15:18 08.11.2024
Արդարադատության նախարարի տեղակալ Կարեն Կարապետյանն ընդունել է Եվրոպայի խորհրդի Տեղական և տարածքային իշխանությունների կոնգրեսի գլխավոր քարտուղար Մաթյո Մորիի գլխավորած պատվիրակությանը, որի կազմում էին Երևանում Եվրոպայի խորհրդի գրասենյակի ղեկավար Մաքսիմ Լոնգանգեն և Եվրոպայի խորհրդի Տեղական ու տարածքային իշխանությունների կոնգրեսի Բազմամակարդակ կառավարման փորձագիտական կենտրոնի ղեկավարի տեղակալ Նայըլ Շիերին։
Նախարարի տեղակալը բարձր է գնահատել Կոնգրեսի հետ համագործակցությունը և կառույցի հանձնառությունը՝ ՀՀ-ում տեղական ինքնակառավարման մարմիններին առնչվող ոլորտներում բարեփոխումներին աջակցելու հարցում։ Ներկայացնելով Կոնգրեսի և ՀՀ գերատեսչությունների միջև համագործակցության շրջանակը Մաթյո Մորին երախտագիտություն է հայտնել բարձր մակարդակով ապակենտրոնացման և տարածքային կառավարման բարեփոխումների ենթատեքստում փոխգործակցության արդյունքների համար։ Մորին նաև ներկայացրել է Կոնգրեսի կողմից ստանձնած նոր գործառույթը՝ Մարդու իրավունքների եվրոպական դատարանի վճիռները տեղական կառավարման մակարդակներում պատշաճ կատարմանն աջակցելու մեխանիզմները:
Կողմերը քննարկել են նաև ԵԽ Կոռուպցիայի դեմ պայքարի պետությունների խմբի (GRECO) նոր մեկնարկվող «Կոռուպցիայի կանխարգելումը և բարեվարքության խթանումը ենթազգային մակարդակում (ՏԻՄ մարմիններում)» վերտառությամբ 6-րդ գնահատման փուլի շրջանակներում Կոնգրեսի դերակատարությունը։ Մորին ընդգծել է Կոնգրեսի ակտիվ ներգրավվածությունը GRECO-ի գնահատման մեթոդաբանության մշակման գործում, ինչպես նաև հետագայում զեկույցների հանձնարարականներից բխող աջակցության աշխատանքներում։
Հանդիպմանն անդրադարձ է կատարվել նաև տեղական ինքնակառավարման մարմիններում կոռուպցիայի կանխարգելման ուղղությամբ իրականացված բարեփոխումներին և 2023-2026թթ. հակակոռուպցիոն ռազմավարության շրջանակներում նախատեսվող գործողություններին: Մասնավորապես, Կարեն Կարապետյանը ներկայացրել է ավագանու անդամների անհամատեղելիության պահանջների հստակեցման նպատակով իրականացված օրենսդրական փոփոխությունները, ընդգծել է հակակոռուպցիոն ռազմավարության շրջանակներում ավագանիների վարքագծի կանոնների և դրանց նկատմամբ վերահսկողության գործուն մեխանիզմների ներդրման կարևորությունը:
Կողմերը կարևորել են նաև այս ուղղությամբ իրականացվող բարեփոխումների շարունակականությունը՝ ապահովելու ոլորտում առկա եվրոպական չափանիշների ներդրումը ՀՀ-ում։ ԵԽ ներկայացուցիչները պատրաստակամություն են հայտնել նշված գործողությունների շրջանակներում պահանջվող տարածքային կառավարման և տեղական ինքնակառավարման մարմիններում իրազեկվածության բարձրացման և կարողությունների զարգացման աջակցություն ցուցաբերելու վերաբերյալ։
Քննարկվել են նաև փոխադարձ հետաքրքրություն ներկայացնող այլ թեմաներ, ինչպիսիք են քաղաքացիական հասարակության դերը տեղական ինքնակառավարման ոլորտում, Եվրոպական սոցիալական խարտիայի ներքո հաշվետվության մեխանիզմները:
21:51 18.06.2025
Իրանն Իսրայելի ուղղությամբ առաջին անգամ արձակել է «Սաջիլ» երկաստիճան միջին հեռահարության բալիստիկ հրթիռԻսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը մարտական գործողությունների ընթացքում առաջին անգամ արձակել է «Սաջիլ» երկաստիճան միջին հեռահարության (2000կմ) բալիստիկ հրթիռ, հաղորդում է Tasnim լրատվական գործակալությունը։ Նշվում է, որ Իրանը Իսրայելի ուղղությամբ արձակել է երեք նմանատիպ հրթիռ։ Ավելի վաղ SHANTNEWS.am-ը հայտնել էր, որ Իրանի զինված ուժերը հրթիռներ են արձակել Իսրայելի ուղղությամբ: ...
