Ծանրամարտի Եվրոպայի առաջնության չեմպիոններին ու մեդալակիրներին մեծ շուքով դիմավորել են հայրենիքում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
09 07 2025
  • $
    384.19
  • RUBLE
    4.90
  • 450.58
WEATHER
+27.09 oC

Ծանրամարտի Եվրոպայի առաջնության չեմպիոններին ու մեդալակիրներին մեծ շուքով դիմավորել են հայրենիքում

11:23 22.02.2024

Հայաստանի ծանրամարտի տղամարդկանց և կանանց հավաքականներն այս գիշեր վերադարձել են Բուլղարիայից: Եվրոպայի առաջնությունից մեդալներով վերադարձած ծանրորդներին «Զվարթնոց» օդանավակայանում դիմավորել են ԿԳՄՍ նախարարի տեղակալ Կարեն Գիլոյանը, ՀԱՕԿ գլխավոր քարտուղար Հրաչյա Ռոստոմյանը, մարզաշխարհի այլ ներկայացուցիչներ, մարզասերներ:

Հիշեցնենք՝ Եվրոպայի առաջնությունում Հայաստանի տղամարդկանց ու կանանց թիմերը միասին նվաճել են 11 ոսկե, 7 արծաթե և 8 բրոնզե մեդալներ (առանձին վարժությունների մեդալները ներառյալ)։ Այս ցուցանիշով Հայաստանը Եվրոպայում լավագույնն է:

Տղամարդկանց թիմային պայքարում Փաշիկ Ալավերդյանի գլխավորած ընտրանին երկրորդն է՝ զիջելով միայն Բուլղարիային:

Եվրոպայի առաջնության նորընծա չեմպիոն Վարազդատ Լալայանը լրագրողների հետ զրույցում նշել է՝ լավ էր պատրաստվել առաջնությանն ու արել է առավելագույնը. «Շատ ուրախ եմ, որ կարողացա ոսկե մեդալը նվաճել: Չեմ կարող ասել՝ Լաշայի բացակայությունը որքանով էր մոտիվացնող, բայց ես լիովին պատրաստ էի ու արեցի այն, ինչ կարող էի: Հիմա փուլ առ փուլ գնում ենք դեպի Օլիմպիական խաղեր: Փարիզում հաղթանակի հասնելու համար պետք է քրտնաջան աշխատել ու մարզվել, ինչն էլ անում եմ»:

Ծանրամարտի կանանց հավաքականի անդամ, Եվրոպայի կրկնակի բրոնզե մեդալակիր Հռիփսիմե Խուրշուդյանը, որը հրում վարժության իր վերջին մոտեցումից հետո հանել էր մարզակոշիկներն ու ակնարկել կարիերան ավարտելու մասին, նշել է՝ կարիերան ավարտելու վերաբերյալ վերջնական որոշումը կկայացնեն մարզչական խորհրդի հետ:

«Ունեմ բավականին լուրջ վնասվածքներ: Առաջին հերթին բուժում կստանամ: Դեկտեմբերին կայանալու է աշխարհի առաջնությունը. եթե տեսնենք՝ կարող եմ այդ ժամանակ մեդալի հավակնել, ապա կմասնակցեմ նաև աշխարհի առաջնությանը: Երբ հանեցի մարզակոշիկներս, կարծում էի՝ չեմ կարողացել մեդալ ապահովել: Մարզիչս չհասցրեց ասել, որ բրոնզե մեդալ եմ նվաճել: Սիրտս թողել եմ հարթակում: Տեսնենք՝ ինչ կլինի հետագայում»,- ասել է Հռիփսիմե Խուրշուդյանը և խոսել նաև իր զգացողությունների մասին:

«Իհարկե, գոհ եմ այն արդյունքներից, որոնք գրանցեցի այս տարիքում՝ երկու բալիկներից հետո մեծ սպորտ վերադառնալով: Խոստացել էի կրկին բարձրացնել մեր եռագույնը. ուրախ եմ, որ կարողացա պահել խոստումս: Ինձ համար դա հերոսություն էր»,- նշել է 36-ամյա մարզուհին:

Հիշեցնենք՝ ծանրամարտի Եվրոպայի առաջնությունում չեմպիոնի կոչմանն արժանացել են Ալեքսանդրա Գրիգորյանը (55 կգ), Գոռ Սահակյանը (67 կգ), Հակոբ Մկրտչյանը (96 կգ) և Վարազդատ Լալայանը (109+ կգ):

Եվրոպայի փոխչեմպիոններ են դարձել Դավիթ Հովհաննիսյանը (96 կգ), Սամվել Գասպարյանը (102 կգ) և Սիմոն Մարտիրոսյանը (109+ կգ): Երկամարտի արդյունքներով ԵԱ-ի պատվո հարթակի երրորդ աստիճանին էլ կանգնել են Ռաֆիկ Հարությունյանը (81 կգ), Գարիկ Կարապետյանը (102 կգ) և կանանց հավաքականի առաջատար Հռիփսիմե Խուրշուդյանը (87 կգ):

