06 05 2024

$

387.32
4.23
€

416.10

+13.09 ^oC

Արարատյան դաշտում 38 նոր հոր բացելու ծրագիրը չի չեղարկվել

ՀԱՅԱՍՏԱՆ

18:30 17.11.2018

Սևանի փրկության համար հրավիրված գիտաժողովին մասնակցել է նաև Ջրային կոմիտեի նախագահ Ինեսսա Գաբայանը, ում SHANTNEWS.am-ն այսօր հարցեր է ուղղել նաև Արարատյան ջրային ավազանի վերաբերյալ:

Հայտնի է, որ միայն գրունտային ջրերի մակարդակն իջել է 3-ից մինչև 9 մետր, առանձին դեպքերում՝ մինչև 15 մետր: Մի կողմից՝ խոսվում է Արտեզյան ավազանի «հյուծված» վիճակի մասին, մյուս կողմից՝ Ջրային տնտեսության պետական կոմիտեի նախագահի նախկին տեղակալ Վոլոդյա Նարիմանյանն այս տարվա ապրիլին ասել էր, որ Արարատյան դաշտում 38 նոր արտեզյան հոր կգործարկվի, իսկ ավելի քան 150-ի շահագործման ռեժիմը կերկարաձգվի:

SHANTNEWS.am-ը հետաքրքրվել է Ջրային կոմիտեի նախագահից, թե արդյո՞ք իրենք կասեցրել են այդ ծրագիրը: Ինեսսա Գաբայանը դրական պատասխան է տվել՝ հորերը գործարկվելու են: Գաբայանն ընդգծել է, որ դրանք դուրս են գտնվում արտեզյան ավազանից և լրացնելու են այն բացը, որը թողել է ցամաքած Սև ջուրը.

«Սև ջուրն օգտագործվում էր 6 գյուղերի հողատարածքները ոռոգելու համար: Հիմա Սև ջուրը ցամաքել է, այնտեղ հոսում է ընդամենը կոյուղաջուր: Այդ հորերը կլուծեն այդ համայնքների հարցը: Այստեղ նաև մալարիայի, մյուս հիվանդությունների խնդիր ենք ունենում, եթե ջուր չկա և օգտագործվում է Սև ջրում եղածը»:

Հիշեցնենք, որ դեռ 2014 թվականին է փորձագետ Աշոտ Սարգսյանն ասել, որ համաձայն ուսումնասիրության՝ 1983-2013թթ. Սև ջուր-Ակնալիճ աղբյուրների ելքերի կրճատում է տեղի ունեցել մոտ 6 անգամ:

Ըստ «Հայջրնախագիծ» ինստիտուտի տնօրեն Յուրի Ջավադյանի՝ 303 արտեզյան հորերից 120-ը չորացել է Մեծամոր գետի ավազանում և դրանով ծանր պայմաններ ստեղծել նաև ձկնային տնտեսությունների համար: 3 տարվա ընթացքում ձկնաբուծական 77 տնտեսություն փակվել է:

2014 թվականի տվյալներով՝ 1984թ. ինքնաշատրվանող տարածքը 32700 հա-ից դարձել է 10700 հա, այսինքն` եռակի պակասել է:

Բաժանորդագրվեք SHANTNEWS.am-ին Telegram-ում

Բոլոր լուրերը

11:09 06.05.2024
Գողություն կատարած 29-ամյա Գառնիկը հայտնաբերվել է Նորք-Մարաշ թաղամասում

Կապակցված լուրեր

08:32 06.05.2024

ՀՀ տարածքում կան փակ ավտոճանապարհներ

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ է Արագածոտնի մարզի Ամբերդի խաչմերուկից դեպի Քարի լիճ տանող ավտոճանապարհը: Արարատի մարզի Գետափնյա գյուղի մոտ գտնվող կամրջի հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։ ...

