18:54 12.05.2025
Արդարադատության նախարարի տեղակալ, խորհրդի նախագահ Աննա Կարապետյանի գլխավորությամբ տեղի է ունեցել Անչափահասների արդարադատության խորհրդի հերթական նիստը։ Նիստին մասնակցել են նաև Խորհրդի անդամ ոլորտային գերատեսչությունների և հասարակական կազմակերպությունների ներկայացուցիչներ։
Բացման խոսքում Աննա Կարապետյանը շեշտադրել է, որ Խորհրդի գործունեությունը պետք է լինի կառուցողական և առարկայական՝ կարևորելով միջգերատեսչական համագործակցությունը և երեխայի լավագույն շահի վրա հիմնված արդյունքների ապահովումը։ Աննա Կարապետյանն իր խոսքում անդրադարձել է նաև նախորդ նիստից հետո կատարված աշխատանքներին, աշխատանքային խմբի հանդիպումներին, ինչպես նաև այս ոլորտում միջազգային համագործակցությանը՝ ընդգծելով ակտիվ մասնակցությունը Երեխաների նկատմամբ բռնության վերացման գլոբալ դաշինքի` ս.թ. ապրիլին կայացած նիստին։
Բացման խոսքով հանդես է եկել նաև «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրենի ժամանակավոր պաշտոնակատար Գևորգ Սիմոնյանը՝ կարևորելով Խորհրդի հետևողական աշխատանքները և շնորհակալություն հայտնելով ՄԱԿ-ի մանկական հիմնադրամին՝ ոլորտային օրակարգի ձևավորման, ռազմավարական ուղղությունների նախանշման և ինստիտուցիոնալ ամրապնդմանն ուղղված աջակցության համար։
Նիստի ընթացքում քննարկվել են հարկադիր կատարման ապահովման փուլում երեխայի լավագույն շահի հիմնախնդիրները, ներառյալ երեխայի տեսակցության և երեխային պահանջատիրոջ խնամքին հանձնելու պահանջների կատարման ընթացակարգերը, անդրադարձ է կատարվել անչափահասների մասնակցությամբ քննչական գործողությունների ընթացքում հոգեբանների ներգրավման գործնական խնդիրներին և ընթացակարգերին, ինչպես նաև Բարնահուս մոդելի ներդրման ուղղությամբ իրականացվող աշխատանքներին։
Նիստի ընթացքում ներկայացվել է նաև Կենտրոնի կողմից նախաձեռնված անաչափահասների շրջանում առցանց հանցագործությունների կանխարգելման նպատակով իրազեկման ծրագիրը։ Նիստին ելույթ են ունեցել Երևանի թիվ 111 հիմնական դպրոցի աշակերտները՝ ներկայացնելով ծրագրի շրջանակում իրենց պատրաստած տեսանյութը և սահիկաշարը՝ սեռով պայմանավորված կարծրատիպերի ձևավորման և մեդիայի դերի վերաբերյալ։ Երեխաները նաև հարցեր են ուղղել խորհրդի անդամներին՝ սեռով պայմանավորված կարծրատիպերի, աշխատանքում հնարավոր մարտահրավերների և իրենց հուզող այլ թեմաների վերաբերյալ։
Աննա Կարապետյանը և Խորհրդի անդամները ողջունել են երեխաների ներգրավվածությունը և իրենց խնդիրները բարձրաձայնելու և քննարկումներին մասնակից դառնալու այլ հնարավորություններ քննարկել։
Ամփոփելով նիստը՝ Աննա Կարապետյանը նախանշել է հաջորդիվ կայանալիք նիստի ընթացքում քննարկվող թեմաների շրջանակը՝ կարևորելով այս նիստի ընթացքում բարձրացված հարցերի ու կոնկրետ խնդիրների հետևողական հասցեագրումը, ինչպես նաև յուրաքանչյուր գերատեսչության հանձնառության կատարումը։
20:15 29.07.2025
Վահագն Խաչատուրյանը այցելել է Կապանի օդանավակայանՍյունիքի մարզ կատարած այցի շրջանակում նախագահ Վահագն Խաչատուրյանը մարզպետ Ռոբերտ Ղուկասյանի և ՏԿԵ նախարար Դավիթ Խուդաթյանի ուղեկցությամբ այցելել է Կապանի օդանավակայան, ծանոթացել նրա աշխատանքին, տեխնիկական զինվածությանն ու կահավորմանը։ Այս մասին տեղեկացնում են նախագահի աշխատակազմից: ...
