16:20 13.04.2018
Շամիրամ գյուղում անցած տարվա օգոստոսի 1-ին տեղի ունեցած սպանության գործով դատաքննությունն այսօր դարձյալ մի քանի րոպե տևեց: Ամբաստանյալ Թելման Քալաշյանի շահերի պաշտպան Կրոմվել Գիգորյանը նորից չէր ներկայացել դատական նիստին. ուղարկված գրությամբ պատճառաբանել էր, որ չի ստացել նիստի օրվա մասին ծանուցում և այլ նիստերով ծանրաբեռնված է:
Այս փաստաբանն արդեն երրորդ դատական նիստին չի ներկայանում: Դատարանը դեռ նախորդ դատական նիստին էր դիմել Փաստաբանների պալատ՝ հանրային պաշտպան ներգրավելու համար: Այսօր ներկայացել էր հանրային պաշտպան Ինգա Ավագյանը: Տուժողների իրավահաջորդների պաշտպան Բաբկեն Մարտոյանն ասաց, որ Կրոմվել Գրիգորյանի վարքագիծը չի համապատասխանում փաստաբանի վարքագծին: Դատական նիստի օրվա մասին ծանուցման կարիք ընդհանրապես չկար, քանի որ ի սկզբանե նիստերի օրերը որոշվել են՝ յուրաքանչյուր ուրբաթ:
Ամբաստանյալ Թելման Քալաշյանը հրաժարվեց նրա ծառայությունից: Ասաց՝ ինքը պաշտպան ունի: Դատավոր Սուրեն Մնոյանը չընդունեց նրա մերժումը: Թելման Քալաշյանն էլ ասաց, թե չի ներկայանա դատական նիստերին:
Հիշեցնենք՝ սպանությունը կատարվել էր 2017 թվականի օգոստոսի 1-ին Շամիրամ գյուղի սգո սրահում, որտեղ եզդիները նշում էին ազգային «Խեր» միջոցառումը: Ըստ մեղադրանքի՝ Թելման Քալաշյանը զինված մուտք էր գործել և կրակել համագյուղացիների ուղղությամբ: 3 մարդ տեղում զոհվել էր, ևս 1-ը հիվանդանոցում էր մահացել, 7-ը վիրավորվել էր: Մահացածներից երկուսը Շամիրամի բնակիչներ էին, մյուսները եկել էին Ռուսաստանից։ Ըստ ականատեսների՝ կրակողը դեպքի վայրից փախել էր, գյուղի սկզբնամասում թողել իր վարած «Նիվա» մակնիշի սպիտակ մեքենան և անհետացել:
25 օր անց Թելման Քալաշյանը հայտնաբերվեց իր հորեղբոր տանը: Ըստ մեղադրանքի՝ հանցագործությունը կատարվել էր կենցաղային պատճառով, «Սայգա» տեսակի որսորդական հրացանով: Ըստ առաջադրված մեղադրանքի՝ Թելման Քալաշյանը 75 հազար դոլար էր պարտք տվել Ռուսաստանում բնակվող և աշխատող Քյարամյան եղբայրերին: Պայմանավորվածության համաձայն՝ եղբայրները պետք է պարտքը վերադարձներին մաս-մաս:
Քյարամյան եղբայրները վերադարձրել էին 45 հազար դոլարը: Մնացածը չէին կարողացել վերադարձնել, քանի որ գործերը Ռուսաստանում հաջող ընթացք չէին ունեցել: Քալաշյանը մի քանի տարի շարունակ փորձել է հետ ստանալ գումարը, բայց ապարդյուն: Դիմել է նաև Քյարամյան եղբայրների բարեկամներին, միջնորդին, ում միջոցով պարտք էր տվել, սակայն կրկին արդյունք չէր եղել: Սպանության օրը`օգոստոսի 1-ին, անգամ սգո սրահում Թելման Քալաշյանն ասել է՝ տվեք գումարս, չեմ կրակի:
Ամբաստանյալի աթոռին է նաև Թելման Քալաշյանի հորեղբայրը`Քյարամ Քալաշյանը: Նրան մեղադրանք է առաջադրվել ծանր հանցագործությունը պարտակելու մեղադրանքով:
22:17 21.05.2025
Լավրովի այցը Երևան. ի՞նչ ուղերձներ հնչեցրեց ռուս գլխավոր դիվանագետըԻ՞նչ ուղերձներ հնչեցրեց Հայաստանում գտնվող Ռուսաստանի ԱԳ նախարարը և ի՞նչ ենթատեքստեր ունեն այդ հայտարարությունները. այս և այլ հարցերի «Հեռանկար»-ի տաղավարում անդրադարձել է նախկին դիվանագետ, իրավագետ Վաներ Հարությունյանը: Ամբողջական հարցազրույցը՝ տեսանյութում: ...
