19:18 25.03.2025
ՀՀ ԲՏԱ նախարարի առաջին տեղակալ Գևորգ Մանթաշյանը մարտի 25-ին Կենտրոնական բանկի Դիլիջանի ուսումնահետազոտական կենտրոնում մասնակցել և բացման խոսքով է հանդես եկել ՀՀ ԲՏԱ նախարարության, Կենտրոնական բանկի և Հայաստանի տեղեկատվական համակարգերի գործակալության կողմից՝ Թվային կառավարման օրակարգի շրջանակում պետական կառույցների ջանքերի համախմբման նպատակով համատեղ կազմակերպված «Թվային փոխակերպման առաջնորդություն» խորագրով երկօրյա աշխատաժողովի մեկնարկի արարողությանը: Այս մասին հայտնում են ԲՏԱ նախարարությունից։
«Գևորգ Մանթաշյանը ողջունելով հանդիպման մասնակիցներին՝ կարևորելել է թվայնացման դերը մեր երկրում: Նախարարի տեղակալը խոսել է ոլորտում օրենսդրական նախաձեռնությունների մասին՝ նշելով, որ թվայնացումը ինքնանպատակ գործընթաց չէ, այն ուղղված է մեր հանրային ծառայությունների և մի շարք այլ ոլորտների լավացմանը, պետության առաջընթացին ու զարգացմանը:
Ողջույնի խոսքով է հանդես եկել նաև Հայաստանի Կենտրոնական բանկի նախագահ Մարտին Գալստյանը: ԿԲ նախագահը կարևորելով նման հանդիպում-քննարկումները՝ շնորհակալություն է հայտնել ՀՀ բարձր տեխնոլոգիական արդյունաբերության նախարարությանը, Տեղեկատվական համակարգերի գործակալությանը և նշել, որ Հայաստանի առաջխաղացման համար թվայնացումն այլընտրանք չունի: Մարտին Գալստյանը նաև ներկայացրել է թվայնացման ոլորտում Էստոնիայի ունեցած հաջողված փորձը:
Տեղեկատվական համակարգերի գործակալության տնօրեն Ներսես Երիցյանը կարևոր է համարել ՀՀ ԲՏԱ նախարարության կողմից նախաձեռնած օրենսդրական փոփոխությունները և նշել, որ թվային հասարակությունը պետք է ունենա ճարտարապետություն և այդ ճարտարապետության վերաբերյալ ընդհանուր ընկալումներ:
Աշխատաժողովը, որը վարել է Էստոնիայի թվային վերափոխումը իրականություն դարձրած թիմի առաջնորդներից Անդրես Կուտտն, ընդգրկել է Էստոնիայի թվայնացման պատմություն, Ժամանակակից քաղաքականությունների մարտահրավերներ, Թվային կառավարման ճարտարապետություն, Էլեկտրոնային ինքնություն և նույնականացում, Փոխգործելիություն և տվյալների կառավարում թեմաները:
Աշխատաժողովին ներկա են գտնվել հանրային իշխանության մարմինների մի շարք բարձրաստիճան հյուրեր և ներկայացուցիչներ:
Աշխատաժողովի աշխատանքները՝ «Կյանքի 12 իրադարձություն» թվայնացման նախագծում ներգրավված հանրային ծառայողների և այլ անձանց մասնակցությամբ շարունակվելու են նաև մարտի 26-ին՝ Կիբեռանվտանգություն, Թվային վերափոխմամբ պայմանավորված աշխատանքային մշակույթի փոփոխություններ, Կառույցների և դրանց տեղեկատվական համակարգերի փոխհարաբերություններ, Թվային ծառայությունների կառավարում, Նորարարության տարածում և գնումների ռազմավարություն, Գաղտնիություն, վստահություն և կրիպտոգրաֆիա թեմատիկաների շուրջ»,-ասված է հաղորդագրության մեջ:
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
23:36 20.06.2025
Պետդեպ. Միայն Թրամփը կկայացնի որոշումներ Ռուսաստանի և Ուկրաինայի վերաբերյալ ԱՄՆ-ումՄիացյալ Նահանգներում Ռուսաստանի և Ուկրաինայի միջև հակամարտության վերաբերյալ որոշումներ կկայացնի միայն նախագահ Դոնալդ Թրամփը։ Այս մասին ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։ «Միայն նախագահը (Թրամփը) կարող է որոշել, թե ինչպես շարունակել (Ռուսաստանի և Ուկրաինայի միջև հակամարտության վերաբերյալ)», – ասել է Պետդեպարտամենտի ներկայացուցիչը։ Նրա խոսքով՝ Միացյալ Նահանգներն ուշադիր հետևում է Մոսկվայի և […] ...
23:24 20.06.2025
Իրանը մտադիր չէ բանակցություններ վարել, քանի դեռ Իսրայելը շարունակում է հարձակումներըԻրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և այլ եվրոպական երկրների հետ։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ժնևում կայացած բանակցություններից հետո։ «Մենք աջակցում ենք «եվրոպական եռյակի»-ի և Եվրամիության մյուս երկրների հետ խորհրդակցությունների շարունակմանը և պատրաստ ենք նաև մոտ ապագայում ևս մեկ հանդիպում անցկացնել», – նրա խոսքերն է […] ...
23:16 20.06.2025
Մեսսին տուգանայինից խփած գոլերի քանակով մոտեցել է Պելեին«Ինտեր Մայամիի» հարձակվող Լիոնել Մեսսին կարիերայում 68-րդ գոլն է խփել տուգանայինից, հայտնում է Onefootball-ը: «Ոսկե գնդակի» 8-ակի դափնեկիրն այժմ 2 գոլով է հետ «Ֆուտբոլի արքա» Պելեից: Իսկ առաջատարն այս հաշվարկում Բրազիլիայի հավաքականի և ֆրանսիական «Լիոնի» նախկին, լեգենդար կիսապաշտպան Ժունինյո Պեռնամբուկանոն է: Նա կարիերայի ընթացքում տուգանայինից խփել է 77 գոլ: ...