Հայաստանի հավաքականները ԵԱ-ին մասնակցել են Փաշիկ Ալավերդյանի և Արտաշես Ներսիսյանի գլխավորությամբ:

Բոլոր լուրերը

Կապակցված լուրեր

Նիկոլ Փաշինյանը շնորհավորական ուղերձ է հղել Արգենտինայի նախագահին

12:35 09.07.2025

Նիկոլ Փաշինյանը շնորհավորական ուղերձ է հղել Արգենտինայի նախագահին

Վարչապետ Նիկոլ Փաշինյանը շնորհավորական ուղերձ է հղել Արգենտինայի Հանրապետության նախագահ Խավիեր Միլեյին ազգային տոնի առթիվ, որում, մասնավորապես, ասված է. «Ջերմորեն շնորհավորում եմ Ձեզ Արգենտինայի Հանրապետության Ազգային տոնի առթիվ՝ մաղթելով խաղաղություն և բարօրություն։ Վստահ եմ, որ Հայաստանի և Արգենտինայի միջև ամուր բարեկամության և ընդհանուր արժեքների վրա հիմնված հարաբերությունները կշարունակեն զարգանալ և ամրապնդվել՝ ի շահ մեր ժողովուրդների: […] ...

Եվրահանձնաժողովը հրապարակել է Ուկրաինայի անդամակցությանը ամենաշատը աջակցող ԵՄ երկրների ցանկը

12:26 09.07.2025

Եվրահանձնաժողովը հրապարակել է Ուկրաինայի անդամակցությանը ամենաշատը աջակցող ԵՄ երկրների ցանկը

Ուկրաինայի անդամակցությունը Եվրամիությանը ամենաշատը աջակցում են Հյուսիսային Եվրոպայի և Բալթյան երկրները։ Ուկրաինայում անդամակցության մեծ հույս կա։ Այս մասին RBC-Ukraine-ին տված հարցազրույցում ասել է ընդլայնման հարցերով եվրահանձնակատար Մարտա Կոսը։ «Մենք հենց նոր հարցում անցկացրեցինք այն մասին, թե ինչպես են անդամ պետությունները աջակցում Ուկրաինայի անդամակցությանը ԵՄ-ին, և Ուկրաինան 14 անդամ պետությունների շարքում ամենատարածված թեկնածու երկիրն է», – […] ...

Երևանի Կենտրոն վարչական շրջանում գործարկվելու են էլեկտրական շչակներ

12:18 09.07.2025

Երևանի Կենտրոն վարչական շրջանում գործարկվելու են էլեկտրական շչակներ

Հուլիսի 10-ին՝ ժամը 10:30-ից մինչև 14:30-ն ընկած ժամանակահատվածում, Երևանի Կենտրոն վարչական շրջանի Ամերիկյան, Ծխախոտագործների, Հանրապետության, Արգիշտի, Չարենցի փողոցների, Արշակունյաց, Բաղրամյան, Տիգրան Մեծի պողոտաների մի շարք հասցեներում գործարկվելու են էլեկտրական շչակներ։ ...

Նիկոլ Փաշինյանն ու Իլհամ Ալիևը Աբու Դաբիում երկկողմ հանդիպում կունենան

12:10 09.07.2025

Նիկոլ Փաշինյանն ու Իլհամ Ալիևը Աբու Դաբիում երկկողմ հանդիպում կունենան

Հայաստանի Հանրապետության վարչապետ Նիկոլ Փաշինյանը հուլիսի 9-ին աշխատանքային այցով մեկնում է Արաբական Միացյալ Էմիրություններ: Այս մասին տեղեկացրել է ՀՀ վարչապետի մամուլի քարտուղար Նազելի Բաղդասարյանը՝ «Ֆեյսբուք»-ի իր էջում կատարած գրառման միջոցով: «Այսօր Աբու Դաբիում նախատեսված է Հայաստանի Հանրապետության վարչապետ Նիկոլ Փաշինյանի հանդիպումը ԱՄԷ նախագահ Շեյխ Մուհամմադ բին Զայեդ Ալ Նահյանի հետ»,- նշված է գրառման մեջ: Հուլիսի 10-ին, […] ...

CNN-ը պնդում է, որ Հեգսեթը դադարեցրել է Կիևին մատակարարումները առանց Սպիտակ տան հաստատման

12:05 09.07.2025

CNN-ը պնդում է, որ Հեգսեթը դադարեցրել է Կիևին մատակարարումները առանց Սպիտակ տան հաստատման

ԱՄՆ պաշտպանության նախարար Փիթ Հեգսեթը չի տեղեկացրել Սպիտակ տանը անցյալ շաբաթ Ուկրաինային որոշակի տեսակի զենքի մատակարարումները դադարեցնելու որոշման մասին, հաղորդում է CNN-ը ՝ հղում անելով մի շարք աղբյուրների։ Նրանք նշել են, որ սա «իրարանցում է առաջացրել վարչակազմի ներսում, քանի որ այն փորձում է հասկանալ, թե ինչու է կիրառվել կասեցումը և ինչպես բացատրել դա Կոնգրեսին և […] ...

SHANTNEWS

12:00 09.07.2025

SHANTNEWS

BACK_TO_TOP