13:13 21.12.2023
Հանրապետական մանկավարժահոգեբանական կենտրոնի «Միասին» թատերախմբի պատանի դերասանները Խ․ Աբովյանի անվան Հայկական պետական մանկավարժական համալսարանի դահլիճում հանդես են եկել «Ջրաշուշանի ճամփորդությունը» ներկայացման առաջնախաղով:
Միջոցառմանը ներկա էր ՀՀ ԿԳՄՍ նախարարի տեղակալ Արաքսիա Սվաջյանը: Նախարարի տեղակալը շնորհավորել է պատանի դերասաններին առաջնախաղի առթիվ և վստահություն հայտնել, որ թատերախումբը դեռ երկար ճանապարհ է անցնելու՝ հանրապետության տարբեր բեմերում, հանդիսատեսին փոխանցելով դրական հույզեր։
ՀՄԿ տնօրեն Լիլիթ Մնացականյանը ողջունել է թատերախմբին՝ արժևորելով ստեղծագործական խմբի, ՀՄԿ թիմի և ծնողների նվիրվածությունն ու սերտ համագործակցությունը։ Նա իր երախտիքի խոսքն է ուղղել բոլոր գործընկերներին, մասնավորապես Հայ օգնության ֆոնդին (FAR), որի աջակցությամբ կյանքի է կոչվել այս ներկայացումը։
Ներկայացման հերոսների հիանալի և էմոցիոնալ խաղը, որն ուղեկցվում էր գեղեցիկ երաժշտական ձևավորմամբ, հեղինակային երգերով և գունազարդ տեսարաններով, իրապես գրավել է հանդիսատեսին և արժանացել ջերմ ծափահարությունների։
Ակտիվ մասնակցության համար փոքրիկ դերասանները և թատերախմբին աջակցող կամավորներն արժանացել են պատվոգրի։
Նշենք, որ «Ջրաշուշանի ճամփորդությունը» պատմություն է դժվարություններից չընկրկող փոքրիկ սերմիկների մասին, որոնք բազմաթիվ աշխարհներ անցնելով, բազում վտանգներ հաղթահարելով, իրավիճակներից ելքեր գտնելու վճռականությամբ զինված և հոգում պահած գանձերին ապավինելով` հասնում են իրենց երազանքին։ Գանձերի պահապանը նրանց է հանձնում բարությունը, ճշմարտությունը և համբերությունը՝ որպես պայքարի, դժվարին իրավիճակները հաղթահարելու բանալիներ։
Տեղեկացնենք նաև, որ «Միասին» թատերախումբը ստեղծվել է 2022 թ․ և իր գործունեության երկու տարիների ընթացքում հասցրել է հանդես գալ մի շարք ներկայացումներով՝ «Ավելի ուժեղ, քան թվում է», «Սուրբ Ծննդյան ծառը», «Խաղաղ մանկություն» և այլն։ Հյուրախաղերով ներկայացել է մայրաքաղաքի և մարզերի հանդիսատեսին՝ արժանանալով ջերմ ընդունելության։
Թատերախմբի միջոցով շարունակվում է երեխաների և, առհասարակ, հասարակության համար բազմազանությունը որպես արժեք ձևավորելու, հասարակական կյանքի բոլոր ոլորտներում իրական ներառում ապահովելու գործընթացը:
16:29 02.05.2025
Գևորգ Պապոյանն ընդունել է ֆրանսիացի գործարարներինՄայիսի 2-ին ՀՀ էկոնոմիկայի նախարար Գևորգ Պապոյանն ընդունել է Ֆրանսիայի Լիոն քաղաքից Հայաստան ժամանած մեկ տասնյակից ավելի գործարարներից կազմված պատվիրակությանը։ Հանդիպման ընթացքում ֆրանսիացի գործարարները ներկայացրել են իրենց գործունեության ոլորտները, հետաքրքրություն հայտնել Հայաստանում ներդրումներ իրականացնելու, ինչպես նաև փոխշահավետ գործակցություն ձևավորելու վերաբերյալ։ Նախարար Գևորգ Պապոյանը ներկայացրել է Հայաստանի ներդրումային քաղաքականությունը, ներդրումներին նպաստող օրենսդրական դաշտն ու բիզնեսին աջակցող […] ...
