025
ՌԴ 21-ամյա քաղաքացին ՆԳՆ կրթահամալիրի մոտ «Toyota Camry»-ով բախվել է բազալտե եզրաքարին, հաստաբուն ծառին և տապալել այնՀուլիսի 14-ին, ավտովթար է տեղի ունեցել Երևանում։ Ժամը 18։00-ի սահմաններում Ծովակալ Իսակովի պողոտայում, ՀՀ Ներքին գործերի նախարարության կրթահամլիրի մոտ ՌԴ քաղաքացի 21-ամյա Ռոբերտ Մ․-ն իր վարած «Toyota Camry» մակնիշի ավտոմեքենայով դեռև անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, ապա հաստաբուն ծառին և տապալել այն։ Ինչպես հայտնում է shamshyan.com-ը, վթարի հետևանքով, ըստ նախնական […] ...
23:25 14.07.2025
«Իմ քայլը» հիմնադրամի հոգաբարձուների խորհրդի նիստում ամփոփվել են կիսամյակի արդյունքներն ու իրականացված ծրագրերըՏեղի ունեցավ «Իմ քայլը» հիմնադրամի հոգաբարձուների խորհրդի նիստը, որտեղ ամփոփվեցին կիսամյակի արդյունքներն ու իրականացված ծրագրերը։ Այս մասին նշվում է հիմնադրամի տարածած հաղորդագրության մեջ: «Հաստատվեց «Կրթվելը նորաձև է» շարժման աջակից նոր ծրագիրը` իր բազմաճյուղ նախագծերով, որոնք միտված են անհատի ինքնակրթության խթանմանը: Շուտով կկիսվենք մանրամասներով. սպասեք հայտարարությունների»,- նշվում է հայտարարության մեջ: Մանրամասները՝ տեսանյութում։ ...
23:06 14.07.2025
Մակրոն. Հայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների համարՀայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների, երկրների և դրա սահմաններից դուրս գտնվողների համար։ Այս մասին X-ի իր միկրոբլոգում գրել է Ֆրանսիայի նախագահը: «Ուրախ եմ Փարիզում ողջունել Հայաստանի վարչապետ Նիկոլ Փաշինյանին։ Վերահաստատեցի Ֆրանսիայի աջակցությունը նրա քաջ ջանքերին՝ ուղղված Ադրբեջանի հետ խաղաղության հաստատմանը։ Հայաստանի և Ադրբեջանի […] ...
