11:09 24.10.2018
ՀՀ վարչապետի թեկնածու Նիկոլ Փաշինյանը խորհրդարանում ելույթի ժամանակ խոստացավ՝ Մարտի 1-ի գործը հիմնովին բացահայտվելու է: Նա նաև նախազգուշացրեց՝ պետք է պատրաստ լինել, որովհետև հեշտ չի լինելու իմանալ այն ամենը, ինչն առաջիկայում կիմանան, և ոչ միայն այս գործում:
«Ասում են՝ ինչո՞ւ նոր բացահայտումներ չկան, տպավորություն է, որ այդ պրոցեսը ինչ-որ ձևով կանգնել է: Այո՛, ճիշտ է դա, և դա ունի կոնկրետ պատճառ. այսօր Հայաստանում բոլոր քննչական մարմինների և քննիչների ծանրաբեռնվածությունը կրկնապատկվել է, քննիչներ կան, որ միանգամից քսան, երեսուն գործ են քննում: Դատարանները համատարած, առնվազն շատ հաճախ կիրառում են գրավ և մարդկանց կալանքից ազատ են արձակում: Ուզում եմ պարզ լինել, այդպիսի մեկնաբանություններ էլ կան, որ՝ այ, դուք մի կողմից բռնում եք, իբր բռնողը մենք ենք, չնայած որոշ դեպքերում մենք ենք, ասում են՝ այ, մի կողմից բռնում եք, հետո պայմանավորվում և բաց թողնում: Սա շատ կարևոր հարց է և ծանր մեղադրանք, ես ուզում եմ կարևորել, չնայած շատերը թուլություն կհամարեն, բայց ես որևէ կերպ չեմ միջամտում դատական իշխանության գործերին, ոչ թե նրա համար, որ չեմ կարող, այլ որովհետև պարտավորվել եմ հանրության առաջ»,- ասաց նա:
Փաշինյանը նշեց, որ կա լավ լուր, այն է, որ մեր ՔԿՀ-ների ծանրաբեռնվածության, կալանքի կիրառման պրակտիկայի առումով աննախադեպ ցածր մակարդակի վրա ենք: Նրա խոսքերով՝ ՔԿՀ-ները եղել են ամենախոշոր բիզնեսներից մեկը. մարդը մտավ ՔԿՀ, ամբողջ հիմնարկը փորձում է նրանից հնարավորինս շատ գումար քաղել:
«Մարդիկ տներ են ծախում, որ ՔԿՀ-ներում իրենց պարտքերը փակեն, ինչքան շատ մարդ կա, այնքան շատ են, չէ՞, փող հավաքում, այդ մաֆիոզ կառույցի մի մասն այսօր էլ համակարգում պաշտոններ է զբաղեցնում: Ինչո՞ւ բոլորին չենք հանել, նախ՝ ճիշտ չէ թացը չորին խառնել, համահարթեցնել, երկրորդը, որ իրենց հանենք, ո՞ւմ ենք բերելու, աշխատեցնելու յոթանասուն հազար դրամով»,- ասաց նա:
Փաշինյանը չբացառեց, որ կարող են պետական կառավարման մարմիններում լինել օղակներ, որոնք հրահանգ տան դատական համակարգին: Նա նշեց՝ եթե ինքը հրահանգ չի տալիս, դա չի նշանակում, որ դատական համակարգը հրահանգներ չի փնտրում, այդպիսի հրահանգներ նա կարող է թե՛ այս, թե՛ նախորդ իշխանության օղակներից ստանալ, բայց պետք է դիագնոզը դնել, նոր բուժում նշանակել:
Վարչապետի թեկնածուն տեղեկացրեց, որ ԱԺ պատգամավորի նկատմամբ կա գործ, և արդեն երկու ամիս մի թղթի պաշտոնական պատասխանին են սպասում, որ օրը դա եղավ, նախաձեռնություն է լինելու նրան կալանավորելու վերաբերյալ: Փաշինյանը հայտնեց, որ դա կաշառքի գործ է:
23:59 23.06.2025
Սևանա լճի հիդրոլոգիական ռեժիմը հունիսի 16-22-ըՍևանա լճի մակարդակը 2025 թվականի հունիսի 16-22-ն ընկած ժամանակահատվածում իջել է 1 սմ-ով և կազմել՝ 1900.72 մ (22.06.25թ․), որն անցյալ տարվա նույն օրվա մակարդակից բարձր է 8 սմ-ով, իսկ 2025 թվականի հունվարի 1-ի մակարդակից՝ 33 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականի հունիսի 16-22-ն ընկած ժամանակահատվածում Սևանա լիճ […] ...
