16:52 14.11.2018
«Քաղաքացիական պայմանագիր» կուսակցությունը, որն ընտրություններին մասնակցում է «Իմ քայլը» դաշինքով, հրապարակել է համամասնական ցուցակը: Դրանում 183 թեկնածուի անուն կա: Դաշինքի ռեյտինգային ցուցակները ևս հաստատված են: Շիրակի մարզում «Իմ քայլը» 15 թեկնածու է առաջադրել: Այդ ցուցակում բացակայում է ՔՊ կուսակցության համահիմնադիր Արթուր Համբարձումյանի անունը: Նա Շիրակի մարզում ՔՊ ռեյտինգային թեկնածուն էր նախորդ խորհրդարանական ընտրություններին, իսկ ՏԻՄ ընտրություններին Արթուր Համբարձումյանը գլխավորում էր Գյումրիի ավագանու թեկնածուների ՔՊ-ի ցուցակը: Թե ինչու հիմա Արթուր Համբարձումյանը չի ընդգրկվել ցուցակներում, ըստ նրա՝ հիմնավոր պատճառաբանություն չի ներկայացվել:
«Ինձ ՔՊ կուսակցության փոխնախագահ Սուրեն Պապիկյանն ուղղակի պատճառաբանեց, թե կուսակցության վարչությունն իմ թեկնածությունն առաջադրելը նպատակահարմար չի համարում: Իմ հարաբերությունները լարված են կուսակցության վարչության մի խումբ մարդկանց հետ: Իսկ պատճառն այն է, որ ես գաղափարական, քաղաքական խնդիրներ ունեմ նրանց հետ՝ կապված կուսակցության արտաքին քաղաքականության հետ: Այս ընթացքում ինձ այլ քաղաքական ուժի կազմում առաջադրվելու բազմաթիվ առաջարկներ են եղել: Բայց ես ինձ որևէ այլ ուժի կազմում չեմ տեսնում: Նման պայմաններում ես ինձ այլևս «Իմ քայլը» դաշինքի թեկնածու էլ չեմ պատկերացնում»,- Shantnews-ի հետ զրույցում ասել է ՔՊ համահիմնադիր Արթուր Համբարձումյանը:
Կուսակցության անդամների հետ տարաձայնությունների հետևանքով, ըստ Համբարձումյանի, վարչությունն անցած տարվա նոյեմբերին փորձել է իրեն հեռացնել կուսակցության շարքերից, բայց 4 կողմ և 5 դեմ ձայներով որոշումը հավանության չի արժանացել: Ըստ Արթուր Համբարձումյանի՝ հավանաբար առաջիկայում կուսակցությունն իրեն հեռացնելու որոշում կկայացնի:
«Շիրակի մարզի տարածքային ցուցակում ընդգրկված են երիտասարդներ, որոնց կորիզը ՔՊ անդամներն են: Կան նաև անկուսակցականներ: Բավականին հավակնոտ թիմ է: Արթուր Համբարձումյանի՝ տարածքային ցուցակում չհայտնվելը պայմանավորված է հենց իր անձով: Եթե նա պատճառներ է փնտրում, թե ինչի չկա ցուցակում, թող այդ պատճառները փորձի փնտրել իր մեջ»,- Shantnews-ին ասել է ՔՊ կուսակցության Գյումրիի գրասենյակի պատասխանատու Կարապետ Մխչյանը:
Հիշեցնենք՝ «Իմ քայլը» դաշինքի Շիրակի մարզի ռեյտինգային թեկնածուներն են արտակարգ իրավիճակների նախարարի պաշտոնակատար Ֆելիքս Ցոլակյանը, Շիրակի մարզպետ Կարեն Սարուխանյանը, փոխմարզպետներ Սոֆյա Հովսեփյանը և Արա Մելիքջանյանը:
22:24 23.07.2025
Վստահ եմ, որ հաղթելու ենք ընտրություններում 50+ ձայնով․ Արսեն Թորոսյան«Հեռանկարն» այսօր հյուրընկալել է ԱԺ պատգամավոր, «Քաղաքացիական պայմանագիր» կուսակցության վաչության անդամ Արսեն Թորոսյանին։ Անդրադարձ է եղել Միջազգային հանրապետական ինստիտուտի՝ Հայաստանում իրականացված սոցհարցումներին, մասնավորապես «Քաղաքացիական պայմանագիր» կուսակցության վարկանիշի նվազմանը, 2026 թվականի սպասվող ընտրություններին։ «Բնական է, որ իշխանությունները պաշտոնավարման ընթացքում ինչ-որ չափով անկում ունենում են։ Սակայն ես վստահ եմ, որ հաղթելու ենք ընտրություններում 50+ ձայնով, քանի որ, […] ...
