13:29 14.01.2019
Եղանակային անբարենպաստ պայմանների պատճառով վերջին օրերին Հայաստանում հեղուկ գազի պաշարների անբավարարության խնդիր է եղել: Վարորդներից շատերը նշում էին, որ դժվարանում են հեղուկ գազ գտնել, երբեմն դա նաև անհնար է եղել: Այս խնդրի մասին SHANTNEWS.am-ի հետ զրույցում բարձրաձայնեց նաև հեղուկ գազ ներմուծող «Գազ պրոպան» ընկերության տնօրեն Ժիրայր Յախանեջյանը: Նա նաև խոսեց իրավիճակի պատճառների մասին:
Յախանեջյանից հետաքրքրվեցինք` հնարավո՞ր է նախապես կուտակել հեղուկ գազի առավել մեծ պաշարներ, որպեսզի նման խնդրի առաջ չկանգնեն: Նա պատասխանեց, որ դա հնարավոր է, բայց այստեղ հարցն այն է, թե ձեռնտո՞ւ է արդյոք այդքան պաշար կուտակելը, որովհետև կարող է այսօր կուտակեն պաշարներ, իսկ վաղը գնային փոփոխություն ունենան:
«Հիմնականում այն է հարցը, որ այսպիսի փլուզումներ, որ եղել են, այս տարվա նման չի եղել երկար ժամանակ, ուղղակի չնախատեսված պայմաններ են: Սա բնակլիմայական պայմանների հետևանք է, որևէ բան չկա, գնի փոփոխություն չի լինելու, պատճառն այն է, որ Լարսը փակվել էր: Մեր մեքենաները հիմա էլ դուրս են եկել, Լարսն անցնում են, երևի վաղը կամ մյուս օրն այստեղ կլինեն»,- ասաց նա:
Ճշտող հարցին` այսօրվա ընթացքում կաթվածահար վիճա՞կ է լինելու, Յախանեջյանն արձագանքեց.
«Այդպես կատեգորիկ եկեք չասենք: Ճանապարհների հետ կապված «կատաստրոֆա» չի եղել, փակվել է 1-2 օր: Ինչ-որ մեծ խնդիր, պրոբլեմ չկա, ճանապարհները մաքրում են, մեքենաները գալիս են, հնարավոր է` այսօր երեկոյան էլ լինեն այստեղ»:
Ընկերության տնօրենը վստահեցրեց` հեղուկ գազի նոր պաշարների ներմուծման դեպքում գնաճը բացառված է: Նա նշեց, որ գազի պահանջարկը չնախատեսված ձևով է աճել, և իրենք չէին նախատեսել, որ պահեստավորումների քանակը կարող է այդքան աճել:
«Ուղղակի այդ է խնդիրը, որ նախատեսածից շատ է ավելացել, ու պահեստավորման խնդիր է առաջացել, այդքան բան: Տարվա ընթացքում արդեն այդպիսի բան չի լինի, երկրորդը` կառավարությունից խոստացել են, որ հնարավոր է` փետրվարից Ռուսաստանից եկող երկրորդ ճանապարհը բացվի: Եթե դա էլ լինի, ընդհանրապես ոչ մի խնդիր չի լինի, սա ուղղակի մի ճանապարհ է, և Հայաստան ներմուծվող բոլոր տեսակի ապրանքները, որ տեղափոխվում են մեքենաներով, այդ ճանապարհով են գալիս: Այդտեղ գազը, հացահատիկը, որևէ այլ ապրանք կարևոր չէ, 5-6 հարյուր մեքենա միանգամից կանգնում են, մեծ մեքենաներ, իսկ դա խնդիր է ստեղծում: Այստեղ Հայաստանի հետ կապված խնդիր չկա, միայն Լարսի հետ է կապված, որում այդ մարդիկ էլ մեղավոր չեն, վերջին անգամ ճանապարհը բացելուց հետո փլուզում է տեղի ունեցել, որը խոստացել են մաքրել»,- նշեց նա:
Նման իրավիճակի կրկնությունից խուսափելու համար, ըստ Յախանեջյանի, իրենք արդեն նախապես միջոցներ կձեռնարկեն: Նա նշեց, որ կառավարության հետ կապված որևէ խնդիր չկա, դա իրենց` անհատ ձեռներեցների խնդիրն է, իրենք էլ իրենց սխալների վրա ուղղվում են: Պահեստավորման խնդիրը, որ եղել է, եկող տարի արդեն լուծված կլինի, արդեն իսկ աշխատում են, այսինքն` այդ ուղղությամբ աշխատանքը սկսվել է նոր տարուց առաջ:
11:50 21.05.2025
Մեղրի համայնքի Ալվանք բնակավայրի 8․5 հա մակերեսով հողամասերն օտարվել են ձևական աճուրդների միջոցով. դատախազը հայցադիմում է ներկայացրել իրավասու դատարանՄեղրի համայնքի Ալվանք բնակավայրի՝ 8․53622 հա մակերեսով 10 հողամասերի վերաբերյալ աճուրդներն անցկացվել են ձևական, որոնց հիման վրա վերոնշյալ հողամասերն օրենքով սահմանված կարգի խախտմամբ դուրս են բերվել համայնքի գույքային ֆոնդից: Այս փաստը հաստատվել է Սյունիքի մարզի առաջին ատյանի ընդհանուր իրավասության դատարանում քննված քրեական գործով կայացված դատավճռով: Դատավճռի հիման վրա՝ դատախազը 2025 թվականի ապրիլի 17-ին, ապրիլի 18-ին […] ...
