14:16 05.12.2018
Գործարար Սիլվա Համբարձումյանը դեկտեմբերի 5-ին լրագրողների հետ հանդիպմանն անդրադարձավ իր հայտարարությանը, թե ԱԺ պատգամավոր Արամ Հարությունյանին կաշառք է տվել: Նա նշեց, որ երբեք առանց փաստաթղթի ոչինչ չի հայտարարում:
«Ամեն ինչ ունեմ, բայց դրա մասին այլևս չեմ խոսելու: Իմ տված մամուլի ասուլիսից հետո Հատուկ քննչական ծառայությունում ստորագրություն եմ տվել, որ այդ թեմայով այլևս չեմ խոսելու»,- ասաց նա՝ նշելով, որ դա, թերևս, նախաքննությանը չխանգարելու համար է արվում:
Համբարձումյանը նշեց, որ ինքը հայտարարում է այն, ինչ անձամբ իր հետ է կապված, բայց գաղտնի տեղեկություններ չի բացահայտում: Խոսելով Հայաստանում առկա իրավիճակի մասին` նա գոհունակությամբ արձանագրեց.
«Փայ մտնող չկա: Նախկինում չէին թողնում՝ աշխատենք»:
Նախկինում, ըստ գործարարի, կաշառքը վերցրել են ու չեն թողել, որ աշխատեն: Նա ասաց, որ ինքն աշխատել է 1990-ականներից 2014թ., թեպետ հիմա էլ է աշխատում: Համբարձումյանն ասաց, որ ինքն աշխատել է դրսում, գումարները բերել այստեղ, գնումներ է կատարել, գույքերի վրա է իր գումարները ծախսել:
«Ես հանգիստ եմ, բոլորը համոզվեցին, որ ճիշտ եմ, ստեղ փողի խնդիր չէր, պրինցիպի խնդիր էր: Մի մարդ 2008-ից խաբում ա` էս շենքից երկու հարկ կտամ, ասում եմ` դե լավ, ոչինչ, մարդը եթե ծախսել է, չունի, բայց 2015թ., երբ Կոտայքի մարզպետն էր, գնացի մոտը, ասեց` դե գնա, ինչ ուզում ես, արա, տալու բան չունեմ, ես էլ ինչ ուզում եմ, արեցի: Դա փետրվարն էր, էլի մարդիկ խառնեցի, որ ինքը նորմալ պատասխան տա, չտվեց, նույն թվականի սեպտեմբերին ես հայտարարություն արեցի»,- ասաց նա:
Համբարձումյանն ասաց, որ ինքը 14 մլն դոլար գումար կաշառք է տվել ՀՀ ԱԺ պատգամավոր Արամ Հարությունյանին:
Գործարարն ասաց, որ թեպետ իրավապահներից դեռ ծանուցում չի ստացել, սակայն եթե կանչեն, փաստաբաններով կգնա, քանի որ ապացույցներ ունի:
Լրագրողները հետաքրքրվեցին` կա՞ն նաև այլ պաշտոնյաներ, որոնց հետ գործարարը նման հարաբերությունների մեջ է եղել, ինչին նա ժխտական պատասխան տվեց:
Ասուլիսի ավարտին Համբարձումյանն ինքը լրագրողներին հարցեր ուղղեց, հետաքրքրվեց, թե ինչպես են նրանք լուսաբանում քարոզարշավը, ապա խոստացավ դեկտեմբերի 20-22-ին էլ օտարերկրյա ներդրողների հետ ասուլիս տալ, որոնք իր հրավերով են Հայաստան ժամանելու:
16:00 26.06.2025
Հաստատվել է դպրոցների ֆինանսավորման կարգի փոփոխությունը
16:00 26.06.2025
Հաստատվել է դպրոցների ֆինանսավորման կարգի փոփոխությունըՀՀ կառավարության այսօրվա նիստում հաստատվել է պետական հանրակրթական ուսումնական հաստատությունների ֆինանսավորման կարգի փոփոխությունը։ Նոր կարգով սահմանվում է՝ պետական բյուջեով նախատեսված ծրագրերի ֆինանսավորման սկզբունքները և մեթոդաբանությունը, ֆինանսավորման կարգը և ֆինանսավորման գործակիցները, ինչպես նաև նորմատիվները կհաստատվեն ՀՀ կառավարության մեկ որոշմամբ՝ հաշվի առնելով, որ դրանք փոխկապակցված են: Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը: ԿԳՄՍ […] ...