20:08 29.07.2025
Վահան Կոստանյանը հանդիպում է ունեցել Շվեդիայի Թագավորության ԱԳ նախարարության պետքարտուղար Դագ Հարթելիուսի հետՀուլիսի 29-ին, Նյու Յորք աշխատանքային այցի շրջանակներում, ՀՀ ԱԳ նախարարի տեղակալ Վահան Կոստանյանը հանդիպում է ունեցել Շվեդիայի Թագավորության ԱԳ նախարարության պետքարտուղար Դագ Հարթելիուսի հետ: Այս մասին հայտնում են ՀՀ ԱԳՆ-ից։ «Հանդիպման ընթացքում կողմերը գոհունակությամբ արձանագրել են Հայաստանի և Շվեդիայի միջև դինամիկ զարգացող երկկողմ հարաբերությունները՝ հիմնված ընդհանուր արժեքների և ժողովրդավարության վրա: Վերահաստատվել են ընդհանուր հետաքրքրություն ներկայացնող […] ...
19:48 29.07.2025
Զախարյանն ապաքինվել է վիրուսից«Ռեալ Սոսյեդադի» կիսապաշտպան Արսեն Զախարյանն ապաքինվել է վիրուսից և վերսկսել մարզումները։ Այս մասին հաղորդում է Sport24-ը։ «Զախարյանը հուլիսի 28-ին մարզման առաջին հատվածն ընդհանուր խմբի հետ է անցկացրել։ Ամեն ինչ լավ է»,- ասել է բասկյան ակումբի մամուլի քարտուղար Յոն Անդեր Մունդուատեն։ Ռուսաստանի ազգային հավաքականի հայ ֆուտբոլիստը հուլիսի 14-ից ապաքինվում էր վիրուսից։ Նա տարբեր վնասվածքների պատճառով 2024/25 […] ...
19:37 29.07.2025
Անահիտ Մանասյանը հանդիպել է ՄԱԿ-ի Երեխայի իրավունքների կոմիտեի փոխնախագահ Ֆիլիպ Ջաֆֆեի հետՀՀ մարդու իրավունքների պաշտպան Անահիտ Մանասյանը հուլիսի 29-ին հանդիպել է ՄԱԿ-ի Երեխայի իրավունքների կոմիտեի փոխնախագահ Ֆիլիպ Ջաֆֆեի հետ։ Այս մասին հայտնում են Պաշտպանի աշխատակազմից։ «Հանդիպման ընթացքում Պաշտպանը ներկայացրել է երեխաների իրավունքների ոլորտում ՄԻՊ հաստատության կողմից իրականացվող ծրագրերն ու առաջնահերթ ուղղությունները։ Անահիտ Մանասյանը հատուկ ընդգծել է, որ երեխաների իրավունքների պաշտպանությունն ու խթանումը մշտապես գտնվում են իր […] ...
19:30 29.07.2025
Թաիլանդը գերի է վերցրել 18 կամբոջացի զինվորիԹաիլանդի ցամաքային ուժերը սահմանին տեղի ունեցած բախումից հետո գերի են վերցրել 18 կամբոջացի զինվորի, երեքշաբթի օրը լրագրողներին հայտնել է Թաիլանդի ցամաքային ուժերի խոսնակ, գեներալ-մայոր Վինտհայ Սուվարին։ Գեներալի ճեպազրույցը հեռարձակվել է The Reporters առցանց հեռուստաալիքով։ «Ցամաքային զորքերի երկրորդ ռազմական շրջանը հայտնել է Սիսակետ նահանգում սահմանին տեղի ունեցած բախումից հետո 18 կամբոջացի զինծառայողների գերեվարման մասին: Վիրավոր կամբոջացի […] ...
