14:38 17.11.2023
ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը նոյեմբերի 17-ին կայացած հերթական նիստերին հաջորդող խորհրդարանական ճեպազրույցների ժամանակ անդրադարձել է նախօրեին քննարկվող «ՀՀ 2024 թվականի պետական բյուջեի մասին» օրենքի նախագծին: Խորհրդարանականը նշել է, որ ցանկացած Կառավարության առաջնահերթ խնդիրներից մեկն իր երկրի տարածքային ամբողջականության, քաղաքացիների անվտանգության ապահովումն է:
«ՀՀ-ում ապրող յուրաքանչյուր քաղաքացու համար առաջնահերթությունը սահմանների անձեռնմխելիությունն ու ինքնիշխանության պահպանումն է»,- ասել է Տիգրան Աբրահամյանը՝ նշելով, թե վերջին 5 տարիների ընթացքում ներկա Կառավարությունը դա չի ապահովել:
Անդրադառնալով նախօրեին ՌԴ ԱԳՆ-ի պաշտոնական ներկայացուցիչ Մարիա Զախարովայի՝ տարածաշրջանային կոմունիկացիաների գործընթացներից ՀՀ-ի դուրս մնալու հավանականության մասին հայտարարություններին՝ Տիգրան Աբրահամյանը նկատել է, որ ՀՀ-ն ռեգիոնալ եւ տարածաշրջանային բախումների կիզակետում է հայտնվել. Արեւմուտքը հայտարարություններ է հնչեցնում՝ այդ հարցում մեղադրելով ՌԴ-ին, իսկ ՌԴ-ից նույն հայտարարություններն ու մեղադրանքները հնչում են Արեւմուտքի դեմ:
«Այս սուբյեկտները պետք է փոխեն իրենց մոտեցումները: Այն երկրները, որոնք խնդիրներ ունեն հայաստանյան իշխանությունների հետ, չպետք է վարեն այնպիսի քաղաքականություն, որի հետեւանքով կտուժի հայ ժողովուրդը: Սա վերաբերում է ե՛ւ ԵՄ-ին, ե՛ւ ԱՄՆ-ին, ե՛ւ ՌԴ-ին. ձեր խնդիրները լուծեք հայաստանյան իշխանությունների հետ. հայ ժողովուրդը չպետք է դառնա ձեր խնդիրների զոհը, դրա ծանր հետեւանքները չպետք է իր վրա զգա հայ հասարակությունը»,- ասել է Տիգրան Աբրահամյանը:
Խմբակցության քարտուղարը խոսել է նաեւ Ադրբեջանի՝ արտգործնախարարների հանդիպմանը չմասնակցելու մասին:
«Բանակցային գործընթացի շրջանակում Ադրբեջանը ձեռք բերած պարտավորությունների որոշակի ծավալ չի կատարել: ԱՄՆ-ն՝ որպես միջնորդ պետություն, դա համարել է իր հեղինակությանն ուղղված հարված, ինչի հետեւանքով բառապաշարը բավականին կոշտացել է, նույնիսկ ակնարկ կա՝ Ադրբեջանի կողմից նման գործելաոճի շարունակությունը կարող է բերել պատժամիջոցների կիրառման: Այդ է պատճառը, որ Ադրբեջանը նպատակահարմար չի համարում մասնակցել Վաշինգտոնում կայանալիք հանդիպմանը»,- նշել է Տիգրան Աբրահամյանն ու նկատել, որ հակառակորդ երկիրը վերջին 3 տարիների ընթացքում վարքագծային փոփոխություններ է անում ու փորձում նոր պահանջներ հնչեցնել, ինչը որոշակի խնդիրներ է առաջացնում միջնորդների հեղինակության վրա:
Տիգրան Աբրահամյանն անդրադարձել է նաեւ 44-օրյա պատերազմից հետո առաջացած քաղաքական եւ անվտանգային խնդիրներին, Սամվել Շահրամանյանին՝ ԱԺ քննիչ հանձնաժողով հրավիրելուն, սահմանային իրավիճակին ու հնարավոր էսկալացիային:
23:59 14.05.2025
20 տարվա դադարից հետո՝ մետրոպոլիտենում փոխարինվել են անվտանգության համար կենսական նշանակություն ունեցող համակարգերԵրևանի մետրոպոլիտենում իրականացվել են արդիականացման աշխատանքներ, որոնք առաջին հայացքից տեսանելի չեն, բայց առանցքային են յուրաքանչյուր երևանցու անվտանգության համար։ Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Առաջին անգամ 20 տարվա ընթացքում փոխարինվել են սլաքային փոխադրիչները՝ այն համակարգերը, որոնք ապահովում են գնացքների անվտանգ անցումը մեկ գծից մյուսը։Դրանց անխափան աշխատանքից է կախված մետրոպոլիտենի հուսալի և […] ...
