17:00 31.10.2023
ՀՀ 2024 թվականի պետական բյուջեի եկամուտները կկազմեն 2 տրիլիոն 676 միլիարդ դրամ, որից հարկային եկամուտների եւ պետական տուրքերի գծով մուտքերը կկազմեն շուրջ 2 տրիլիոն 566 միլիարդ դրամ: 2024 թվականին ՀՀ կառավարությունը կպահպանի հարկային վարչարարության բարելավման տեմպերը, ինչպես նաեւ կիրականացնի հարկային օրենսդրության բարեփոխումներ, որոնց արդյունքում ակնկալվում է ապահովել հարկեր/ՀՆԱ հարաբերակցության շուրջ 0.75 տոկոսային կետով բարելավում: Այս մասին ասել է ՀՀ ՊԵԿ նախագահ Ռուստամ Բադասյանը հոկտեմբերի 31-ի ԱԺ տնտեսական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում «ՀՀ 2024 թվականի պետական բյուջեի մասին» օրենքի նախագծի նախնական քննարկման ժամանակ:
Նշվել է, որ 2024 թվականի ընթացքում պետական եկամուտների կոմիտեի վարչարարությունն ուղղված է լինելու հարկեր/ՀՆԱ ցուցանիշի բարելավմանը, հարկ վճարողներին որակյալ եւ արդի պահանջներին բավարարող ծառայությունների մատուցմանը, հարկ վճարող-ՊԵԿ երկխոսության ամրապնդմանը, որի շրջանակում իրականացվող միջոցառումները միտված են լինելու հարկային եւ մաքսային ոլորտներին առնչվող հիմնական նպատակների իրագործմանը:
ՊԵԿ նախագահի հավաստմամբ կկատարելագործվեն ՏՏ նորարարական լուծումներով թվայնացված համակարգերի ներդրման եւ ՊԵԿ տեղեկատվական բազայի հուսալիության մակարդակի բարձրացման նպատակով էլեկտրոնային համակարգերը, ինչպես նաեւ օրինապահ հարկ վճարողների համակարգը` հարկ վճարողների բարեխիղճ եւ օրինապահ վարքագծի խրախուսման, նրանց համար պարզեցված հարկային ընթացակարգերի ընդլայնման եւ մաքսային մարմինների կողմից մատուցվող ծառայությունների բարելավման միջոցով:
Հարկային եւ մաքսային ծառայություններ ծրագրի գծով ՀՀ 2024 թվականի պետական բյուջեի նախագծով, ներառյալ կառավարման ապարատի պահպանման ծախսերը, նախատեսվել է հատկացնել 37 միլիարդ 369.4 միլիոն դրամ, այդ թվում` վարկային միջոցներ` շուրջ 2 միլիարդ 365 միլիոն դրամ, դրամաշնորհային միջոցներ` 1 միլիարդ 589.9 միլիոն դրամ, ՀՀ համաֆինանսավորում` ընդհանուր 850.9 միլիոն դրամ:
Ծրագրի նպատակը հարկային եւ մաքսային միասնական պետական քաղաքականության իրականացումն է, հարկային եւ մաքսային օրենսդրության ամբողջական եւ համահավասար կիրառումը ՀՀ տարածքում: Ծրագրի վերջնական արդյունքն արդյունավետ հարկային եւ մաքսային հսկողության իրականացումն է եւ պետական բյուջեի եկամուտների ապահովումը:
Բանախոսը պատասխանել է պատգամավորների բազմաբնույթ հարցերին, որոնք առնչվել են ոլորտի առկա խնդիրներին, բյուջետային ծրագրերին եւ այլն:
ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը հետաքրքրվել է` արդյո՞ք Խորենացի փողոցի ՊԵԿ-ի շենքը հանձնելու են Պետական գույքի կադաստրի կոմիտեին ու տեղափոխվեն Աշտարակի խճուղի` ՊՆ նախկին շենք:
Ի պատասխան Ռուստամ Բադասյանն անդրադարձել է Երեւանի ԱՏԳ կենտրոնի ստեղծմանն ու նշել, որ այն բիզնեսի համար առեւտրի կարեւորագույն բարեփոխումներից է.