22:08 21.05.2025
Կոտայքի մարզի «Չայնիի» ոլորաններում բախվել են «Mercedes» ու «Chevrolet»-ն. կա 7 վիրավորՄայիսի 21-ին, ավտովթար է տեղի ունեցել Կոտայքի մարզում: Ժամը 18:50-ի սահմաններում Երևան-Սևան ավտոճանապարհի 28 կմ հատվածում՝ «Չայնիի» ոլորաններում բախվել են «Mercedes» և «Chevrolet» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով 7 հոգի տարբեր աստիճանի մարմնական վնասվածքներով տեղափոխվել են «Աբովյան» բժշկական կենտրոն: Վիրավորներին առաջինը օգնության են հասել քաղաքացիները և ըստ քաղաքացիների հայտնածի ՝օպերատիվորեն ժամանած «Աբովյան» […] ...
21:48 21.05.2025
Գվարդիոլան պայման է առաջարկել «Մանչեսթեր Սիթիում» մնալու համար«Մանչեսթեր Սիթիի» գլխավոր մարզիչ Պեպ Գվարդիոլան ԱՊԼ 37-րդ տուրում «Բորնմութի» հետ խաղից հետո հայտարարել է, որ չի մնա ակումբում, եթե ֆուտբոլիստների քանակը շատ լինի կազմում: «Ես ակումբի ղեկավարությանն արդեն հայտնել եմ, որ չեմ պատրաստվում 5-6 ֆուտբոլիստի դուրս թողնել հայտացուցակից: Այլապես՝ կհեռանամ: Նվազեցրե՛ք ֆուտբոլիստների թիվը: Չեմ սիրում ֆուտբոլիստներիս թողնել տրիբունաներում», – Պեպի խոսքերն է մեջբերում ESPN-ը: ...
21:37 21.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 22-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Նոր Կիլիկիա թաղ. 1, 2, 3, 4, 6 շենքեր և հարակից ոչ բնակիչ-բաժանորդներ, Նորագյուղ թաղ. 51-354 առանձնատներ և հարակից ոչ բնակիչ-բաժանորդներ, Ամիրյան փ. 11, 13 շենքեր, Կողբացի փ. 3, […] ...
21:26 21.05.2025
ԿԳՄՍ նախարարը ծանոթացել է Էստոնիայի կրթական համակարգին, իրականացվող ծրագրերին և բարեփոխումներինՇարունակվում է ՀՀ կրթության, գիտության, մշակույթի և սպորտի նախարարի գլխավորած պատվիրակության պաշտոնական այցը Էստոնիայի Հանրապետություն: Այս մասին հայտնել են ԿԳՄՍ նախարարությունից: Այցի շրջանակում նախարար Ժաննա Անդրեասյանը հանդիպել է Էստոնիայի Հանրապետության կրթության և հետազոտությունների նախարար Քրիստինա Կալլասին: Վերջինս ներկայացրել է Էստոնիայի կրթական համակարգը, իրականացվող ծրագրերը և բարեփոխումները: ԿԳՄՍ նախարար Ժաննա Անդրեասյանը ներկայացրել է ՀՀ կրթության և […] ...
