15:49 19.07.2024
Արդեն մի քանի օր շարունակվող ուսանողական բողոքի ակցիաների հետ կապված Բանգլադեշի մայրաքաղաք Դաքայում ցուցարարների և ոստիկանների միջև դաժան բախումներ են տեղի ունեցել, որոնց հետևանքով տասնյակ մարդիկ են զոհվել, հարյուրավոր մարդիկ վիրավորվել են։ Բանգլադեշի իշխանությունները բարձր սպառնալիքի ռեժիմ են սահմանել ողջ երկրում։ Համացանցը գրեթե ամենուր անջատված է, իսկ որոշ հատվածներում հեռախոսագծերը չեն աշխատում, հայտնում է BBC-ն։
Հինգշաբթի Դաքայում հրդեհվել է պետական BTV հեռուստաընկերության շենքը։ Իշխանությունները նշում են, որ հրկիզումը սկսել են ցուցարարները:
Հեռուստաընկերության ֆեյսբուքյան պաշտոնական էջում հաղորդագրություն է հայտնվել, որ ներսում մարդիկ կան, ովքեր չգիտես ինչու չեն կարողացել դուրս գալ։ BTV-ի ղեկավարությունը օգնություն է խնդրում հրշեջներից։
Բանգլադեշի տեղեկատվության նախարարը հայտնել է, որ հեռարձակումները դադարեցվել են, և անձնակազմի մեծ մասը լքել է շենքը:
Ուսանողները դուրս են եկել փողոց՝ պահանջելու փոխել համակարգը, ըստ որի պետական հատվածի աշխատատեղերի մեկ երրորդը վերապահում է 1971 թվականի Պակիստանից անկախության պատերազմի վետերանների հարազատներին:
Ուսանողները ներկայիս պրակտիկան անվանում են խտրական և պահանջում են, որ աշխատանքի ընդունումը հիմնված լինի յուրաքանչյուր առանձին թեկնածուի որակավորման վրա:
Հարյուրավոր մարդիկ դուրս են եկել փողոց՝ ի նշան համերաշխության Հնդկաստանում բանգլադեշցի ուսանողների հետ։ Համայն Հնդկաստանի դեմոկրատ ուսանողների կազմակերպությունը (AIDSO) զանգվածային երթեր է կազմակերպել;
Անկախ աղբյուրները նշում են, որ բողոքի ցույցերի մեկնարկից ի վեր, ընդհանուր առմամբ, զոհվել է 32 մարդ։
BBC Bengal-ը մինչ այժմ կարողացել է հաստատել 17 մարդու մահը, այդ թվում՝ 32-ամյա Dhaka Times-ի լրագրողի։
Նախորդ գիշեր Բանգլադեշի վարչապետ Շեյխ Հասինան ուսանողներին հանգստության կոչ է արել, սակայն իրավիճակը միայն վատացել է հինգշաբթի օրը։
Երեկ ոստիկանությունը արցունքաբեր գազ և ռետինե փամփուշտներ կիրառեց ուսանողների վրա, ովքեր մարդկային շղթաներ էին կազմել փողոցներում:
BTV-ի ներկայացուցչի խոսքով՝ հեռուստաընկերության շենք ներխուժած ուսանողները նախկինում հրկիզել են ոստիկանական բաժանմունքը։
19:00 17.08.2025
Երևանի Րաֆֆու անվան թիվ 36 հիմնական դպրոցում փորձարկվելու է էլեկտրական շչակՕգոստոսի 18-ին՝ ժամը 10:30-ին, «Երևանի Րաֆֆու անվան թիվ 36 հիմնական դպրոց» ՊՈԱԿ-ում փորձարկվելու է էլեկտրական շչակ։ Փրկարար ծառայությունից խնդրում են չանհանգստանալ։ ...
