01:00 23.01.2019
«Շանթ» ՀԸ-ի «Հեռանկար»-ի տաղավարում ՀՀ ԱԺ փոխնախագահ Լենա Նազարյանն անդրադարձել է մարզպետների՝ իրենք իրենց պարգևատրելու հարցին: Կա օրինականության մաս, և կա էթիկայի մաս, հարցը տալու ժամանակ ընդգծել է հաղորդավար-մեկնաբան Արամ Աբրահամյանը.
«Պետական հաստատության աշխատակիցները միշտ ստացել են պարգևավճարներ և կարծում եմ, որ պետք է շարունակեն ստանալ: Սակայն, շատ կարևոր է հասկանալ, թե ինչ կարգով է դա տեղի ունենալու այսուհետ: Պարգևավճարների իմաստը պետք է լինի աշխատանքի խրախուսումը, և հիմքում պետք է գնահատվի աշխատանքի արդյունավետությունը: Դրա համար անհրաժեշտ է որ կառավարությունը և մարզպետարանները մշակեն հստակ չափանիշներ և գործակիցներ, որպեսզի, երբ տարին ավարտվի, բոլորի համար պարզ, հասկանալի և արդար լինի, թե ինչու այս աշխատակիցը ստացավ այսքան պարգևավճար, ինչու չստացավ, և ինչու այսքան ստացավ»,- ասել է Լենա Նազարյանը:
ՀՀ ԱԺ փոխնախագահը հավելել է, որ Երևանի քաղաքապետարանն արդեն իսկ գնում է նշված ուղղությամբ: Պարգևավճարների հիմքում պետք է լինի աշխատանքի արդյունքի գնահատումը:
«Ես կարո՞ղ եմ որոշել՝ ես արդյունավե՞տ եմ աշխատում, թե՞ ոչ»,- հարցրել է Արամ Աբրահամյանը։
«Եթե սահմանված լինեն օբյեկտիվ չափանիշներ և դրանք հասկանալի լինեն, արդար լինեն, ապա կամայական որոշումները հնարավորինս քիչ կլինեն կամ հնարավոր կլինի դրանցից խուսափել: Ես այսպես եմ պատկերացնում խնդրի լուծումը և համարում եմ, որ այս որոշումները տեղի ունեցան, քանի որ կառավարությունը դեռ չի հասցրել ներդնել այդպիսի չափանիշներ, որպեսզի այդպիսի չափանիշներով հնարավոր լինի գնահատել աշխատակիցների աշխատանքի արդյունավետությունը: Լավ է, որ քաղաքապետարանն արդեն սկսել է, մենք ունենք փորձ, որը կարող է կիրառվել նաև այլ համայնքներում»,- հավելել է Նազարյանը:
Ինչ վերաբերում է նախկինում եղած պրակտիկան ուղղակի շարունակելուն, Նազարյանն ասել է, որ նախկինն, իհարկե, չպետք է շարունակվի:
«Նախկինում կար և հիմա այդ կարգով է շարունակվում, քանի որ բավարար ժամանակ չի եղել, որպեսզի այդ հարցին անդրադառնանք ինստիտուցիոնալ տեսանկյունից: Դժվար է ներդնել չափանիշներ և գործակիցներ, որոնք արդար կլինեն: Քաղաքապետարանը նոր- նոր է սկսում և, իհարկե, պետք է այս գործընթացն արագացնել: Որ նման հարց այլևս չծագի»,- ասել է Նազարյանը:
22:59 05.07.2025
Նեթանյահուն կաբինետի նիստ կանցկացնի՝ պատանդների գործարքը քննարկելու համարԻսրայելի վարչապետ Բենիամին Նեթանյահուն կհավաքի կառավարության (այսպես կոչված՝ փոքր կաբինետի) հիմնական անդամներին՝ Գազայի հատվածում պատանդների վերաբերյալ ՀԱՄԱՍ-ի հետ համաձայնագիրը քննարկելու համար, հայտարարել է Իսրայելի կառավարության ղեկավարի գրասենյակի խորհրդական Դմիտրի Գենդելմանը։ Նա մանրամասնել է, որ հանդիպմանը կքննարկվի նաև Կատարում կայանալիք բանակցություններին իսրայելական պատվիրակություն ուղարկելու հարցը։ Ավելի վաղ Ynet պորտալը հայտնել էր, որ Իսրայելի իշխանությունները ՀԱՄԱՍ-ից պատասխան […] ...
22:45 05.07.2025
Բրազիլիայի նախագահը հայտարարել է, որ BRICS-ը խթանում է ինտեգրացիան և համերաշխությունըBRICS երկրները զարգացնում են ինտեգրացիան և խրախուսում համերաշխությունը՝ որպես պատերազմների և անտարբերության հակակշիռ, իսկ Ռիո դե Ժանեյրոյում կայանալիք գագաթնաժողովը կօգնի գտնել գլոբալ ճգնաժամերի լուծումներ, հայտարարել է Բրազիլիայի նախագահ Լուիս Ինասիո Լուլա դա Սիլվան։ «Պատերազմներից քայքայված աշխարհում բարգավաճում չի լինի: Պատնեշների փոխարեն մենք խթանում ենք ինտեգրացիան։ Անտարբերության փոխարեն մենք կառուցում ենք համերաշխություն», – ասել է Լուլան՝ […] ...
22:29 05.07.2025
Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին. ՊապիկյանՀՀ պաշտպանության նախարար Սուրեն Պապիկյանը ֆեյսբուքյան իր էջում գրել է․ «Այսօր վարչապետ Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին: Բանակային խաղերն անցկացվում են երրորդ տարին անընդմեջ։ Այս տարի մեկնարկել են հունիսի 29-ին և կավարտվեն հուլիսի 6-ին»: ...
22:15 05.07.2025
Ցուկերբերգը արծվի կոստյում է հագել Անկախության օրվա առթիվԱմերիկացի միլիարդատեր Մարկ Ցուկերբերգը ԱՄՆ Անկախության օրվա պատվին արծվի հագուստով սյորֆինգ է արել։ Նա միջոցառման տեսանյութը հրապարակել է Instagram-ում։ «Սա՞ է իմ արած ամենահիմար բանը», – գրել է նա։ Մեկ օր առաջ Ցուկերբերգին ցույց էին տվել Սպիտակ տան Օվալաձև աշխատասենյակի դուռը։ Պատճառը նրա հանկարծակի հայտնվելն էր նոր F-47 կործանիչի մշակմանը նվիրված փակ հանդիպմանը։ Ըստ NYP-ի՝ […] ...
21:50 05.07.2025
ՀԱՄԱՍ-ը կոչ է արել ԱՄՆ-ին վերանայել Իսրայելի հետ կնքված հրադադարի համաձայնագիրըՊաղեստինյան ՀԱՄԱՍ շարժումը խնդրել է փոփոխություններ կատարել ԱՄՆ-ի և Իսրայելի միջև կնքված հրադադարի առաջարկում՝ կարգավորման երեք ասպեկտների վերաբերյալ, հաղորդում է New York Times-ը՝ հղում անելով ՀԱՄԱՍ-ի պաշտոնյայի և բանակցություններին ծանոթ մեկ այլ անձի։ Ավելի վաղ ՀԱՄԱՍ-ը հաստատել էր, որ դրական է արձագանքել Գազայի հատվածում հրադադարի առաջարկին և պատրաստ է բանակցություններ սկսել։ «ՀԱՄԱՍ-ը խնդրել է փոփոխություններ […] ...
