13:13 14.04.2024
Մարդու իրավունքների պաշտպանի աշխատակազմում ապրիլի 12-ին տեղի է ունեցել միջգերատեսչական քննարկում՝ դատարանների խցերում ազատությունից զրկված անձանց իրավունքների ապահովման վիճակի, առկա խնդիրների գործնական և օրենսդրական լուծումների ուղղությամբ իրականացվող քայլերի վերաբերյալ։
Գործնականում հաճախ խնդիրներ են առաջանում կապված այն հարցի հետ, թե որ պետական մարմնի վրա պետք է դրվի ազատությունից զրկված անձանց դատարանի խցերում տեղաբաշխելու, պահման բավարար պայմաններ, ներառյալ՝ պատշաճ սնունդ և բուժօգնություն ապահովելու, նրանց առողջության պահպանման, ինչպես նաև դատարանի շենքում վերջիններիս անվտանգությունն ապահովելու պարտականությունը:
Հանդիպմանը մասնակցել են ՀՀ արդարադատության նախարարության, ՆԳՆ ոստիկանության, Քննչական կոմիտեի, Դատական դեպարտամենտի և Քրեակատարողական ծառայության ներկայացուցիչներ։
Իրավասու պետական մարմինների ներկայացուցիչները ներկայացրել են վերոնշյալ թեմայի վերաբերյալ 2024 թվականի հունվարի 31-ին կայացած հանդիպման ընթացքում քննարկված հարցերի կարգավորման ուղղությամբ իրականացված քայլերը, նախանշել են արդյունավետ լուծման կարճաժամկետ և երկարաժամկետ ուղիներ, ևս մեկ անգամ ընդգծվել է համապատասխան օրենսդրական կարգավորումների մշակման անհրաժեշտությունը։
Պաշտպանի աշխատակազմի Խոշտանգումների և վատ վերաբերմունքի կանխարգելման վարչության պետ Լաուրա Գասպարյանը և Քաղաքացիական, սոցիալ-տնտեսական և մշակութային իրավունքների պաշտպանության դեպարտամենտի ղեկավար Վլադիմիր Հովհաննիսյանը ներկայացրել են դատարանների խցերում ազատությունից զրկված անձանց իրավունքների պաշտպանության, պահման պայմանների վերաբերյալ Պաշտպանի կողմից իրականացված մշտադիտարկման այցերի ընթացքում և անհատական բողոքներով արձանագրված խնդիրները, որոնք ամփոփվել են նաև Մարդու իրավունքների պաշտպանի կանխարգելման ազգային մեխանիզմի 2023 թվականի տարեկան զեկույցում։
«Օրենսդրական հստակ կարգավորումների բացակայությունը հանգեցնում է ազատությունից զրկված անձանց իրավունքների ապահովման հետ կապված խնդիրների: Մենք արձանագրել ենք դեպքեր, երբ ազատությունից զրկված անձը 12 ժամ գտնվելով դատարանի շենքում՝ սնունդ ընդունելու հնարավորություն չի ունեցել, չի կարողացել ստանալ իրեն ցուցված դեղորայքը՝ համապատասխան կառուցակարգերի բացակայության պատճառով։ Հետևաբար անհրաժեշտ է, որ այս բոլոր հարցերը օրենսդրությամբ պատշաճ և հստակ կարգավորվեն»,- նշել է Լաուրա Գասպարյանը։
Մեկ այլ խնդիր է ազատությունից զրկված անձի խորհրդապահական կարգով իրավաբանական օգնության կազմակերպումը։ Օրենսդրությամբ պատշաճ կարգավորված չեն ազատությունից զրկված անձանց դատարանի խցերում պահվելու ընթացքում անհրաժեշտ իրավաբանական օգնություն ստանալու կառուցակարգերը, ինչը կարող է խախտել անձի սահմանադրական իրավունքը։
Միջգերատեսչական նմանատիպ հանդիպումները կրելու են շարունակական բնույթ՝ մարդու իրավունքների պաշտպանության ոլորտում առկա խնդիրները վերհանելու, պատասխանատու գերատեսչությունների հետ արդյունավետ համագործակցելու և Մարդու իրավունքների պաշտպանի կողմից արձանագրված խնդիրներին պատշաճ լուծումներ տալու նպատակով։
17:25 07.07.2025
Քննարկվել են ուսանողների շրջանում առողջ ապրելակերպի խրախուսման հնարավորություններըԿԳՄՍ նախարար Ժաննա Անդրեասյանն ընդունել է ՀՀ բուհերի ռեկտորներին՝ քննարկելու ուսանողների շրջանում պետական քաղաքականությամբ նախատեսված առողջ ապրելակերպի խրախուսմանն ուղղված ծրագրերը: Հանդիպմանը ներկա են եղել ԿԳՄՍ նախարարի տեղակալ Հասմիկ Ավագյանը, Բարձրագույն կրթության և գիտության կոմիտեի նախագահ Սարգիս Հայոցյանը և ԿԳՄՍՆ գլխավոր քարտուղար Հասմիկ Հակոբյանը: Հանդիպման ընթացքում նախարարն անդրադարձել է «Բարձրագույն կրթության և գիտության մասին» ՀՀ օրենքի […] ...