«Եվ դա մեզ հնարավորություն է տվել, որպեսզի մեր վարչական շենքը տեղափոխենք: 2024 թվականին 1.5 միլիարդ դրամի ծախս է նախատեսված, որպեսզի այդ կապիտալ ծախսն անենք: Այսինքն` մենք Խորենացու շենքն ինչ-որ փուլում հանձնելու ենք պետական գույքին, եւ ՊԵԿ-ը տեղափոխվելու է Աշտարակի խճուղի: Դա նախատեսվում է իրականացնել 3 տարվա ընթացքում»,- նշել է ՊԵԿ նախագահը:
«Քաղաքացիական պայմանագիր» խմբակցության պատգամավոր Հովիկ Աղազարյանը հետաքրքրվել է միկրոբիզնեսի դաշտում նկատվող բացասական երեւույթներից` փաստելով, որ խոշոր ընկերությունները հաճախ փոքր բիզնես են բացում, այնտեղից ապրանք գնում ու այսպիսով նվազեցնում հարկման բազան:
Ըստ Ռուստամ Բադասյանի` չեն վերացել նշված չարաշահումների դեպքերը:
«Քանի դեռ մենք ունենք հատուկ համակարգեր, միշտ ունենալու ենք չարաշահման դեպքեր: Բայց ֆինանսների նախարարության օրենսդրական փոփոխության արդյունքում հուլիսի 1-ից միկրոյի դաշտում արդեն պետք է եկամտային հարկի դրույքաչափն ընդհանուր լիներ: Եվ հուլիս ամսվա արդյունքներով օգոստոսին նկատեցինք, որ միկրոյում շուրջ 2000 աշխատատեղ «կորել է»: Այսինքն` ոչ թե 2000 աշխատող սկսել են ընդհանուր դրույքաչափով գործել եւ հարկերը վճարել, այլ ուղղակի աշխատանքից ազատել են, կամ ցույց են տալիս, որ ազատել են»,- ասել է ՊԵԿ նախագահը:
Ռուստամ Բադասյանը տեղեկացրել է, որ անմիջապես վարչարարություն են սկսել` այդ 2000 աշխատատեղը հայտնաբերելու համար: Իսկ գլոբալ առումով, ըստ նրա, քանի դեռ միկրոհամակարգը կա, այդտեղ չարաշահումներ լինելու են:
Նշվել է, որ 2023 թվականի հուլիսի 1-ից միկրոձեռնարկատիրության սուբյեկտները` որպես հարկային գործակալ, չեն ազատվում ֆիզիկական անձանց վճարվող եկամուտներից եկամտային հարկ հաշվարկելու պարտավորությունից: Իսկ միկրոձեռնարկատիրության մեջ ներգրավված վարձու աշխատողների եկամտային հարկն ամսական 5000 դրամի փոխարեն 2023 թվականի հուլիսի 1-ից հաշվարկվում է ընդհանուր սահմանված 20 տոկոս դրույքաչափով:
21:21 14.05.2025
Աշոցքի ոլորաններում բեռնատարի վրա տեղադրված բեռնախցիկը, որում եղել է 4 ավտոմեքենա, պոկվել ու ընկել էՄայիսի 14-ին, արտակարգ դեպք է տեղի ունեցել Շիրակի մարզում: Ժամը 14:00-ի սահմաններում Աշոցք-Գյումրի ավտոճանապարհի 2-րդ շրջադարձի մոտ «Volvo» մակնիշի բեռնատարի բեռնախցիկը, որի ներսում 4 տարբեր մակնիշի ավտոմեքենաներ են եղել, բեռնախցիկը պոկվել ու ընկել է: Ինչպես հայտնում է shamshyan.com-ը, բարեբախտաբար տուժածներ չկան: ...
21:10 14.05.2025
AFP. Մավրիտանիայի նախկին նախագահը դատապարտվել է 15 տարվա ազատազրկմանՄավրիտանիայի վերաքննիչ դատարանը նախկին նախագահ Մոհամեդ Ուլդ Աբդել Ազիզին դատապարտել է 15 տարվա ազատազրկման՝ պաշտոնեական լիազորությունները չարաշահելու համար։ Այս մասին հայտնել է AFP գործակալությունը։ Ազիզը, որը երկիրը ղեկավարել էր 2008-ից 2019 թվականներին, այս գործում ներգրավված էր տասնյակ այլ բարձրաստիճան պաշտոնյաների հետ միասին, այդ թվում՝ երկու նախկին վարչապետների, նախկին նախարարների և գործարարների։ Նրանք մեղադրվում էին ապօրինի […] ...
20:58 14.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Մանուշյան փ. 36-69 առանձնատներ, Էմինի փ. 58-93 առանձնատներ, Գրիգոր Արծրունի փ. 6-22 առանձնատներ, Հր.Քոչարի փ. 9-11 շենքեր, թիվ 56 դպրոց և Գյուլբենկյան փ. 34Ա շենք, Երևանի Նոր Նորք վարչական […] ...
20:45 14.05.2025
Հայաստանի դատական համակարգի պատվիրակությունը ճանաչողական այցով Լատվիայում էրՄայիսի 6-ին ԵՄ ֆինանսավորմամբ իրականացվող «Աջակցություն Հայաստանի արդարադատության ոլորտի բարեփոխումներին – Փուլ II» ծրագրի շրջանակում Հայաստանի դատական համակարգի պատվիրակությունը երկօրյա այցով Լատվիայի Հանրապետությունում էր՝ ուսումնասիրելու դատարանների կառավարման և արդիականացման լավագույն փորձը։ Ճանաչողական այցի հիմքում լավագույն փորձի փոխանակումն էր, նպատակը՝ դատական համակարգի կարողությունների կատարելագործումը դատարանների արդյունավետ կառավարման և դատական համակարգի բարեփոխումների իրականացման համատեքստում։ Այս մասին հայտնել […] ...
20:29 14.05.2025
Երևանում ուժեղ քամու հետևանքով ծառի ճյուղը պոկվել և ընկել է կայանված «Toyota Camry»-ի վրաՄայիսի 14-ին, արտակարգ դեպք է տեղի ունեցել Երևանում։ Ժամը 16։30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կողբացի 2Ա շենքի դիմաց ծառի ճյուղը պոկվել և ընկել է ավտոմեքենայի վրա։ Ինչպես հայտնում է shamshyan.com-ը, տեղում պարզվել է, որ ուժեղ քամու հետևանքով ծառի ճյուղը պոկվել և ընկել է […] ...
20:12 14.05.2025
Միրզոյանն ու Կալասը քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարներըՄայիսի 14-ին ՀՀ արտաքին գործերի նախարար Արարատ Միրզոյանն աշխատանքային այց է կատարել նաև Բրյուսել: Նախարար Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Այս մասին հայտնել են ԱԳՆ-ից: Զրուցակիցները քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարները, ինչպես նաև համատեղ աշխատանքներն՝ ուղղված […] ...