23:57 23.06.2025
Թրամփ. Իրանի հարվածներից ոչ մի ամերիկացի չի տուժելԱՄՆ նախագահ Դոնալդ Թրամփը հայտարարել է, որ Կատարում գտնվող ամերիկյան ավիաբազային Իրանի կողմից հասցված հարվածների հետևանքով ոչ մի ամերիկացի չի տուժել։ «Ես կցանկանայի շնորհակալություն հայտնել Կատարի բարձրաստիճան Էմիրին այն ամենի համար, ինչ նա արել է տարածաշրջանում խաղաղություն հաստատելու ուղղությամբ։ Կատարի ամերիկյան բազայում այսօր տեղի ունեցած հարձակման վերաբերյալ ուրախ եմ հայտնել, որ ամերիկացիներ չեն զոհվել կամ […] ...
23:46 23.06.2025
Խամենեի. Իրանը ագրեսիա չի ցուցաբերելԻրանը որևէ մեկի նկատմամբ ագրեսիա չի ցուցաբերել և ոչ մի պարագայում թույլ չի տա իր նկատմամբ ագրեսիա։ Այս մասին հայտարարել է Իսլամական Հանրապետության գերագույն հոգևոր առաջնորդ Ալի Խամենեիnն: «Իրանը որևէ մեկի նկատմամբ ագրեսիա չի ցուցաբերել։ Եվ մենք ոչ մեկին թույլ չենք տա ագրեսիա ցուցաբերել ոչ մի պարագայում։ Սա իրանական ազգի տրամաբանությունն է», – գրել է […] ...
23:40 23.06.2025
Tasnim. Իրանի խորհրդարանը հավանություն է տվել ՄԱԳԱՏԷ-ի հետ համագործակցության կասեցմանըԻրանի խորհրդարանի ազգային անվտանգության կոմիտեն հաստատել է Մերձավոր Արևելքում իրավիճակի սրումից հետո Միջազգային ատոմային էներգիայի գործակալության (ՄԱԳԱՏԷ) հետ համագործակցությունը կասեցնելու ծրագիրը, հաղորդում է իրանական Tasnim լրատվական գործակալությունը՝ հղում անելով կոմիտեի ներկայացուցչին։ Նշվում է, որ կոմիտեի անդամները հաստատել են օրինագծի ընդհանուր դրույթները, որոնք պարտավորեցնում են Իսլամական Հանրապետության կառավարությանը կասեցնել համագործակցությունը միջազգային միջուկային կարգավորողի հետ։ ...
23:36 23.06.2025
Գեղարքունիքի մարզում 66-ամյա վարորդը «BMW»-ով բախվել է հողաթմբերին և հայտնվել դաշտում, ինչի հետևանքով անվահեծանը կոտրվել է․ կան վիրավորներՀունիսի 23-ին, ավտովթար է տեղի ունեցել Գեղարքունիքի մարզում։ Ժամը 15:30-ի սահմաններում Սևան-Մարտունի ավտոճանապարհի 51 կմ հատվածում Գեղարքունիքի մարզի բնակիչ 66-ամյա Լևիկ Հ․-ն իր վարած «BMW» մակնիշի ավտոմեքենայով դուրս է եկել երթևեկելի գոտուց, բախվել հողաթմբին և հայտնվել դաշտում, ինչի հետևանքով դիմացի աջ անվահեծանը կոտրվել է։ Ինչպես հայտնում է shamshyan.com-ը, վթարի հետևանքով վարորդը և ուղևորներ, Գեղարքունիքի մարզի […] ...
23:30 23.06.2025
Կառուցումից ի վեր չհիմնանորոգված Երևանի թիվ 49 մանկապարտեզը վերածվել է հարմարավետ և հոգատար միջավայրի մեր փոքրիկների համար․ ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում հայտնել է, որ կառուցումից ի վեր չհիմնանորոգված Երևանի թիվ 49 մանկապարտեզը վերածվել է անվտանգ, հարմարավետ և հոգատար միջավայրի փոքրիկների համար։ «Մենք հետևողականորեն ձևավորում ենք հավասար և հասանելի պայմաններ բոլոր երեխաների լիարժեք զարգացման ու ուրախ մանկության համար»,- գրել է նա։ Մանրամասները՝ տեսանյութում: ...
