20:30 07.01.2019
Հունվարի 14-ին 7-րդ գումարման ԱԺ-ն կհրավիրի առաջին նիստը: Ի՞նչ մասնագետներ կան 132 պատգամավորների թվում, քանի՞ կին կա, ովքե՞ր են արդեն ծանոթ և ո՞ւմ հետ դեռ նոր պիտի ծանոթանան ընտրողները. առաջարկում ենք հպանցիկ ծանոթանալ՝ ո՞վ ինչ մասնագետ է և գիտելիքների ի՞նչ պաշարով է մտնում խորհրդարան:
Նոր տարվա առաջին քաղաքական ինտրիգը ԱԺ-ի առաջին նիստն է՝ 132 պատգամավորներն աշխատանքի կգնան անմիջապես հին տոմարով Նոր տարին նշելուց ու վերջին կենացները խմելուց հետո: Ուղիղ ժամը 10։00-ին ոմանք առաջին անգամ կնստեն պատգամավորի հարմարավետ աթոռին, ոմանց համար էլ այդ հարմարավետությունը նորություն չի լինի:
7-րդ գումարման Ազգային ժողովում կանանց թիվը 14-ով ավելի կլինի՝ նախկին 18-ի փոխարեն՝ 32: Ընտրական նոր օրենսգրքի պահանջն է՝ կանայք պետք է կազմեն պատգամավորների ընդհանուր թվի 25 տոկոսը: Կանանցից մի քանիսն առաջին անգամ չէ, որ մանդատ են ստանում, օրինակ՝ «Ելք» դաշինքից ընտրված Լենա Նազարյանը։
ԲՀԿ-ից՝ Նորա Առուստամյանը
Նաիրա Զոհրաբյանը
Իվետա Տոնոյանը
,
Շաքե Իսայանը
Կարինե Պողոսյանը
«Լուսավոր Հայաստան»-ից` Մանե Թանդիլյանը
Փորձենք ավելի լավ ճանաչել ոմանց: Եվ այսպես, մասնագիտությամբ լրագրող է Լենա Նազարյանը. որոշ կանխատեսումների համաձայն՝ նա կարող է դառնալ նորընտիր խորհրդարանի փոխնախագահը:
Լրագրող է նաև «Իմ քայլը» դաշինքից ընտրված Վահագն Հովակիմյանը: Ավարտել է համալսարանի ռադիոֆիզիկայի և սոցիոլոգիայի, հոգեբանության, քաղաքագիտության, փիլիսոփայության ֆակուլտետները: Աշխատել է «Օրագիր» և «Հայկական ժամանակ» օրաթերթերում: Եղել է Նիկոլ Փաշինյանի օգնականը:
Լրագրող է նաև Գայանե Աբրահամյանը։
Թագուհի Թովմասյանը («Ժողովուրդ» օրաթերթի խմբագիր)
Սիսակ Գաբրիելյանը («Ազատություն» ռադիոկայանի արդեն նախկին թղթակից)
Վահագն Թևոսյանը Հանրային հեռուստաընկերության լրատվական և վերլուծական հաղորդումների՝ հիմա արդեն նախկին տնօրենն է
Նախորդ գումարման Ազգային ժողովից դեռ երեք լրագրող էլ կար՝ Նաիրա Զոհրաբյան, Իվետա Տոնոյան և Շաքե Իսայան. բոլորն էլ «Բարգավաճ Հայաստան» կուսակցությունից:
Եվս մեկ լրագրող էլ «Լուսավոր Հայաստան» կուսակցության ցուցակով է պատգամավոր ընտրվել՝ Արման Բաբաջանյանը:
Նոր Ազգային ժողովում ունենք նաև մարզիկ` Արսեն Ջուլֆալակյանը՝ հունահռոմեական ոճի ըմբիշ, Եվրոպայի չեմպիոն, Աշխարհի գավաթի հաղթող, Օլիմպիադայի արծաթե մեդալակիր և Աշխարհի չեմպիոն:
«Իմ քայլը» դաշինքից պատգամավոր է ընտրվել նաև Հովհաննես Թումանյանի թանգարանի տնօրեն Նարինե Խաչատուրյանը, որն ավելի հայտնի է Թուխիկյան ազգանունով:
Պատգամավորական մանդատ կստանա նաև Ճանապարհային ոստիկանության պետի նախկին տեղակալ Արմեն Խաչատրյանը:
Փաստաբանական գործունեությամբ դժվար թե շարունակի զբաղվել Նիկոլայ Բաղդասարյանը, որը հիշեցնենք՝ դերասան Վարդան Պետրոսյանի շահերի պաշտպանն էր:
Հրաչյա Հակոբյանն էլ, օրինակ՝ դերասան է. աշխատել է Երևանի կամերային թատրոնում ու նաև «Հայկական Ժամանակ» օրաթերթի տպագրության պատասխանատուն է եղել:
Դերասանի մասնագիտություն ունի նաև Ալեն Սիմոնյանը. խաղացել է Երևանի Կոմիտասի անվան պետական կոնսերվատորիայի ՈՒՀԱ թիմում, դարձել է Հայաստանի լիգայի չեմպիոն, բազմաթիվ երաժշտական նախագծերի պրոդյսւսեր է եղել, շոու բիզնեսում և հեռուստատեսությունում աշխատելու հարուստ փորձ ունի: Նաև իրավաբան է: Բացի այդ՝ Araratnews.am և «Արարատ» ամսագրի հիմնադիրն է:
7-րդ գումարման Ազգային ժողովում կա նաև գինեգործ՝ Սեդրակ Թևոնյանը: Նա ևս «Ելք» դաշինքի ցուցակով է ընտրվել:
Նորընտիր խորհրդարանում կրկին կտեսնենք Գյումրիի նախկին քաղաքապետ Վարդան Ղուկասյանին ու Գյումրիի մանկավարժական ինստիտուտի նախկին ռեկտոր Վարդևան Գրիգորյանին:
Իսկ ազգային փոքրամասնություննրի ներկայացուցիչները կիսով չափ փոխվել են: Եզդիական համայնքը կներկայացնի նորընտիր պատգամավոր Ռուստամ Բակոյանը,
իսկ ռուսական համայնքը՝ Ալեքսեյ Սանդիկովը:
Արսեն Միխայլովը՝ ասորիների համայնքի ներկայացուցիչը, պատգամավոր է դեռ 6-րդ գումարման Ազգային ժողովից:
Նույնը նաև քրդական համայնքի ներկայացուցիչ Կնյազ Հասանովը:
13:24 15.06.2025
Չարենցավան համայնքի Արզական բնակավայրում գործարկվելու են էլեկտրական շչակներՀունիսի 16-ին Կոտայքի մարզի Չարենցավան համայնքի «Արզականի մսուր-մանկապարտեզ» ՀՈԱԿ-ում անցկացվելու են «Ազդարարում, տարհանում, պատսպարում» թեմայով դասախոսություններ, որոնց ընթացքում՝ ժամը 10:00-ից մինչև 14:00-ն ընկած ժամանակահատվածում, գործարկվելու են Արզական բնակավայրի էլեկտրական շչակները։ ...
