16:37 23.05.2018
ԱԺ-ում հարցուպատասխանի ժամանակ ՀՀԿ խմբակցության անդամ Արմեն Աշոտյանը ՀՀ վարչապետ Նիկոլ Փաշինյանին հարց ուղղելուց առաջ հիշեցրեց, որ Հայաստան-ԵՄ համաձայնագիրը վավերացվեց ԱԺ-ում և հունիսի 1-ից մտնում է ուժի մեջ:
«Հարցս ուղղում եմ վարչապետին: Թեկուզ ժամանակին բարձր կարծիք չեք արտահայտել այդ համաձայնագրի մասին, բայց այն պետք է կյանքի կոչել և կյանքի կոչելու պարտականությունը այս փուլում ձերն է: Ի՞նչ է արել ձեր կառավարությունը, որ հունիսի 1-ից ուժի մեջ մտնող համաձայնագրի իրագործումը պլանավորվի և կյանքի կոչվի: Հարց երկրորդ՝ այս տարի ստորագրվեց ԵՄ-Հայաստան գործընկերության փաստաթուղթը: Արդյո՞ք այդ փաստաթուղը վերանայվելու է՝ ելնելով կառավարության նոր գերակայություններից: Հարց երրորդ՝ անցյալ տարի հաստատվեց Հայաստանին մինչև 2020 թվականը տրվող ֆինանսական աջակցության ծավալը ԵՄ-ի կողմից, մինչև 2020 թվականը՝ 160 մլն եվրո: Արդյո՞ք կառավարությունը բանակցելու է այդ աջակցության ծավալը վերանայելու ուղղությամբ՝ դեպի բարձրացում բնականաբար»,- հարցրեց Աշոտյանը:
Փաշինյանն էլ Աշոտյանին հիշեցրեց, որ նույնիսկ մինչև համաձայնագրի ստորագրումը ԵՄ-ի հետ «Ելք» դաշինքը հանդես է եկել հայտարարությամբ, որտեղ կողմերին կոչ էր արել ցուցաբերել քաղաքական կամք և ստորագրել պայմանագիրը: Փաշինյանի խոսքերով՝ «Ելք» խմբակցությունը քննարկման ընթացքում ամբողջությամբ աջակցություն է ցույց տվել և կողմ է քվեարկել համաձայնագրի վավերացմանը:
«Ինչ վերաբերում է իրագործմանը: Դուք գիտեք, այո՛, ՀՀ-ն վավերացրել է, բայց ԵՄ-ի երկրների հետ վավերացման գործընթացը շարունակվում է, և մենք ԵՄ գործընկերների հետ շփումների ընթացքում այդ հարցը պահում ենք մեր ուշադրության կենտրոնում՝ ակնկալելով, որ այդ գործընթացը ԵՄ երկրներում կարագանա: Մեկ օր առաջ այդ հարցը նաև քննարկվել է Կիպրոսի Սենատի նախագահի հետ հանդիպման ընթացքում: Մենք հույս ունենք, որ ԵՄ երկրները հնարավորինս արագ այդ փաստաթուղթը կվավերացնեն: Ինչ վերաբերում է ֆինանսական աջակցության ծավալներին: Այո՛, մենք այդ ուղղությամբ նույնպես կաշխատենք: Հիմա միջազգային հանրության ներկայացուցիչները մեզ հետ քննարկումների ընթացքում ֆինանսական աջակցություն ցույց տալու լայն աջակցություն են հայտնում»,- պատասխանեց վարչապետը:
Աշոտյանն այնուհետև նշեց, թե կարող է եզրակացություն անել, որ գործընկերության գերակայությունները մնալու են այն ուղղությունները, որոնք մատնանշվել են նախորդ իշխանությունների օրոք: Նա նաև վստահեցրեց, որ համաձայնագրի վավերացման հետ կապված կառավարությունը կարող է խորհրդարանական դիվանագիտության վրա ևս հույս դնել:
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
17:45 14.05.2025
Համագործակցության հուշագիր՝ Քրեակատարողական ծառայության և ԵՊՀ սոցիոլոգիայի ֆակուլտետի միջևԱյսօր՝ մայիսի 14-ին, ՀՀ արդարադատության նախարարության քրեակատարողական ծառայության և Երևանի պետական համալսարանի սոցիոլոգիայի ֆակուլտետի միջև կնքվել է համագործակցության հուշագիր, որը ստորագրել են Ծառայության պետ Ծովինար Թադևոսյանը և ֆակուլտետի դեկան Արթուր Մկրտիչյանը։ Համագործակցության անհրաժեշտությունը պայմանավորված է քրեակատարողական համակարգում սոցիալական աշխատանքի ինստիտուտի զարգացման կարևորությամբ, ազատազրկված անձանց վերասոցիալականացման քաղաքականության ամրապնդմամբ, ինչպես նաև քրեակատարողական ոլորտում գիտության և պրակտիկայի միջև […] ...
17:39 14.05.2025
Ընտրակաշառք տալու և ստանալու դեպքերի առթիվ քննված քրեական վարույթով նախաքննությունն ավարտվել էՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Գյումրի համայնքի՝ 2025 թվականի մարտի 30-ին նշանակված ավագանու արտահերթ ընտրություններին մասնակցող կուսակցությունների դաշինքի թեկնածուն Գյումրի քաղաքի բնակչին խոստացել է ընտրակաշառք՝ ընտրությանը մասնակցելու, ինչպես նաև իր ներկայացրած կուսակցությունների դաշինքի օգտին քվեարկելու համար ընտրողների հավաքագրում ապահովելու դիմաց: Մասնավորապես՝ նախաքննությամբ պարզվել է, որ հիշյալ […] ...
17:33 14.05.2025
Վարորդական իրավունքի վկայականը կեղծ էր. Գեղարքունիքի պարեկների բացահայտումըԳեղարքունիքի մարզի պարեկները մայիսի 6-ին Ծովագյուղ-Շորժա-Վարդենիս ճանապարհին տեխնիկական զննություն չանցնելու համար կանգնեցրել են Երևանի 27-ամյա բնակչի վարած «ՎԱԶ-2170» մակնիշի ավտոմեքենան: Պարզվել է, որ երիտասարդի ներկայացրած վարորդական իրավունքի վկայականը կեղծ է: Բացի այդ, 29-ամյա ուղևորը պարեկներին է ներկայացրել կիսամոխրացած հետքերով կաթուցիչ: Երիտասարդները մեքենայով հանդերձ տեղափոխվել են Համայնքային ոստիկանության Ճամբարակի բաժին: «ՎԱԶ-2170»-ը տեղափոխվել է պահպանվող հատուկ տարածք: […] ...