18:28 17.08.2025
Կամչատկայում 5.0 մագնիտուդով երկրաշարժ է տեղի ունեցելԿամչատկայի երկրամասում գրանցվել է 5.0 մագնիտուդով երկրաշարժ։ Այս մասին հայտնել է Ռուսաստանի գիտությունների ակադեմիայի միասնական երկրաֆիզիկական ծառայության Կամչատկայի մասնաճյուղը։ Երկրաշարժը տեղի է ունեցել Պետրոպավլովսկ-Կամչատկայից 214 կմ հեռավորության վրա։ Էպիկենտրոնը գտնվել է 19.4 կմ խորության վրա։ ...
17:50 17.08.2025
Ռուսաստանը և ԱՄՆ-ն համաձայնության են եկել Կիևի անվտանգության երաշխիքների շուրջ. ՈւիթքոֆԱՄՆ-ն և Ռուսաստանը համաձայնության են եկել Ուկրաինայի անվտանգության երաշխիքների շուրջ, հայտարարել է ԱՄՆ նախագահի հատուկ ներկայացուցիչ Սթիվեն Ուիթքոֆը։ Նա հավելել է, որ «հիմա ամեն ինչ կախված է Կիևից»։ Ուիթքոֆը նաև նշել է, որ հակամարտության կարգավորման մեջ տարածքների հարցը կքննարկվի ԱՄՆ նախագահ Դոնալդ Թրամփի և Վլադիմիր Զելենսկիի միջև երկուշաբթի օրը կայանալիք հանդիպման ժամանակ։ ...
17:25 17.08.2025
Պուտինն ու Լուկաշենկոն հեռախոսազրույց են ունեցելԲելառուսի նախագահ Ալեքսանդր Լուկաշենկոն և Ռուսաստանի նախագահ Վլադիմիր Պուտինը հեռախոսազրույցի ընթացքում քննարկել են Ալյասկայում կայացած ռուս-ամերիկյան գագաթնաժողովը, հաղորդում է Բելառուսի ղեկավարի մամուլի ծառայությանը մոտ աղբյուրը: «Բելառուսի և Ռուսաստանի նախագահները քննարկել են տարածաշրջանում ստեղծված իրավիճակը՝ հաշվի առնելով Ալյասկայում կայացած բանակցությունները։ Ռուսաստանի ղեկավարը մանրամասնորեն տեղեկացրել է իր բելառուս գործընկերոջը վերջերս կայացած Ռուսաստան-ԱՄՆ գագաթնաժողովի արդյունքների մասին», – ասվում […] ...
17:00 17.08.2025
Երևանի և մարզերի որոշ հասցեներում գազանջատումներ կլինեն«Գազպրոմ Արմենիա» ընկերությունը տեղեկացնում է, որ ձմռան նախապատրաստական, պլանային աշխատանքներ իրականացնելու նպատակով՝ օգոստոսի 20-ին ժամը 11:00-ից մինչև ժամը 15:00-ն, կդադարեցվի Երևան քաղաքի Դավթաշեն վարչական շրջանի «Ձոր 2» թաղամասի առանձնատների գազասպառողների գազամատակարարումը։ Պլանային աշխատանքներ իրականացնելու նպատակով՝ օգոստոսի 20-ին ժամը 09:00-ից մինչև ժամը 14:00-ն, կդադարեցվի Շիրակի մարզի Գյումրի քաղաքի Անի թաղամասի Տրդատ Ճարտարապետ փողոցի, Ավստրիական, Մուշ, Բուլվարային […] ...
16:30 17.08.2025
Մահացել է Վարդան Բոստանջյանը76 տարեկանում մահացել է տնտեսագետ, քաղաքական գործիչ, ՀՀ ԱԺ 4-րդ, 5-րդ և 6-րդ գումարման պատգամավոր, տնտեսագիտական գիտությունների դոկտոր, պրոֆեսոր, ՀՀ ԱԺ Գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախկին նախագահ Վարդան Բոստանջյանը: Հոգեհանգստի արարողությունը տեղի կունենա օգոստոսի 18-ին՝ ժամը 18:00-ին, Կոնդի Սուրբ Հովհաննես Մկրտիչ եկեղեցում։ Հուղարկավորությունը տեղի կունենա օգոստոսի 19-ին՝ ժամը 12:00-ին, Կոնդի […] ...
