13:17 01.11.2023
Նոյեմբերի 1-ին ԱԺ պետական-իրավական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում շարունակվել են 2024 թվականի պետական բյուջեով նախատեսվող հատկացումների վերաբերյալ նախնական քննարկումները:
«ՀՀ Ազգային ժողովի լիազորությունների իրականացման ապահովում» ծախսային ծրագրի բյուջետային հայտը 2024 թվականին կազմել է 7,2 մլդ դրամ, որը 1,5 տոկոսով ավելի է 2023 թվականի հաստատված բյուջեից: Այս մասին հայտնել է ՀՀ ԱԺ աշխատակազմի ղեկավար-գլխավոր քարտուղար Դավիթ Առաքելյանը՝ ներկայացնելով գալիք տարվա գլխավոր ֆինանսական փաստաթղթով օրենսդիր մարմնի համար նախատեսված ֆինանսական հատկացումներն ու իրականացվելիք միջոցառումները:
«ՀՀ Ազգային ժողովի գործունեության ապահովում, օրենսդրական, վերլուծական եւ ներկայացուցչական ծառայություններ» միջոցառման համար նախատեսված է 6,1 մլն դրամ, աշխատակազմի պետական ծառայողների վերապատրաստման համար՝ 1,3 մլն դրամ, Ազգային ժողովի դերի բարձրացմանն ուղղված միջոցառումների իրականացման գծով՝ 50,6 մլն դրամ, միջազգային խորհրդարանական կազմակերպություններին ՀՀ անդամակցության վճարների գծով՝ 123,9 մլն դրամ, «Աջակցություն կուսակցություններին եւ կուսակցությունների դաշինքներին» միջոցառման համար նախատեսվում է հատկացնել 520,7 մլն դրամ: Ազգային ժողովի տեխնիկական հագեցվածության բարելավմանը կուղղվի 175,7 մլն դրամ, որը 38 տոկոսով ավելի է 2023 թվականի բյուջետային հատկացումից, իսկ շենքային պայմանների բարելավմանը կտրամադրվի 191,5 մլն դրամ:
ԱԺ աշխատակազմի ղեկավար-գլխավոր քարտուղարը նկատել է, որ 2024 թվականի բյուջետային հայտում «Ազգային ժողովի տեխնիկական հագեցվածության բարելավում» միջոցառման ֆինանսավորման աճը պայմանավորված է տեխնիկական սարքավորումների արդիականացման անհրաժեշտությամբ: «ՀՀ Ազգային ժողովի շենքային պայմանների բարելավում» միջոցառման շրջանակում եւս ֆինանսավորման միջոցների աճ կա: Դավիթ Առաքելյանի խոսքով ԱԺ շենքերի, էլեկտրական հաղորդագծերի ցանցի, հեռախոսային, ինտերնետ արտաքին հեռախոսակապի նորոգման անհրաժեշտություն կա, ցանցն արդիականացման կարիք ունի, եւ հատկացումները կուղղվեն այդ խնդրի կարգավորմանը:
Նշվել է, որ 2024 թվականին Հայաստանում անցկացվելու է Միջխորհրդարանական միության (IPU) երիտասարդ պատգամավորների գլոբալ ֆորումը, որի համար եւս գումար է հատկացվել:
Անդրադառնալով միջազգային գործընկերների հետ համագործակցությանը՝ ԱԺ աշխատակազմի ղեկավար-գլխավոր քարտուղարն ընդգծել է, որ այն շարունակական կլինի ՄԱԿ-ի զարգացման ծրագրի (UNDP), Միջազգային հանրապետական ինստիտուտի (IRI), Ազգային ժողովրդավարական ինստիտուտի (NDI), Կանադայի խորհրդարանական կենտրոնի, Գերմանիայի միջազգային համագործակցության ընկերության (GIZ) հետ:
Խոսելով Ազգային ժողովի դերի բարձրացմանն ուղղված միջոցառման շրջանակներում կատարվող քայլերից՝ Դավիթ Առաքելյանն անդրադարձել է հաջողությամբ իրականացված «Ամառային դպրոց» ծրագրին: Նա տեղեկացրել է, որ 2024 թվականին նախատեսվում է ոչ միայն շարունակել «Ամառային դպրոց» ծրագիրը, այլեւ ի թիվս այլ միջոցառումների՝ անցկացնել «Ժողովրդավարության օր» եւ «Պառլամենտարիզմի օր» խորագրերով միջոցառումները:
Ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը հետաքրքրվել է ՄԱԶԾ-ի շրջանակում իրականացվող ծրագրերի շարունակության եւ ԱԺ-ի կողմից համաֆինանսավորման խնդրով: Դավիթ Առաքելյանը պարզաբանել է, որ ՄԱԶԾ գործընկերների հետ այդ մասով այժմ քննարկումներ են ընթանում: Կարեւորվել է միջազգային գործընկերների հետ համագործակցության շարունակականությունը, որն ուղղված է ԱԺ կարողությունների զարգացմանը: ԱԺ աշխատակազմի ղեկավար-գլխավոր քարտուղարը տեղեկացել է, որ ՄԱԶԾ-ի հետ այս պահին ի թիվս այլ միջոցառումների՝ իրականացվում է ԱԺ պաշտոնական կայքը վերափոխելու ծրագիրը, որի արդյունքում այն կդառնա ավելի ժամանակակից եւ ներառական:
Պատգամավորներ Ալխաս Ղազարյանը եւ Միքայել Թումասյանը հետաքրքրվել են բարեկամական խմբերի եւ միջխորհրդարանական հանձնաժողովների թվի հնարավոր փոփոխությամբ ու վերափոխմամբ:
14:37 22.05.2025
Հոգեկան առողջության իրազեկման ամիս. քաղաքապետարանի աջակցությամբ իրականացվում է «Հուզական աջակցության թեժ գիծ» փորձնական ծրագիրըՀաշվի առնելով այն, որ Հոգեկան առողջության իրազեկման ամիսը (Mental Health Awareness Month) նշվում է ամեն տարի մայիսին, Երևանի քաղաքապետարանն, ի դեմս աշխատակազմի երեխաների և սոցիալական պաշտպանության վարչության, համագործակցում է «Հոգեկան առողջության իրազեկման նախաձեռնություն» հասարակական կազմակերպության հետ, որը քաղաքապետարանի աջակցությամբ իրականացնում է «Հուզական աջակցության թեժ գիծ» փորձնական ծրագիրը: «Ծրագիրը նպատակ ունի բարձրացնել հասարակության իրազեկվածությունը հոգեկան առողջության […] ...