17:16 07.07.2025
Քրեակատարողական ծառայության պետը շրջայց է կատարել «Վանաձոր» ՔԿՀ-ի նոր վերանորոգված և կահավորված տարածքներումՔրեակատարողական ծառայության պետ Ծովինար Թադևոսյանը տեղակալներ Սահակ Գրիգորյանի և Վահե Նանուշյանի հետ այցելել է «Վանաձոր» քրեակատարողական հիմնարկ։ Հիմնարկի պետ Արկադի Թադևոսյանի ուղեկցությամբ Ծառայության պետը շրջել է հիմնարկի ամբողջ տարածքում, այցելել նոր վերանորոգված և կահավորված խցերը, սանհանգույցները, բնակելի գոտու հիմնանորոգված այլ հատվածներ։ Շրջայցի ընթացքում Ծովինար Թադևոսյանը ծանոթացել է նաև մատուցվող սննդին։ Ազատությունից զրկված անձանց հարցերին և […] ...
17:10 07.07.2025
«Նոան» նոր պայմանագիր է ստորագրել պորտուգալացի ֆուտբոլիստի հետ«Նոան» նոր պայմանագիր է ստորագրել պորտուգալացի հարձակվող Հելդեր Ֆերեյրայի հետ, հայտնում է ակումբի մամուլի ծառայությունը։ Համաձայնագիրը կգործի մինչև 2027 թ. հուլիսի 1-ը։ Այն ևս մեկ տարով երկարաձգելու կետ կունենա։ Պորտուգալացին «Նոային» միացել է 2024 թ. հուլիսին, 42 խաղում 13 գոլ է խփել, կատարել նույնքան գոլային փոխանցում։ ...
17:02 07.07.2025
Գրանցվել է 656 դեպք, որից 255-ը՝ արտակարգ. Փրկարար ծառայությունն ամփոփում է անցած շաբաթըՀունիսի 30-ից հուլիսի 6-ը ՆԳՆ ՓԾ ճգնաժամային կառավարման ազգային կենտրոնում գրանցվել է 656 դեպք, որից 255-ը՝ արտակարգ: Մասնավորապես՝ հրդեհի՝ 169, փլուզման, պայթյունի, կենսաապահովման կոմունալ համակարգերում վթարի, քարաթափման, դիակի հայտնաբերման, որոնողափրկարարական, դժբախտ պատահարի՝ 1-ական, ուժեղ քամու՝ 7, երկրաշարժի՝ 4, զինամթերքի հայտնաբերման՝ 2, կեղծ ահազանգի՝ 8, թունավորման՝ 6, վայրի կենդանիների հարձակման՝ 9, օձի նկատման՝ 46, ինքնասպանության փորձի՝ […] ...
16:54 07.07.2025
Հայտնաբերվել է 420 ոչ սթափ վարորդ․ պարեկների անցած շաբաթվա ծառայության արդյունքներըՀունիսի 30-ից հուլիսի 7-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4938 խախտում՝ պահպանվող հատուկ տարածք տեղափոխելով 145 ավտոմեքենա։ Մասնավորապես, հայտնաբերվել է ոչ սթափ 180 վարորդ, առանց վարորդական իրավունքի վկայականի՝ 293 անձ։ Հայտնաբերվել է հաշվառման համարանիշի հետ կապված՝ 41, չամրակապված վարելու՝ 809, առանց մանկական նստատեղի՝ քարսիթի՝ 20, վարելու ընթացքում ծխելու՝ 500, […] ...
16:48 07.07.2025
Փրկարարներն ու ջրային պարեկները Սևանա լճում և առափնյա հատվածներում իրականացնում են շուրջօրյա հերթապահությունՀուլիսի 1-ից Սևանա լճում և առափնյա շրջաններում մեկնարկած ուժեղացված հսկողությանն «Արմենպրես» լրատվական գործակալությունում անդրադարձել են ՆԳՆ Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար Արմեն Ճզմաչյանն ու Ոստիկանության պարեկային ծառայության Գեղարքունիքի մարզի գումարտակի ջրային պարեկների վաշտի հրամանատար Դավիթ Գալոյանը: Փրկարարները ծառայությունն իրականացնում են 2 հերթափոխով` 24 ժամյա սկզբունքով: Փրկարարները դիտաշտարակներից հեռադիտակների միջոցով հետևում […] ...