13:08 15.06.2025
ՃՏՊ Երևան-Սևան–Իջևան ավտոճանապարհին. կա երկու տուժածՀունիսի 15-ին, ժամը 08:41-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան-Սևան ավտոճանապարհին՝ «Ծովագյուղ» սուպերմարկետի մոտակայքում, տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատից մեկ մարտական հաշվարկ։ Պարզվել է, որ Երևան-Սևան–Իջևան ավտոճանապարհի 76-րդ կմ-ին «Mitsubishi» մակնիշի ավտոմեքենան դուրս է եկել ճանապարհի երթևեկելի հատվածից և բախվել մոտակայքում գտնվող […] ...
13:00 15.06.2025
Իսրայելի օդային տարածքը մնում է ամբողջությամբ փակԻսրայելի օդային տարածքը քաղաքացիական ավիացիայի համար լիովին փակ է մնում մինչև անվտանգային համակարգում երկինքը բացելու որոշում կայացվի, ասվում է Իսրայելի արտաքին գործերի նախարարության և տրանսպորտի նախարարության համատեղ հայտարարության մեջ։ «Անվտանգության իրավիճակից ելնելով և անվտանգության մարմինների հրահանգներին համապատասխան՝ Իսրայելի երկինքը փակ է քաղաքացիական ավիացիայի համար, մեկնող կամ ժամանող չվերթներ չկան։ Անվտանգային մարմինների հաստատումից հետո՝ երկնքի բացման […] ...
12:35 15.06.2025
Իրանում հարձակման է ենթարկվել Պաշտպանության նախարարության կենտրոններից մեկըԻրանի պաշտպանության նախարարության կենտրոններից մեկը Սպահանում մեկ ժամ առաջ հարձակման է ենթարկվել, իշխանությունները գնահատում են վնասը, հայտարարել է Սպահանի նահանգի պաշտպանության և անվտանգության հարցերով փոխնահանգապետ Աքբար Սալեհին։ «Մեկ ժամ առաջ հարձակման ենթարկվեց Սպահանում գտնվող Իրանի պաշտպանության նախարարության հետ կապված կենտրոններից մեկը, և հնարավոր վնասը հիմա գնահատվում է», – նրա խոսքերն է մեջբերում «Նուր Նյուզ» գործակալությունը։ ...
12:12 15.06.2025
Իրանը պատրաստ է կնքել համաձայնագիր, որը կերաշխավորի, որ ինքը միջուկային զենք չի ունենա․ ԱրաղչիԻրանը պատրաստ է կնքել համաձայնագիր, որը կերաշխավորի, որ ինքը միջուկային զենք չի ունենա, հայտարարել է Իրանի արտաքին գործերի նախարար Աբբաս Արաղչին։ «Մենք պատրաստ ենք ցանկացած համաձայնագրի, որը նպատակ ունի ապահովել, որ Իրանը չունենա միջուկային զենք, քանի որ, մեր սկզբունքի համաձայն, միջուկային զենքն արգելված է։ Բայց եթե նպատակը Իրանին զրկելն է միջուկային իրավունքներից, ապա, բնականաբար, մենք […] ...
11:51 15.06.2025
Լոս Անջելեսում անցկացված հանրահավաքին մասնակցել է 30 հազար մարդԼոս Անջելեսում ԱՄՆ նախագահ Դոնալդ Թրամփի քաղաքականության դեմ բողոքի ցույցի դուրս եկած ցուցարարների թիվը կազմել է 30,000, սոցիալական ցանցերում հայտնել է քաղաքապետ Կարեն Բասը։ «Երեսուն հազար մարդ այսօր ամբողջ քաղաքում դուրս է եկել խաղաղ բողոքի իրենց սահմանադրական իրավունքն իրացնելու համար. հզոր է», – գրել է Բասը։ Թրամփի քաղաքականության դեմ բողոքի ցույցերը սկսվեցին ԱՄՆ բազմաթիվ նահանգներում […] ...