23:58 14.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:46 14.05.2025
ԱՄՆ ֆինանսների նախարարությունը սկսել է Սիրիայի նկատմամբ պատժամիջոցների չեղարկման գործընթացըՄիացյալ Նահանգները սկսել է հանել Սիրիայի դեմ սահմանված պատժամիջոցները, այս մասին X-ի իր միկրոբլոգում հայտարարել է երկրի ֆինանսների նախարար Սքոթ Բեսենթը։ «ԱՄՆ ֆինանսների նախարարությունը քայլեր է ձեռնարկում պատժամիջոցները մեղմելու ուղղությամբ՝ Սիրիան կայունացնելու և խաղաղության հասնելու համար», – գրել է ԱՄՆ ֆինանսների նախարարության ղեկավարը։ Մայիսի 13-ին ԱՄՆ նախագահ Դոնալդ Թրամփը հայտարարել է Սիրիայի նկատմամբ սահմանված պատժամիջոցները […] ...
23:34 14.05.2025
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգինՎարչապետ Նիկոլ Փաշինյանը տիկնոջ՝ Աննա Հակոբյանի հետ, և Հայաստանի Հանրապետության նախագահ Վահագն Խաչատուրյանը ներկա են գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին, որով բացվել է հոբելյանական համերգների շարքը։ Համերգի հատուկ հյուրն է եղել աշխարհահռչկա դաշնակահար Յուջա Վանգը. նա հանդես է եկել Էդուարդ Թոփչյանի ղեկավարությամբ: Տարվա ընթացքում նախատեսվում են համերգներ այլ հռչակավոր երաժիշտ կատարողների և […] ...
23:27 14.05.2025
Վարչապետն ընդունել է ՀՀ պետական մրցանակակիր Յոշիակի Դեյմոն ՀագիվարայինՎարչապետ Նիկոլ Փաշինյանն ընդունել է AIPLAB կոնսորցիումի հիմնադիր, Արհեստական բանականության գործընկեր համակարգի LOCOMTEC AIPS լաբորատորիայի նախագահ Յոշիակի Դեյմոն Հագիվարային, ով Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակակիրն է: Վարչապետը բարձր է գնահատել Յոշիակի Դեյմոն Հագիվարայի ներդրումը բարձր տեխնոլոգիաների ոլորտի զարգացման գործում և նշել, որ նա իր գործունեությամբ օրինակ է ոլորտում գործունեություն ծավալելու […] ...
23:18 14.05.2025
Երևանի թիվ 175 դպրոցի մարզադահլիճը կհիմնանորոգվիԵրևանի Նուբարաշեն վարչական շրջանի թիվ 175 դպրոցի մարզադահլիճը, որը կառուցումից ի վեր չէր վերանորոգվել, Երևանի քաղաքապետարանի ծրագրով ընթացիկ տարում հիմնովին կվերանորոգվի։ Այս մասին հայտնել են Երևանի քաղաքապետարանից: Ֆիզկուլտուրայի դասերն այսօր անցկացվում են անմխիթար պայմաններում։ Ծրագիրը հնարավորություն կտա աշակերտների համար ապահովել ժամանակակից պայմաններ՝ ստեղծելով նոր ու հարմարավետ կրթական միջավայր: ...