11:46 21.05.2025
Սահմանադրական բարեփոխումների համատեքստում Արդարադատության նախարարության ներկայացուցիչները գտնվել են ԳերմանիայումՀՀ պատվիրակությունն՝ Արդարադատության նախարարության համակարգմամբ, ճանաչողական այցով Գերմանիայի Դաշնային Հանրապետությունում մասնակցել է «Դիմակայուն սահմանադրական բարեփոխում» խորագրով միջոցառմանը: Մասնակցությունը հնարավորություն է ընձեռել իրականացնել փորձի փոխանակում ՀՀ-ում սահմանադրական բարեփոխումների համատեքստում ժողովրդավարական և իրավական պետության կառուցակարգերի, ինչպես նաև իրավունքի գերակայության ամրապնդման հարցերի շուրջ: Այցի շրջանակներում կայացել են մի շարք հանդիպումներ և քննարկումներ Գերմանիայի Դաշնային Հանրապետության իրավասու պետական մարմինների, […] ...
11:25 21.05.2025
Իրազեկման աշխատանքներ՝ խոշոր եղջերավոր կենդանիների սպանդի ծառայության վճարի մասնակի փոխհատուցման ծրագրի վերաբերյալՇարունակվում են իրազեկման աշխատանքները Սպանդանոցների կողմից մատուցվող խոշոր եղջերավոր կենդանիների սպանդի ծառայության վճարի մասնակի փոխհատուցման ծրագրի վերաբերյալ։ Իրազեկման շրջանակում ՀՀ էկոնոմիկայի նախարարությունում մայիսի 20-ին կազմակերպվել էր հանդիպում-քննարկում սպանդանոցային ծառայություններ մատուցող տնտեսավարողների հետ։ Հանդիպման ընթացքում ներկայացվել են ծրագրի պայմաններն ու ծրագրից օգտվելու ընթացակարգերը: Նախարարության ներկայացուցիչները պատասխանել են ներկաներին հետաքրքրող հարցերին ու տվել պարզաբանումներ ծրագրի դրույթների վերաբերյալ։ […] ...
11:03 21.05.2025
Արմավիրի մարզում մեկնարկել է «Զվարթնոց» թաղամասից Մասիս ձգվող ճանապարհի հիմնանորոգումըԱրմավիրի մարզում մեկնարկել է Տ-3-29/Մ-5/ («Զվարթնոց» թաղամաս)-/Հ-13/ ավտոճանապարհի առաջին 4,4կմ-ի հիմնանորոգումը։ Հիմնանորոգվող հատվածը սկսվում է Մ-5 միջպետական ճանապարհից՝ «Զվարթնոց» թաղամասից և ձգվում է դեպի Մասիս։ Այս պահին կապալառու կազմակերպության կողմից կատարվում է գրունտի մշակում, վաքերի, մայթերի բետոնե եզրաքարարի տեղադրում։ Ծրագրով նախատեսված է 10սմ ավազակոպճային շերտի տեղադրում, որից հետո՝ C5 տեսակի խճային հիմք, կկատարվի բիտումային մշակում, […] ...
10:58 21.05.2025
Իրանի և Հայաստանի միջև ընդհանուր սահմանը երկու ժողովուրդների միջև պատմական կապ է, և Թեհրանը թույլ չի տա որևէ ոտնձգություն այս սահմանի նկատմամբ. Իրանի ՊՆԹեհրանը թույլ չի տա ոտնձգություններ Հայաստանի և Իրանի սահմանին։ Այս մասին հայտարարել է Իսլամական Հանրապետության պաշտպանության նախարար, բրիգադի գեներալ Ազիզ Նասիրզադեն՝ իր հայ գործընկերոջ հետ հանդիպման ժամանակ՝ Երևանում։ Նրա խոսքերը մեջբերել են իրանական լրատվամիջոցները։ Պաշտպանության գերատեսչության ղեկավարը պաշտոնական այցով Հայաստան էր ժամանել մեկ օր առաջ։ Նրա խոսքով՝ տարածաշրջանում տարածքային ամբողջականության և սահմանային կայունության պահպանումը Իրանի […] ...
10:49 21.05.2025
ԿԳՄՍ նախարար Ժաննա Անդրեասյանն այցելել է Կումու ազգային արվեստի թանգարանՊաշտոնական այցով Տալլինում գտնվող ԿԳՄՍ նախարար Ժաննա Անդրեասյանն այցելել է Կումու ազգային արվեստի թանգարան, որը համարվում է Բալթիկայի և Հյուսիսային Եվրոպայի մեծագույն թանգարաններից մեկը։ Այցի ընթացքում թանգարանի տնօրեն Կադի Պոլլին նախարար Ժաննա Անդրեասյանին ներկայացրել է թանգարանի կառավարման համակարգը, քննարկվել է Հայաստանի ազգային պատկերասրահի և Կումու թանգարանի միջև համագործակցության հնարավորությունը։ ԿԳՄՍ նախարարն անդրադարձել է Հայաստանի ազգային […] ...