22:14 23.07.2025
Կատարը 2036թ. Օլիմպիական խաղերն ընդունելու պատրաստականություն է հայտնելԿատարի Ազգային օլիմպիական կոմիտեն հաստատել է, որ մասնակցելու է 2036 թվականի Օլիմպիական և Պարալիմպիկ խաղերը հյուրընկալող քաղաք ընտրելու գործընթացի վերաբերյալ Միջազգային օլիմպիական կոմիտեի հետ բանակցություններին, հաղորդում է այդ երկրի ԱՕԿ-ի մամուլի ծառայությունը։ «Մեր մասնակցությունը 2036 թվականի Օլիմպիական և Պարալիմպիկ խաղերը հյուրընկալելու վերաբերյալ բանակցություններին արտացոլում է ազգային ծրագրերը, ըստ որոնց՝ սպորտը զարգացման շարժիչ ուժ է, ազգերի […] ...
22:06 23.07.2025
Համբարձում Մաթևոսյանը Օլիվեր Ավրամոսկու և Բորիս Էրգի հետ հանդիպմանն անդրադարձել է COP 17-ի կազմակերպչական հարցերինՀՀ շրջակա միջավայրի նախարար Համբարձում Մաթևոսյանն ընդունել է Բնության պահպանության միջազգային միության (IUCN) Արևելյան Եվրոպայի և Կենտրոնական Ասիայի տարածաշրջանային գրասենյակի տնօրեն պարոն Օլիվեր Ավրամոսկիին և Եվրոպայի տարածաշրջանային գրասենյակի տնօրեն պարոն Բորիս Էրգին։ Այս մասին հայտնել են ՀՀ շրջակա միջավայրի նախարարությունից: Հանդիպման սկզբում կողմերն անդրադարձել են Կենսաբազմազանության մասին կոնվենցիայի կողմերի 17-րդ համաժողովի՝ COP 17-ի կազմակերպչական հարցերին։ […] ...
21:34 23.07.2025
Սպերցյանը` ՌՊԼ առաջին տուրի լավագույն ֆուտբոլիստ«Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանը հեղինակավոր Transfermarkt կայքի վարկածով ճանաչվել է Ռուսաստանի Պրեմիեր լիգայի 2025/26 մրցաշրջանի առաջին տուրի լավագույն ֆուտբոլիստ։ 25-ամյա ֆուտբոլիստը «Պարի Նիժնի Նովգորոդի» դեմ խաղում գոլ և գոլային փոխանցում էր գրանցել։ «Կրասնոդարի» ավագը Transfermarkt-ի վարկածով նաև տուրի խորհրդանշական հավաքականում է։ ...
21:25 23.07.2025
FT. ԵՄ-ն և ԱՄՆ-ն մոտ են 15% մաքսատուրքերով առևտրային համաձայնագրի կնքմանըԵվրամիությունը և Միացյալ Նահանգները մոտ են համաձայնագրի կնքմանը, որը կսահմանի 15% մաքսատուրքեր եվրոպական ներմուծման համար։ Այս մասին հայտնել է Financial Times (FT)-ը՝ հղում անելով երեք աղբյուրների։ Տեղեկությունների համաձայն՝ համաձայնագիրը նման է ԱՄՆ նախագահ Դոնալդ Թրամփի կողմից Ճապոնիայի հետ հայտարարված գործարքին և ենթադրում է փոխադարձ մաքսատուրքերի ներմուծում նշված չափով։ Միևնույն ժամանակ, ինչպես նշվում է հրապարակման մեջ, […] ...