14:26 22.05.2025
Պեսկովը խոսել է Ուկրաինայի հետ գերիների փոխանակման նախապատրաստական աշխատանքների մասինԲոլոր կողմերը շահագրգռված են Ռուսաստանի և Ուկրաինայի միջև գերիների փոխանակման արագ իրականացման հարցում՝ 1000-ը 1000-ի դիմաց բանաձևով, հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Սա բավականին աշխատատար հարց է։ Բնականաբար, այնտեղ աշխատանքներ են տարվում կոնկրետ անուններով մարդկանց փոխանակելու ուղղությամբ։ Քանի որ խոսքը 1000-ը 1000-ի դիմացի մասին է, ապա, իհարկե, դա որոշակի ժամանակ է պահանջում։ […] ...
14:16 22.05.2025
Հայաստանի տարածքում «Արևմտյան Ադրբեջան» չկա. ՀՀ ԱԳՆ խոսնակն արձագանքել է Ալիևի հայտարարությանըՀայաստանի արտաքին գործերի նախարարության մամուլի խոսնակ Անի Բադալյանն անդրադարձել է Ադրբեջանի նախագահ Իլհամ Ալիևի կողմից հերթական անգամ հնչեցված՝ այսպես կոչված «Արևմտյան Ադրբեջան» կեղծ խոսույթին: ԱԳՆ մամուլի խոսնակը թեմային անդրադարձել է՝ պատասխանելով «Արմենպրես»-ի հարցին։ Հարց. Երեկ տեղի ունեցած միջոցառումներից մեկի ժամանակ հնչել է Ադրբեջանի նախագահի ուղերձ, որում կրկին շեշտվում է «Արևմտյան Ադրբեջան» խոսույթը: Ինչպե՞ս եք արձագանքում: […] ...
14:07 22.05.2025
Օպերատիվ իրավիճակը հանրապետությունում մայիսի 21-22-ըԲացահայտվել է 103 հանցագործություն, որոնցից 7-ը՝ նախկինում կատարված: Մասնավորապես՝ 25 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 12 դեպք՝ թմրանյութի հայտնաբերման, 10-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության և զենք-զինամթերքի առգրավման, 3-ական դեպք՝ անձնական ունեցվածքի […] ...
13:45 22.05.2025
Իտալիայում ՀՀ դեսպանն իր հավատարմագրերն է հանձնել ՄԱԿ Պարենի և գյուղատնտեսության կազմակերպության գլխավոր տնօրենինԻտալիայում ՀՀ դեսպան Վլադիմիր Կարապետյանը իր հավատարմագրերն է հանձնել ՄԱԿ Պարենի և գյուղատնտեսության կազմակերպության (FAO) Գլխավոր տնօրեն Չյու Դոնգյուին։ Այս մասին հայտնում են Իտալիայում ՀՀ դեսպանությունից։ ...
13:40 22.05.2025
Հայ շախմատիստների գրանցած արդյունքները՝ «8th Sharjah Masters 2025»-ումՇարժայում ընթացող «8th Sharjah Masters 2025» շախմատի միջազգային մրցաշարի ավարտին մնացել է 4 խաղափուլ։ 5 խաղափուլից հետո գրոսմայստեր Շանթ Սարգսյանը ունի 3.5 միավոր և կիսում է 4-16-րդ հորիզոնականները: Գրոսմայստեր Էմին Օհանյանը ունի 2.5 միավոր, գրոսմայստեր Գաբրիել Սարգսյանը՝ 2 միավոր, իսկ միջազգային վարպետ Արթուր Դավթյանը՝ 1.5 միավոր: Մրցաշարի «B» խմբում կանանց միջազգային վարպետ Մարիամ Մկրտչյանը ունի […] ...