08:21 06.05.2024

Երևանի Սեբաստիայի փողոցում տեղի է ունեցել ՃՏՊ՝ հրդեհի բռնկմամբ

Մայիսի 5-ին, ժամը 21:00-ին Ճգնաժամային կառավարման ազգային կենտրոն ահազանգ է ստացվել, որ Երևանի Սեբաստիայի փողոցում տեղի է ունեցել ՃՏՊ՝ հրդեհի բռնկմամբ. կա արգելափակված քաղաքացի: Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հերթապահ հոգեբանը։ Պարզվել է, որ «Toyota […] ...

17:04 05.05.2024

Մայիսի 6-ին Արարատ Միրզոյանը պաշտոնական այցով կգտնվի Հունգարիայում

Մայիսի 6-ին ՀՀ արտաքին գործերի նախարար Արարատ Միրզոյանը պաշտոնական այցով կգտնվի Հունգարիայում: Կայանալու են նախարար Միրզոյանի հանդիպումները Հունգարիայի բարձրաստիճան պաշտոնյաների, այդ թվում՝ ԱԳ նախարար Պետեր Սիյարտոյի հետ: «Նախարարների հանդիպմանը կհաջորդի համատեղ մամուլի ասուլիս։ Հայաստանի և Հունգարիայի միջև երկկողմ հարաբերություններում զարգացումների մասին տեղեկատվության համար»,-նշված է ՀՀ ԱԳՆ հաղորդագրության մեջ։ ...

13:57 05.05.2024

ՄԱԿ-ի գլխավոր քարտուղարի օգնական Իվանա Ժիվկովիչը ժամանել է Հայաստան

ՄԱԿ-ի գլխավոր քարտուղարի օգնական, ՄԱԿ-ի Զարգացման ծրագրի (ՄԱԶԾ) ադմինիստրատորի տեղակալ, Եվրոպայի և ԱՊՀ երկրների տարածաշրջանային բյուրոյի տնօրեն Իվանա Ժիվկովիչը մայիսի 5-ին քառօրյա այցով ժամանել է Հայաստան։ ՄԱԶԾ Հայաստանի գրասենյակից տեղեկացնում են, որ Իվանա Ժիվկովիչի այցի նպատակն է քննարկել ՄԱԿ-ի Զարգացման ծրագրի Հայաստանի կառավարության հետ գործընկերությունը, տեղում ծանոթանալ ՄԱԶԾ-ի հիմնական միջամտություններին, ներառյալ փախստականների ճգնաժամին արձագանքելը, ինչպես […] ...

12:00 05.05.2024

ՀՀ ֆինանսների նախարարի գլխավորած պատվիրակությունը մասնակցում է Ասիական զարգացման բանկի 57-րդ տարեկան հանդիպմանը

Վրաստանի մայրաքաղաք Թբիլիսիում մայիսի 2-ից 5-ն անցկացվում է Ասիական զարգացման բանկի (ԱԶԲ) 57-րդ տարեկան հանդիպումը: ՀՀ ֆինանսների նախարարությունից տեղեկացնում են, որ «Կամուրջ դեպի ապագա» խորագիրը կրող հանդիպման նպատակն է քննարկել Ասիայի և Խաղաղօվկիանոսյան տարածաշրջանի զարգացման առանցքային խնդիրներն ու մարտահրավերները: «Տարեկան հանդիպմանը մասնակցում են ֆինանսների նախարարներ, կենտրոնական բանկերի ղեկավարներ, կառավարության բարձրաստիճան պաշտոնյաներ և այլ ներկայացուցիչներ ԱԶԲ […] ...

11:13 05.05.2024

Ունեցել եմ բազմաթիվ հաջողություններ թե′ ՀՀ-ում, թե′ ՀՀ-ից դուրս. գնդապետ Տիգրան Հակոբյան

ՀՀ ՊՆ-ն ներկայացրել է տեսանյութ՝ ատեստավորման քննությունների բացարձակ գերազանցիկ, գնդապետ Տիգրան Հակոբյանի մասին։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.