16:22 02.05.2025
Քննարկման հրավեր՝ ֆիթնես ոլորտում գործունեություն ծավալող կազմակերպությունների ներկայացուցիչների հետՀՀ կրթության, գիտության, մշակույթի և սպորտի նախաձեռնել է հանդիպում-քննարկում ֆիթնես ոլորտում գործունեություն ծավալող կազմակերպությունների ներկայացուցիչների հետ: Քննարկման հիմնական թեմաններն են՝ «Ֆիզիկական կուլտուրայի և սպորտի մասին» ՀՀ օրենքում կատարված փոփոխություններ ու լրացումներ (ֆիթնես ոլորտ). Ֆիթնես կենտրոնների գործունեության համար գործող շենքային նորմատիվ պահանջների ներկայացում. Ֆիթնես կենտրոնների համար գործող առողջապահական նորմատիվ պահանջների ներկայացում. Ֆիթնես կենտրոնների գույքի չափորոշիչներ. Ֆիթնես […] ...
16:14 02.05.2025
Մի խումբ ուսանողներ հյուրընկալվել են խորհրդարանումՀՀ պետական կառավարման ակադեմիայի ուսանողներին մայիսի 2-ին Ազգային ժողովում հյուրընկալել է ԱԺ «Քաղաքացիական պայմանագիր» խմբակցության պատգամավոր Տաթեւիկ Գասպարյանը: Հանդիպումն անցել է հարցուպատասխանի ձեւաչափով: Պատգամավորը պատասխանել է ուսանողների հարցերին, որոնք վերաբերել են Հայաստանի արտաքին քաղաքականությանը, մասնավորապես, հարեւան երկրների հետ հարաբերությունների զարգացմանը, «Իրական Հայաստան» հասկացությանը, Հայաստանի պետական սահմանի սահմանազատման եւ սահմանագծման գործընթացին, երկրի տնտեսության զարգացման խնդիրներին: Հանդիպման […] ...
16:06 02.05.2025
Տեղի կունենա քահանայական ձեռնադրությունՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ մայիսի 4-ին Միածնաէջ Մայր Տաճարում Սուրբ Պատարագի ընթացքում տեղի կունենա քահանայական ձեռնադրություն: Քահանայական ձեռնադրության և օծման կարժանանան տարբեր եկեղեցական կառույցներում իրենց սպասավորությունը բերող Մայր Աթոռ Սուրբ Էջմիածնի միաբան յոթ սարկավագներ: Սուրբ Պատարագի սկիզբը` ժամը 11:00-ին: ...
15:57 02.05.2025
Սուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքներըՍուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքները: Ծրագրի ընդհանուր արժեքը կազմում է 306 մլն դրամ, որից 214 մլն դրամը հատկացրել է Կառավարությունը: Այս մասին ֆեյսբուքյան իր էջում գրել է վարչապետ Նիկոլ Փաշինյանը՝ կից տեսանյութ հրապարակելով: ...
15:50 02.05.2025
Վերականգնողական կենտրոնից վերադարձված կալանավորված անձը բժշկական գոտու տակ թաքցրել էր 7 բջջային հեռախոս և բաժանորդային քարտերՀՀ արդարադատության նախարարության Նուբարաշեն քրեակատարողական հիմնարկի հերթապահ խմբի և պահպանության ապահովման բաժնի ծառայողները նախապես առաջացած կասկածանքի հիման վրա խուզարկության են ենթարկել բժշկական վերականգնողական կենտրոնից հիմնարկ վերադարձված կալանավորված անձ Կ․Մ․-ին։ Խուզարկության արդյունքում Կ․Մ․-ի գոտկատեղին ամրացված բժշկական գոտու տակից ծառայողները հայտնաբերել են 7 բջջային հեռախոս և 6 բաժանորդային քարտ։ Դեպքի առթիվ ձեռնարկվել են համապատասխան միջոցառումներ։ ...
