13:50 27.03.2025
Հայաստանի Ազգային ժողովի արտաքին հարաբերությունների հանձնաժողովի նախագահ Սարգիս Խանդանյանը արձագանքեց Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովի հայտարարությանը, որով նա կոչ էր արել Հայաստանին արագացնել խաղաղության համաձայնագրի ստորագրման գործընթացը՝ հղում կատարելով Սահմանադրության փոփոխության անհրաժեշտությանը։
«Խաղաղության համաձայնագրի շանսը բաց չթողնելու համար Ադրբեջանը պետք է օր առաջ առաջարկի ստորագրման տեղ և ժամ ու համաձայնեցնի մեզ հետ։ Ինչ վերաբերում է Սահմանադրության փոփոխության պահանջին կամ այն որպես նախապայման դիտարկելուն, դա լեգիտիմ չէ։ Հայաստանը բազմիցս ասել է՝ իր Սահմանադրության մեջ չկա որևէ տարածքային պահանջ որևէ հարևանի նկատմամբ։ Բայց, եթե նույնիսկ լիներ էլ, խաղաղության համաձայնագրի տեքստը ամբողջությամբ լուծում է այդ հարցը»,- «Արմենպրես»-ի հաղորդմամբ՝ լրագրողների հետ ճեպազրույցում ասաց Խանդանյանը։
Նա շեշտեց, որ Սահմանադրության փոփոխությունը Հայաստանի ներքին իրավական և քաղաքական գործընթացն է։ «Մեր քաղաքական ուժը գտնում է, որ անհրաժեշտ է նոր Սահմանադրություն ընդունել, բայց այդ նոր Սահմանադրությունն առնչություն չունի խաղաղության համաձայնագրի բովանդակության հետ»,- ընդգծեց Խանդանյանը։
Լրագրողի հստակեցմանը, թե արդյոք Հայաստանը պատրաստվո՞ւմ է Սահմանադրության փոփոխության գործընթացն արագացնել խաղաղության համաձայնագրի ստորագրման նպատակով, Խանդանյանը պատասխանեց.
«Ոչ, նման հարց չի քննարկվում։ Ինչպես ասել ենք, նոր Սահմանադրության նախագիծը պատրաստ կլինի մինչև 2026 թվականի խորհրդարանական ընտրություններ։ Քանի որ օրենքը սահմանադրական հանրաքվե անցկացնելու հնարավորություն չի տալիս ընտրությունների հետ միասին, հավանաբար այն կանցկացվի խորհրդարանական ընտրություններից հետո»։
21:54 19.06.2025
Մարտունու համայնքային ոստիկանները ապօրինի թմրաշրջանառության դեպքեր են բացահայտելՕրերս Համայնքային ոստիկանության Մարտունու բաժնի ծառայողները բացահայտել են ապօրինի թմրաշրջանառության չորս դեպք։ Մասնավորապես՝ նրանք Գեղարքունիքի մարզի տարբեր բնակավայրերում նույն կասկածանքով ձերբակալել են մի խումբ անձանց։ Նրանց խուզարկությամբ հայտնաբերվել են տարբեր քաշերով մարիխուանայի նմանվող զանգվածներ։ Թմրամոլության և ապօրինի թմրաշրջանառության դեմ պայքարը հետևողականորեն շարունավում է։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ […] ...
21:49 19.06.2025
«Նոան» ընկերական խաղում 9 գնդակ է ուղարկել սլովենական ակումբի դարպասըՀայաստանի չեմպիոն «Նոան» Ավստրիայում ուսումնամարզական հավաքի ընթացքում առաջին ընկերական հանդիպումն է անցկացրել ու 9-0 հաշվով հաղթել Սլովենիայի երրորդ լիգան ներկայացնող «Չարդա» ակումբին։ Հեթ-տրիկ է գրանցել Իմրան Ուլադ Օմարը, իսկ Հելդեր Ֆերեյրան ու Գոնսալո Գրեգորիոն դուբլի հեղինակ են դարձել, մեկական անգամ էլ աչքի են ընկել Մայքլ Ասիրյանն և Բիլալ Ֆոֆանան։ ...
21:46 19.06.2025
Սպիտակ տուն. Թրամփը երկու շաբաթվա ընթացքում կորոշի՝ արդյոք ԱՄՆ-ն կհարվածի ԻրանինԱՄՆ նախագահ Դոնալդ Թրամփը կարծում է, որ կա Թեհրանի հետ բանակցությունների զգալի հավանականություն կա միջուկային ծրագրի շուրջ, և երկու շաբաթվա ընթացքում կորոշի՝ արդյոք ԱՄՆ-ն կհարվածի Իրանին։ Այս մասին ճեպազրույցի ժամանակ հայտարարել է Սպիտակ տան մամուլի քարտուղար Քերոլայն Լիվիտը։ «Քանի որ Իրանի հետ բանակցությունների զգալի հավանականություն կա, որոնք կարող են տեղի ունենալ կամ չլինել մոտ ապագայում, […] ...
21:42 19.06.2025
Ավելի արագ ծառայություններ, ավելի լավ կազմակերպված քաղաքային համակարգ՝ այս ուղղությամբ է զարգանում մեր քաղաքը․ ԱվինյանԵրևանի քաղաքապետ Տիգրան Ավինյանը Ֆեյսբոիքի իր էջում գրել է․ «Ավելի արագ ծառայություններ, ավելի հարմար հաղորդակցում երևանցիների հետ, ավելի լավ կազմակերպված քաղաքային համակարգ — հենց այս ուղղությամբ է զարգանում մեր քաղաքը։ Երևանի քաղաքային կառավարման տեխնոլոգիաների կենտրոնի կողմից ստեծված նորարարական համակարգերին արդեն իսկ փոխում են երևանցիների առօրյան՝ դարձնելով քաղաքային ծառայությունները ավելի հասանելի, արդյունավետ և ժամանակակից։ Նույն վայրում […] ...
21:36 19.06.2025
Քաղաքագետ Հայկ Սուքիասյանի կարծիքով իրանա-իսրայելական մեծ պատերազմ աղետալի հետևանքներով չի լինի«Հեռանկարն» այսօր հյուրընկալել է «Քրիստոնեա-ժողովրդավարական կուսակցության» փոխնախագահ, քաղաքագետ Հայկ Սուքիասյանին։ Զրույցը ծավալվել է հիմնականում Իրան-Իսրայել հակամարտության զարգացումների շուրջ։ Թրամփը վերջնագիր է ներկայացնում, Իրանը չի զիջում, փորձագետները ասում են, թե մոտենում է այն պահը երբ ԱՄՆ-ն ուղղակիորեն ներգրավվելու է այս պատերազմի մեջ։ Եվ այս ամենը տեղի է ունենում մեր տարածաշրջանում, մեզանից ոչ շատ հեռու։ Արդյո՞ք այս […] ...
