22 05 2025

$

385.06
4.80
€

436.58

+26.09 ^oC

Տարածքային կառավարման եւ ենթակառուցվածքների նախարարությունը 2024 թվականին պետք է իրականացնի 20 ծրագիր` 125 միջոցառմամբ

ՔԱՂԱՔԱԿԱՆՈՒԹՅՈՒՆ

19:04 31.10.2023

Տարածքային կառավարման եւ ենթակառուցվածքների նախարարությունը 2024 թվականին պետք է իրականացնի 20 ծրագիր` 125 միջոցառմամբ, հայտնում են նախարարությունից։

Նախարարությանը նախատեսված է հատկացնել 353,8 մլրդ դրամ, որի մի մասը` ծախսային մասով, մյուս մասը` ենթավարկերով: Ծախսային մասով նախատեսված է 296,6 մլրդ դրամ, իսկ ենթավարկերով` 57,2 մլրդ դրամ:

Նախարարությանը հաջորդ տարի 9,4 տոկոսով ավելի գումար է նախատեսված, քան 2023 թվականին: Մասնավորապես, տրանսպորտի ոլորտին նախատեսվում է հատկացնել 120 մլրդ դրամ, ջրային ոլորտին` 49,4 մլրդ դրամ, էներգետիկ ոլորտին` 58,3 մլրդ, տարածքային կառավարման ոլորտին` մոտ 126 մլրդ դրամ:

Տնտեսական հարցերի ու Ֆինանսավարկային եւ բյուջետային հարցերի մշտական հանձնաժողովների համատեղ նիստում իր ղեկավարած գերատեսչության ծախսերն ու ծրագրերն է ներկայացրել Տարածքային կառավարման եւ ենթակառուցվածքների նախարար Գնել Սանոսյանը:

42,5 մլրդ դրամ նախատեսված է Հյուսիս-Հարավ ճանապարհի տարբեր հատվածներում շինարարություն սկսելու ու շարունակելու համար: «Մ6 Վանաձոր-Ալավերդի-Վրաստան» ծրագրի շրջանակում Դիլիջանի եւ Պուշկինի թունելների նախագծանախահաշվային աշխատանքներ են նախատեսվել. երկու թունելներն էլ չեն հիմնանորոգվել կառուցումից հետո, եւ այժմ հիմնանորոգման նախագծեր են պատվիրվել:

Ճանապարհների հիմնանորոգման, միջին նորոգման կամ կամուրջների, տրանսպորտային օբյեկտների հիմնանորոգման մասով մոտ 76 մլրդ դրամի հատկացում է նախատեսվում: Բյուջեով 340 կմ հիմնանորոգման համար հատկացված է 57,5 մլրդ դրամ: 2 մլրդ դրամ հատկացվել է տրանսպորտային 8 օբյեկտների հիմնանորոգման համար, մոտ 108 կմ ճանապարհի միջին նորոգման համար 5,1 մլրդ դրամ է նախատեսված:

11 մլրդ դրամ նախատեսված է միջպետական, հանրապետական եւ մարզային նշանակության ճանապարհների ամառային ու ձմեռային պահպանումների համար: «Մոտ 700 մլն այս տարի ավելի ենք նախատեսել մարզերում տեղական նշանակության ճանապարհների, հատկապես` գծանշումների համար: Ցավոք, բավականին մեծ ճանապարհային վթարներ եւ նման դեպքեր ունենք, ինչն էլ ենթադրում է, որ աշխատանքներ ենք փորձում տանել ճանապարհների ավելի պատշաճ կահավորման ուղղությամբ»,- ասել է նախարարը:

Էներգետիկայի ոլորտում գումարների մեծ մասը նախատեսված է ենթավարկերով: Բնագավառի համար 58,3 մլրդ դրամ է նախատեսված, որից 57,4 մլրդը` կապիտալ ծրագրերի համար: «էներգետիկական համակարգի զարգացման խոշոր ծրագիր ունենք, որում ներառվում են մեր մի շարք ենթակայանների վերակառուցումները կամ դրանց աշխատանքների շարունակումը: Հաջորդ տարի հույս ունենք մրցութային գործընթացներն ավարտել ու սկսել Հայաստան-Վրաստան էլեկտրահաղորդման գծի հետ կապված աշխատանքները»,- ընդգծել է Գնել Սանոսյանը: Կրկնակի երկարաձգման ծրագրով ատոմակայանի աշխատանքի ժամկետը կերկարացվի համապատասխան թույլտվություններով մինչեւ 2036 թվականը: Հաջորդ տարի այդ նպատակի համար 20,2 մլրդ դրամ է նախատեսվել:

Պետական գույքի կառավարման ոլորտի հատկացումներից խոսելով` նախարարը նշել է. «Գույքերի վաճառքի կամ վարձակալության այլ մեթոդներով բյուջե մուտքագրվող գումարների մասով նշաձողը բարձրացրել ենք: Այնպես ենք կազմակերպել գործընթացը, որ ավանդաբար 10 մլրդի փոխարեն մուտքերը լինեն 15 մլրդի չափով»:

Տնտեսական հարցերի մշտական հանձնաժողովի նախագահի տեղակալ Բաբկեն Թունյանի` Հյուսիս-Հարավ ճանապարհին վերաբերող հարցին ի պատասխան` Գնել Սանոսյանը նշել է, որ 214 մլն դոլար արժողությամբ պայմանագիր է կնքվել իրանական կողմի հետ, ծրագրի ժամկետը երեք տարի է եւ հաջորդ տարվա բյուջեում այս մասով գումար նախատեսված է:

ԱԺ նախագահի տեղակալ Հակոբ Արշակյանի հարցերին ի պատասխան էլ նախարարը ներկայացրել է ճանապարհների որակի ապահովման, հիմնանորոգման, կահավորման ու լուսավորության, ավիացիոն փոխադրումների, ռազմավարական ուղղություններով չվերթների իրականացման հարցերում իրականացվող քայլերը, էներգետիկայի ու տրանսպորտային ոլորտներում առկա խնդիրներն ու լուծման մեթոդները:

Բաժանորդագրվեք SHANTNEWS.am-ին Telegram-ում

Բոլոր լուրերը

14:26 22.05.2025
Պեսկովը խոսել է Ուկրաինայի հետ գերիների փոխանակման նախապատրաստական աշխատանքների մասին

Կապակցված լուրեր

14:16 22.05.2025

Հայաստանի տարածքում «Արևմտյան Ադրբեջան» չկա. ՀՀ ԱԳՆ խոսնակն արձագանքել է Ալիևի հայտարարությանը

Հայաստանի արտաքին գործերի նախարարության մամուլի խոսնակ Անի Բադալյանն անդրադարձել է Ադրբեջանի նախագահ Իլհամ Ալիևի կողմից հերթական անգամ հնչեցված՝ այսպես կոչված «Արևմտյան Ադրբեջան» կեղծ խոսույթին: ԱԳՆ մամուլի խոսնակը թեմային անդրադարձել է՝ պատասխանելով «Արմենպրես»-ի հարցին։ Հարց. Երեկ տեղի ունեցած միջոցառումներից մեկի ժամանակ հնչել է Ադրբեջանի նախագահի ուղերձ, որում կրկին շեշտվում է «Արևմտյան Ադրբեջան» խոսույթը: Ինչպե՞ս եք արձագանքում: […] ...

14:07 22.05.2025

Օպերատիվ իրավիճակը հանրապետությունում մայիսի 21-22-ը

Բացահայտվել է 103 հանցագործություն, որոնցից 7-ը՝ նախկինում կատարված: Մասնավորապես՝ 25 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 12 դեպք՝ թմրանյութի հայտնաբերման, 10-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության և զենք-զինամթերքի առգրավման, 3-ական դեպք՝ անձնական ունեցվածքի […] ...

13:45 22.05.2025

Իտալիայում ՀՀ դեսպանն իր հավատարմագրերն է հանձնել ՄԱԿ Պարենի և գյուղատնտեսության կազմակերպության գլխավոր տնօրենին

Իտալիայում ՀՀ դեսպան Վլադիմիր Կարապետյանը իր հավատարմագրերն է հանձնել ՄԱԿ Պարենի և գյուղատնտեսության կազմակերպության (FAO) Գլխավոր տնօրեն Չյու Դոնգյուին։ Այս մասին հայտնում են Իտալիայում ՀՀ դեսպանությունից։ ...

13:40 22.05.2025

Հայ շախմատիստների գրանցած արդյունքները՝ «8th Sharjah Masters 2025»-ում

Շարժայում ընթացող «8th Sharjah Masters 2025» շախմատի միջազգային մրցաշարի ավարտին մնացել է 4 խաղափուլ։ 5 խաղափուլից հետո գրոսմայստեր Շանթ Սարգսյանը ունի 3.5 միավոր և կիսում է 4-16-րդ հորիզոնականները: Գրոսմայստեր Էմին Օհանյանը ունի 2.5 միավոր, գրոսմայստեր Գաբրիել Սարգսյանը՝ 2 միավոր, իսկ միջազգային վարպետ Արթուր Դավթյանը՝ 1.5 միավոր: Մրցաշարի «B» խմբում կանանց միջազգային վարպետ Մարիամ Մկրտչյանը ունի […] ...

13:33 22.05.2025

Տիգրան Մկրտչյանը և Դիմիտրիս Սկալկոսը քննարկել են երկկողմ տնտեսական հարաբերությունները զարգացնելու հեռանկարները

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի ԱԳՆ միջազգային տնտեսական հարցերով գլխավոր քարտուղար և “Enterprise Greece”-ի խորհրդի նախագահ Դիմիտրիս Սկալկոսի հետ։ Քննարկվել են երկկողմ տնտեսական հարաբերությունները զարգացնելու հեռանկարները։ Դեսպանը նախանշել է այն ուղղությունները, որտեղ առկա է փոխգործակցությունը զարգացնելու ներուժ։ Այս համատեքստում կարևորվել է 2024 թ. դեկտեմբերին Երևանում անցկացրած Հայաստանի և […] ...

13:24 22.05.2025

Մշակութային տարվա ամփոփիչ նախագծային դաս՝ նվիրված Շառլ Ազնավուրին

ՀՀ կրթության, գիտության, մշակույթի և սպորտի նախարար Ժաննա Անդրեասյանն ու նախարարի տեղակալ Արաքսիա Սվաջյանն այսօր Երևանի թիվ 168 հիմնական դպրոցում ներկա են եղել մշակութային կրթության տարվա շրջանակում կազմակերպված ամփոփիչ նախագծային դասին՝ նվիրված մեծն շանսոնյե Շառլ Ազնավուրի 101-ամյակին: Նախագծային աշխատանքն իրականացվել է Երևանի թիվ 168 հիմնական, Երևանի երաժշտական թիվ 13 մասնագիտացված և Երևանի Բենիամին Ժամկոչյանի անվան թիվ 119 ավագ դպրոցների համագործակցությամբ: Աշակերտները ներկայացրել են Ազնավուրի ստեղծագործական ժառանգությունը՝ երգչախմբային և նվագախմբային կատարումներով, ինչպես նաև հայերենով և ֆրանսերենով պատմել նրա կյանքի և գործունեության մասին։ Աշակերտները նաև նշել են՝ ուսումնական տարվա ընթացքում ակտիվ մասնակցություն են […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.