15:50 26.06.2025
Եթե ես Լամինի հայրը լինեի, գլխարկով կհարվածեի նրա ականջին․ Նոլիտո«Բարսելոնայի» նախկին հարձակվող Նոլիտոն քննադատել է Լամին Յամալին։ Նոլիտոյին դուր չի եկել, որ 17-ամյա ֆուտբոլիստը Ազգերի լիգայի խաղարկության կիսաեզրափակչում Ֆրանսիայի հավաքականի նկատմամբ տարած հաղթանակից հետո (5:4) մամուլի ասուլիսին ներկայացել է գլխարկով։ «Այն, ինչ նա անում է իր տարիքում «Բարսելոնայում», պարզապես անհավանական է։ Կան գրեթե բոլոր պայմանները, որ նա դառնա աշխարհի լավագույն ֆուտբոլիստը, և հիմա նա […] ...
15:40 26.06.2025
Հիմնանորոգվում է Վարդենյաց լեռնանցքի 14կմ հատվածըՀիմնանորոգվում է Վարդենյաց լեռնանցքի 14կմ հատվածը։ Այն անցնում է Գեղարքունիքի մարզով (Մարտունու տարածաշրջան)։ Ճանապարհին տեղադրվել է ասֆալտբետոնե ծածկը։ Այժմ տեղադրվում են երկաթե արգելապատնեշները, լրացվում, խտացվում ու հարթեցվում են կողնակները։ Ճանապարհը հիմնանորոգվում է ՀՀ պետական բյուջեի միջոցներով։ ...
15:32 26.06.2025
Վանաձոր քաղաքում գործարկվելու է էլեկտրական շչակՀունիսի 27-ին՝ ժամը 14:00-ին, Լոռու մարզի Վանաձոր քաղաքում գործարկվելու է էլեկտրական շչակ։ Այս մասին հայտնում են ՆԳՆ փրկարար ծառայությունից։ ...
15:25 26.06.2025
Դավիդ Դավիդյանը` «Ռոտորի» ֆուտբոլիստ«Փյունիկից» հեռացած կիսապաշտպան Դավիդ Դավիդյանը տեղափոխվել է Վոլգոգրադի «Ռոտոր»։ Այս մասին հայտնում է ռուսական ակումբի մամուլի ծառայությունը։ Կողմերի պայմանագիրն ուժի մեջ կլինի մինչև 2025/26 մրցաշրջանի ավարտը։ 27-ամյա Դավիդյանը «Փյունիկում» էր 2022 թ. հուլիսից, 98 խաղում նա 2 գոլ է խփել, կատարել 14 գոլային փոխանցում։ «Ռոտորը» հանդես է գալիս Ռուսաստանի երկրորդ լիգայում` ՖԱԼ-ում։ Ակումբն անցած մրցաշրջանում […] ...
15:17 26.06.2025
Մեկնարկել է Հայաստանի ԱԳ նախարար Արարատ Միրզոյանի և Չինաստանի ԱԳ նախարար Վան Յիի հանդիպումըՊեկինում՝ կառավարության հյուրերի ընդունելությունների տանը մեկնարկել է Հայաստանի ԱԳ նախարար Արարատ Միրզոյանի և Չինաստանի ԱԳ նախարար Վան Յիի հանդիպումը: Օրակարգը ներառում է հարցերի լայն շրջանակ՝ ինչպես Հայաստանի և Չինաստանի միջև երկկողմ գործընկերության զարգացմանն ուղղված աշխատանքները, այնպես էլ տարածաշրջանային թեմաներ: ...