21:45 18.06.2025
Կարեն Խաչանովի հաղթական մեկնարկը Հալե-ի ATP-500 մրցաշարումԳերմանական Հալեում ընթացող ATP-500 կարգի մրցաշարում Կարեն Խաչանովը հաղթանակի է հասել Զիզու Բերգսի նկատմամբ: Գրանցվել է 6:4, 6:3 հաշիվը: Աշխարհի 22-րդ ռակետը երկրորդ անգամ էր խաղում բելգիացու հետ և երկրորդ հաղթանակն է տարել։ 1/8 եզրափակչում Խաչանովը կմրցի աշխարհի 27-րդ ռակետ Ֆելիքս Օժյե Ալյասիմի հետ: Կանադացու հետ դիմակայությունների հաշիվն է՝ 1-2: Նրանք չէին հանդիպել 3 տարի: ...
21:41 18.06.2025
Հացահատիկային մշակաբույսերի բերքատվության կանխատեսում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հացահատիկային մշակաբույսերի բերքատվության կանխատեսումը: Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ. հացահատիկային մշակաբույսերի միջին հանրապետական բերքատվությունը (ցողունակալման փուլում) 1 հեկտարից սպասվում է․ աշնանացան ցորեն` 18.5-19ց, գարնանացան գարի՝ 16ց։ ...
21:36 18.06.2025
Փաշինյան-Էրդողան հանդիպումից առաջ Ալիևը Հայաստանի հետ համաձայնագրի կնքման նոր նախապայմաններ է առաջ քաշումԲաքվում աշխատանքն է սկսել «Սևծովյան տնտեսական համագործակցության» կազմակերպության խորհրդարանական վեհաժողովի հերթական նստաշրջանը: Ինչպես և սպասվում էր, Ադրբեջանի իշխանությունները այդ հարթակը կրկին օգտագործել են հակահայկական հռետորաբանության ու քարոզչության համար: Ինչո՞ւ է Բաքվում անցնում ու արդյո՞ք Հայաստանի խորհրդարանը ներկայացված է պատվիրակությամբ: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Կազմակերպության 65-րդ նստաշրջանը 3 օր է տևելու Բաքվում: Այնտեղ […] ...
21:28 18.06.2025
Թենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունումԹենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունում։ Եվրոպական գոտու երրորդ ենթախմբում հայ թենիսիստուհիները 2-1 հաշվով հաղթել են Անդորրայի թիմին։ Մենախաղում Ալինա Սողոմոնյանը 6-3, 6-1 հաշվով հաղթել է Յուդիթ Կարտանային, իսկ Անի Ամիրաղյանը 0-6, 1-6 հաշվով պարտվել է աշխարհի 135-րդ ռակետ Վիկտորյա Խիմենես-Կասինցևային։ Հայաստանի թիմը հաղթանակն ամրագրել է զուգախաղում։ Սողոմոնյան […] ...
