22:08 22.02.2024
Անզեն արցախցի ծերունուն գլխատած ադրբեջանցի մարդասպան Քամիլ Զեյնալլին, ով Մոսկվայի «Դոմոդեդովո» օդանավակայանում երեկ ձերբակալվել էր, ազատ է արձակվել ու գիշերը վերադարձել է Բաքու: Հակառակ Հայաստանի կողմից հայտարարված միջազգային հետախուզման, Ռուսաստանի իրավապահները նրան արտահանձնել են:
Ռուսաստանի իրավապահները օրենքով պարտավո՞ր էին արտահանձնել կասկածյալին: Ի՞նչ մնարամասներ են հայտնի. «Հորիզոնի» տաղավարում թեմային անդրադարձել է Արտյոմ Երկանյանը:
«Նախ, հիշեցնեմ, որ խոսքը ծանրագույն ռազմական հանցագործություն կատարած մարդու մասին է: Համացանցում տարածված է տեսանյութը, թե ինչպես է այդ մարդ կոչվածը դանակով սառնասրտորեն կտրում հադրութցի ծերունու գլուխը: Ընդ որում՝ այդ տեսանյութը հենց ինքն է տարածել:
Դեպքը տեղի է ունեցել ամենայն հավանականությամբ 2020թ.-ի հոկտեմբերի 10-13-ն ընկած ժամանակահատվածում: Այնուհետ համացանցում տարածել է մեկ այլ տեսանյութ. այս անգամ էլ նա թալանում է Հադրութի գյուղերից մեկի տները:
Հետաքրքիր է, որ այդ դեպքերից անմիջապես հետո հենց ադրբեջանցի իրավապահները նրան ձերբակալել են և ենթարկել են վարչական կալանքի, 10 օրով ազատազրկել՝ ինտերնետում արգելված տեսանյութեր տարածելու համար: Այսինքն՝ հենց ադրբեջանցի իրավապահները հաստատում են այն, որ նա է եղել այդ տեսանյութում պատկերված անձը, և նա է տարածել այդ նյութերը:
Հայաստանում այդ մարդու դեմ 4 հոդվածներով քրեական գործ է հարուցվել և անցած տարվա մայիսին Հայաստանը միջազգային հետախուզում է հայտարարել այդ անձին, բայց ոչ թե Ինտերպոլի գծով, ինչպես այսօր հայտնի դարձավ, այլ՝ ԱՊՀ երկրների շրջանակում ստորագրած համապատասխան փաստաթղթի հիման վրա:
Հայաստանի ՆԳ նախարարի մամլո խոսնակ Նարեկ Սարգսյանն այսօր պարզաբանել է, թե ինչ է տեղի ունեցել երեկ։
Երեկ ցերեկը ռուսաստանցի գործընկերները տեղեկացրել են Հայաստանի ՆԳՆ աշխատակիցներին այն մասին, որ Մոսկվայի «Դոմոդեդովո» օդանավակայանում հայտնաբերվել է Հայաստանի կողմից հետախուզվող անձնավորությունը և առաջարկել են հաստատել այն, որ հետախուզումն ուժի մեջ է: Անմիջապես հաստատվել է, և Հայաստանում համապատասխան փաստաթղթի փաթեթ է հավաքվել, որպեսզի կազմակերպվի այդ անձի արտահանձնումը համապատասխան փաստաթղթի հիման վրա:
Մոսկվայում դեռ չէին հասցրել ստանալ այդ փաստաթղթերի փաթեթը, երբ կայացվեց նրան ազատ արձակելու մասին որոշում:
Ցերեկը տեսանք տեսանյութ, թե ինչպես է նա դուրս գալիս ոստիկանության բաժանմունքի տարածքից, այնուհետև իմացանք, որ նա տեղափոխվել է Ադրբեջանի դեսպանություն, իսկ գիշերը նա ժամանել է Բաքու: Օդանավակայանում նրան հերոսի պես են ընդունել՝ ծաղիկներով, և նրան բազմաթիվ լրագրողներ են սպասել: Մոտավորապես այնպես են նրան ընդունել, ինչպես ժամանակին՝ Ռամիլ Սաֆարովին»,- ասել է Արտյոմ Երկանյանը:
Իրականում ինչո՞ւ են Մոսկվայում կայացրել Զեյնալլիին ազատելու որոշումը: Ի՞նչ կարող է Հայաստանը ձեռնարկել ստեղծված պայմաններում:
Մանրամասները՝ ամբողջական հարցազրույցում:
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
23:36 20.06.2025
Պետդեպ. Միայն Թրամփը կկայացնի որոշումներ Ռուսաստանի և Ուկրաինայի վերաբերյալ ԱՄՆ-ումՄիացյալ Նահանգներում Ռուսաստանի և Ուկրաինայի միջև հակամարտության վերաբերյալ որոշումներ կկայացնի միայն նախագահ Դոնալդ Թրամփը։ Այս մասին ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։ «Միայն նախագահը (Թրամփը) կարող է որոշել, թե ինչպես շարունակել (Ռուսաստանի և Ուկրաինայի միջև հակամարտության վերաբերյալ)», – ասել է Պետդեպարտամենտի ներկայացուցիչը։ Նրա խոսքով՝ Միացյալ Նահանգներն ուշադիր հետևում է Մոսկվայի և […] ...
23:24 20.06.2025
Իրանը մտադիր չէ բանակցություններ վարել, քանի դեռ Իսրայելը շարունակում է հարձակումներըԻրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և այլ եվրոպական երկրների հետ։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ժնևում կայացած բանակցություններից հետո։ «Մենք աջակցում ենք «եվրոպական եռյակի»-ի և Եվրամիության մյուս երկրների հետ խորհրդակցությունների շարունակմանը և պատրաստ ենք նաև մոտ ապագայում ևս մեկ հանդիպում անցկացնել», – նրա խոսքերն է […] ...
23:16 20.06.2025
Մեսսին տուգանայինից խփած գոլերի քանակով մոտեցել է Պելեին«Ինտեր Մայամիի» հարձակվող Լիոնել Մեսսին կարիերայում 68-րդ գոլն է խփել տուգանայինից, հայտնում է Onefootball-ը: «Ոսկե գնդակի» 8-ակի դափնեկիրն այժմ 2 գոլով է հետ «Ֆուտբոլի արքա» Պելեից: Իսկ առաջատարն այս հաշվարկում Բրազիլիայի հավաքականի և ֆրանսիական «Լիոնի» նախկին, լեգենդար կիսապաշտպան Ժունինյո Պեռնամբուկանոն է: Նա կարիերայի ընթացքում տուգանայինից խփել է 77 գոլ: ...
